ඊශ්‍රායලයේ විදේශ ශ්‍රමිකයෙක් ලෙස ජීවත් වන ඔබට, ඔබගේ සේවායෝජකයා හා නොගැළපීම්, අනවබෝධයන්, ගැටීම් ඇතිවීම ස්වභාවිකය.

ඔහුට යමක් කීමට ඔබට ඇතත්, ඔබ ඊට පැකිලෙන්නේ බොහෝ හේතු කාරණා නිසා විය හැක.

ඒ පිළිබඳව ඔබට බියක් දැනෙනවා ඇත.

ඔහු කෝපවේ යැයි ඔබ කරදර වෙනවා විය හැක.

ඔබ සේවයෙන් පහ කිරීමට ඔහුට හැකියාවක් ඇති බව සිතනවා විය හැක.

එක් ප්‍රශ්නයක් මතු කිරීමෙන් තවත් ප්‍රශ්න වලට එය හේතුවක් විය හැකි යැයි සිතනවා විය හැක.

මේ නිශ්ශබ්දතාවය මාසයක්, මාස දෙකක් මාස හයක් ලෙස ගැටලුව වර්ධනය වනතුරු පවතිනවා විය හැක.

ගැටලුව උත්සන්න වීමෙන් එයට පිළිතුරු සෙවීම අපහසු වනවාක් මෙන්ම, ඔබට අවාසිදායක තත්ත්වයක් ගෙන දෙයි.

මෙම ලිපිය නිර්භීත වීම ගැන නොවේ.

එය උපායශීලී වීම ගැන ය.

බුද්ධිමත්ව ගත යුතු තීරණ ගැනීමටත්, සමාදානයෙන් අවශ්‍ය තැන්හිදී සේවායෝජකයාගෙන් විමසීමටත්, ඔහු සමග විසඳා ගත නොහැකි ගැටලුවක් අදාළා නිල රාජ්‍ය නීතිමය සේවයක් වෙතින් විසඳා ගැනීමටත්, අවශ්‍ය දැනුම සඳහා මඟ පෙන්වීම මෙම ලිපියේ අරමුණයි.

සේවායෝජකයා සමඟ කෙලින්ම කතා කළ යුත්තේ කුමන අවස්ථාවේදීද

• බොහෝ වැටුප් දෝෂ, නිවාඩු වැරදි ගණනය කිරීම්, වැටුප් පත් පිළිබඳ මෙවැනි ගැටලු මුලින්ම සේවායෝජකයා සමඟ සෘජුවම සාකච්ඡා කළ හැක.

• සාධාරණ සේවා යෝජකයෙකු එය ආචාරශීලීව සහ සැබෑ ලෙස පෙන්වා දෙන විට, වැරැද්දක් සිදු වී ඇත්නම් එය නිවැරදි කරනු ඇත.

• සේවායෝජකයා එය වහාම නිවැරදි නොකරන්නේ නම්, ඔබේ ලිඛිත ප්‍රශ්නය ගැටලුවේ කොටසක් බවට පත්වේ.

• එනිසාම තත්ත්වය වඩාත් සංකීර්ණ වෙයි.

• සේවායෝජකයා වෙත කෙලින්ම යාම, නිවැරදි පළමු පියවර නොවන අවස්ථා තිබේ.

• සේවායෝජකයා දැනටමත් ඔබගේ වීසා බලපත්‍රය, ඔබේ නිවාස, හෝ තර්ජන ගැටලු ඇති කොට තිබේ නම්, ඔහු සමග සංවාදයකට යාම, දිගටම රැකියාව කරගෙන යාමට ගැටළුවක් විය හැක.

• ඔබට පවතින ගැටළුව ඔබේ භෞතික ආරක්ෂාවට, ඔබේ යහපැවැත්මට ක්ෂණික අවදානමක් හෝ භයානක තත්ත්වයක් යැයි හැඟෙන ඕනෑම දෙයක්, සාකච්ඡා කිරීමට උත්සාහ නොකරන්න.

• පළමුව ඔම්බුඩ්ස්මන් නිලධාරියා, PIBA ආයතනය හෝ හදිසි සේවා අමතන්න.

• ඔබ 22 වැනි වගන්තියේ විස්තර කර ඇති පරිදි සූරාකෑමේ රටාවකට මුහුණ දෙන්නේ නම්, බොහෝ අයිතිවාසිකම් උල්ලංඝනය වේනම් කළ යුත්තේ,

• ඔබට සිදුවන අසාධාරණකම් සහ ගැටලුකාරී තත්ත්වයන් පිළිබඳව අවශ්‍ය අදාල සාක්ෂි ලේඛනගත කිරීමයි.

• ඒ අතරතුර විශ්වාසවන්ත බාහිර පුද්ගලයෙකුට පවසා, ඔබ වෙනුවෙන් පෙනී සිටින නිල ආයතනයක් වෙත සියල්ල දැනුම් දීමයි.

ගත යුතු පියවර පිළිබඳ ඔබට තවමත් අවබෝධයක් නැත්නම්

LankaConnect හරහා විශේෂඥ උපදෙස් ලබා ගන්න.

සේවායෝජකයා සමග ගැටලුව සාකච්ඡා කළ හැකි මට්ටමක වේ නම්, පියවර හතරකින් යුතු පහත ක්‍රමය අනුගමනය කරන්න

1. සිදු වූ දේ

මෙහිදී ඔබට හැඟෙන සියලු වැරදීන් නොව, එක් නිශ්චිත ගැටළුවක් පිළිබඳව විමසන්න.

2. එය සිදු වූ අවස්ථාව

නිශ්චිත දිනයක් හෝ පැහැදිලි දින පරාසයක් විමසීමේදී ඉදිරිපත් කරන්න.

3. ගැටලුවට සහාය වන ලේඛන

වැටුප් ගෙවීම් පත්‍රිකාව, පැමිණීමේ වාර්තාව, කොන්ත්‍රාත් වගන්තිය, හෝ ඩිජිටල් ඡායාරූපයක්

4. ඔබ ඉල්ලා සිටින්නේ කුමක්ද යන්න

නිවැරදි කිරීමක්, පැහැදිලි කිරීමක් හෝ තහවුරු කිරීමක් ද යන්න.

මෙම කොටස් හතර වෙන වෙනම, පැහැදිලිව අසන විට, ඔබට පිළිතුරු දීම ඉවත දැමිය නොහැකි තැනකට සේවා යෝජකයා පත්වේ.

අයිතිවාසිකම් සහ හිමිකම් ගැටළු සඳහා කථන සංවාදවලට වඩා ලිඛිත පණිවිඩ හොඳින් ක්‍රියා කරයි

කථන සංවාදයක් කිසිදු වාර්තාවක් ඉතිරි නොකරයි.

එය ඒ මොහොතේ පවතින හැඟීම්වලට, වචනවල තේරුම වෙනස් කිරීමට ද ඉඩ සලසයි.

ලිඛිත පණිවිඩයක් WhatsApp, ඊමේල්, ඔබ සේවායෝජකයා සමඟ භාවිතා කරන වෙනත් ඕනෑම ලිඛිත ක්‍රමවේදයක්, පහත ප්‍රයෝජනවලින් යුතුය.

• එය සේවායෝජකායට යවන වේලාව පිළිබඳ ව ස්ථිර අදහසක් ලබා දෙයි.

• එය ඔබ අදහස් කළ ආකාරයටම ගැටලුව ප්‍රකාශ කරයි.

• සේවායෝජකයාට ක්ෂණික පීඩනයකින් තොරව ප්‍රතිචාර දැක්වීමට අවස්ථාවක් ලබා දෙන අතර

• ගැටලුවක් ඇති වුවහොත් එය සාක්ෂියක් බවටද පත් වේ.

• ඕනෑම අවස්ථාවක සහ කාලයකදී සාක්ෂියක් ලෙස ඉදිරිපත් කිරීමේ හැකියාව පවතී.

ඔබ සේවායෝජකයා සමඟ සංවාදයේ යෙදෙන භාෂාව බාධාවක් වන අවස්වථාවලදී, වාචික පණිවිඩයකට වඩා ලිඛිත පණිවිඩය වඩා හොඳ පරිවර්තනයකට ඉඩකඩ ලබාදෙයි.

ප්‍රවේශමෙන් කරන ලද ඉංග්‍රීසි ලියවිල්ලක් වාචික ප්‍රකාශනයකට වඩා පැහැදිලිය.

බොහෝ කම්කරුවන්ට ඇති ප්‍රායෝගික ප්‍රශ්නයක් වන්නේ භාවිතා කළ යුතු කුමන භාෂාවද යන්නයි

ඔබේ සේවායෝජකයා ඉංග්‍රීසි තේරුම් ගන්නේ නම්, එය භාවිතා කරන්න.

එය පරිවර්තනය කිරීමට පහසුය.

සේවායෝජකයා හීබෘ භාෂාවෙන් පමණක් සන්නිවේදනය කරන්නේ නම්, ඔබේ පණිවිඩය ඉංග්‍රීසියෙන් ලියන්න.

එමෙන්ම “අවශ්‍ය නම් හීබෘ භාෂාවෙන් ප්‍රතිචාර දක්වන්න. මම පරිවර්තනය කරගන්නම්” ලෙස ඔහුට පහසුව සලසන්න.

එවිට ඔබත් සේවායෝජකයාත් අතර භාෂා පරතරය නිසා ලිඛිත ප්‍රශ්න ඇසීමෙන් ඔබව වළක්වන ගැටළුව පැන නොනගිනු ඇත.

ඕනෑම වැදගත් සංවාදයකින් පසු අවසානයේ සාරාංශයක් ලෙස

“මට තේරෙනවා, මම වැරදියට තේරුම් ගත්තා නම් කරුණාකර මාව නිවැරදි කරන්න.”

වැනි වාක්‍ය කණ්ඩයක් යෙදීමෙන්, තවමත් ගැටලුව පිළිබඳ එකඟතාවයකට දෙපාර්ශ්වයම එළඹ නැති බවද, ඔබ සාමකාමීව ගැටලුව විසඳා ගැනීමට උත්සාහ කරන බවද පෙනී යයි.

සරල වාක්‍ය භාවිතා කරන්න.

මාසය, දිනය, මුදල, මාරුව හෝ ලේඛනය නම් කරන්න.

අවධානය වරකට එක් ගැටළුවක් වෙත පමණක් යොමු කරන්න.

උදාහරණ

• “මගේ මැයි ගෙවීම් පත්‍රිකාව පැය 182 ක් පෙන්වන්නේ මන්දැයි කරුණාකර පැහැදිලි කරන්න.”
“මගේ වාර්තා පැය 197 වැඩ කළ බව සටහන් කරගෙන තියෙනවා. ගණනය කළ ආකාරය පැහැදිලි කළ හැකිද?”

• “අප්‍රේල් මාසයේ වැටුප් ලැබිය යුතු දිනය 9 වනදායි. වැටුප් බැංකුවට යවන්නේ කෙදිනදැයි තහවුරු කළ හැකිද?”

• “පෙබරවාරි මාසයේ සිට හැම මාසයකම වැටුපතෙහි NIS 220 අඩු කිරීමක් තියෙනවා. ඒ කුමක් සඳහා දැයි කරුණාකර පැහැදිලි කරන්න.”

ඔබ හොඳින් විමසා බැලුවහොත්, මෙම ප්‍රකාශ තුළ ඔබගේ චිත්ත වේග, හැඟීම්, වෙනත් සේවකයකුගේ වැටුප සමඟ සංසන්දනය කිරීම් වැනි දේ නොමැත.

ඔබට ඇති ප්‍රශ්නය සරලව ඍජුව අසා ඇති නිසා, පිළිතුරු දීම ප්‍රතික්ෂේප කළ නොහැක.

යමකට ලැබෙන පිළිතුර සඳහා ගණනයක් අවශ්‍ය නම්

“කරුණාකර ගණනය කර පෙන්වන්න”

වැනි යෙදීමක්ද, දෙවැනි වරට යෙදිය හැක.

මෙවැනි යෙදුම් සහ මෙවැනි වාර්තා සාධාරණයක් ඉෂ්ට කර ගැනීමටද, පසුවද උපයෝගී වනු ඇත.

පැහැදිලිව සන්නිවේදනය කිරීමේ දිගුකාලීන ප්‍රතිඵල

ලිඛිතව ගැටලු වලට විසඳුම් සොයන සේවකයන් පහත කරුණු දෙකෙන් එකක් හෝ ළඟා කර ගනී.

1)

සිදුවූ අතපසුතාවයට සාධාරණයක් ලබාගැනීම සහ එය නිවැරදි කර ගැනීම.

2)

ඔබගේ ගැටලුවලට සහය නොදෙන සේවා යෝජකයකුගේ, සේවක අයිතිවාසිකම් පැහැර හැරීමට විරුද්ධව, ඔබට ගොනු කිරීමට සාක්ෂි තිබීම.

ඔබ ප්‍රශ්නයක් විමසීමට බිය නොවන බවත්, ඔබ අවබෝධයෙන් සිටින බව යන ඔබ පිළිබඳව ඇතිවන විශ්වාසය ඔබව ආරක්ෂා කරයි.

පහත අවස්ථා පිළිබඳ අවධානය යොමු කරන්න

• ගැටළුවේ තත්වය, සේවායෝජකයා සමඟ කරන සංවාදයක්ද, නැතිනම් නිල වශයෙන් ආයතනයක් හරහා කරනු ලබන විසඳීමක්ද යන්න තීරණය කරන්න.

• වඩා වැදගත්ම නිශ්චිත එක් ගැටළුවක් හඳුනාගෙන එය සාකච්ඡා කරන්න. සියල්ල එකවර කිරීම ඵලදායක නොවේ.

• ගැටළුවක් විමසීමට පෙර ඊට අදාළ උපකාරක ලේඛන සකස් කරන්න.

• අදාළ දිනයක්, මුදලක් සහ නිශ්චිත ප්‍රශ්නයක් සමඟ පණිවිඩය ලියන්න.

• ඕනෑම වාචික ගිවිසුමකින් පසුව, ලිඛිත සාරාංශයක් යවන්න.

• හැකි නම් සියලුම ප්‍රශ්න සහ පිළිතුරු එකම සංවාද දාමය තුළ තබාගන්න.

• සෘජු සන්නිවේදනය අසාර්ථක වුවහොත් හෝ අනාරක්ෂිත බවක් හැඟේ නම්, ඔම්බුඩ්ස්මන් නිලධාරියාගේ හෝ PIBA ආයතනය අමතන්න.

මේ සඳහා උපදෙස් ලබා ගත හැකි ආයතන ලෙස

• ඔම්බුඩ්ස්මන් නිලධාරියා
කම්කරු අමාත්‍යාංශය
(වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)

• Shlomo (Selma) ආයතනය
53 පාර, ටෙල් අවිවි

gov.il Foreign Worker Rights
(search: foreign worker rights)

• PIBA (ජනගහන හා සංක්‍රමණ අධිකාරිය)
ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

• ඊශ්‍රායලයේ ශ්‍රී ලංකා තානාපති කාර්යාලයද,
ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

• LankaConnect වෙබ් අඩවියට පිවිසෙන්න.

The post ගැටුම් ඇති නොකර ගනිමින්, අයිතිවාසිකම් ගැන සේවායෝජකයෙකු සමඟ සාකච්ඡා කරන්නේ කෙසේද? appeared first on LANKACONNECT.

සේවා ස්ථානය තුළදී ඔබට අත්විඳින්නට සිදුවන සිදුවීම් අතර, කාලයක් තිස්සේ කිසියම් අසාධාරණ හෝ අපයෝජන තත්ත්වයන් දැනී තිබෙනවා විය හැක.

නමුත් යමෙකු ඔබෙන් පැහැදිලි කරන ලෙස ඉල්ලා සිටින විට, තත්වය විස්තර කිරීමට සාධක නොමැත.

දින අවිනිශ්චිත ය.

ඔබ ආරක්ෂා කළ පණිවිඩය සහිත දුරකථනය නැතිවී තිබිය හැක.

මෙවැනි ලියකියවිලි තබා ගැනීමට, නීතිමය දැනුම නොව අවශ්‍ය වන්නේ පුරුද්දයි.

සිදුවීම සිදුවූ විගස වාර්තා කිරීම තුළින් බොහෝ කාලයකට පසුව වුවත් එය අර්ථවත්ව භාවිතා කළ හැක.

මෙම ලිපියේ අරමුණ වන්නේ ඔබට ඒ පිළිබඳව පැහැදිලි කිරීමයි.

ප්‍රබල සාක්ෂි සරලය.

දිනයක් සහිතය.

ඒ තුළ අඩංගු වන දේ ප්‍රශ්න වලට පිළිතුරු සපයයි.

සම්බන්ධ වූයේ කවුද?

සිදු වූයේ කුමක්ද?

ස්ථානය කුමක්ද?

යන ප්‍රශ්නවලට පිළිතුරු ඇතුළත්ය.

• සම්පූර්ණ වැටුප් පත්‍රිකාවක්
• දිනය සහිතව ගත් බැංකු වාර්තාවක ඡායාරූපයක්
• සංස්ලේෂණය නොකරන ලද සම්පූර්ණ WhatsApp පණිවිඩ දාමයක්

වැනි සාක්ෂි පවා ඉතා ප්‍රබලය.

කපා කොටා ඇති, දත්තයන් අඩු, දිනයන් නැති, විසිරුණු, මතකයෙන් පමණක්ම දැක්විය හැකි සාක්ෂි දුර්වලය.

මේ සඳහා ඔබට විශේෂ මෙවලම් අවශ්‍ය නොවේ.

ඔබේ දුරකථනයම එයට සෑහේ.

එහි එක් ස්ථානයක ඔබේ සියලූම සාක්ෂි ගබඩා කරන්න.

ගබඩා කිරීමේදී ඒවා තුළ තිබිය යුතු වැදගත් අංග, විශේෂයෙන් දින, ඡායාරූපයක් ගන්නේ නම් සම්පූර්ණ කොටස ආවරණය වන ලෙස ගත්, සිදුවීමක් සිදුවූ ස්ථානය සහ ඊට සම්බන්ධ වූ පුද්ගලයන් වැනි සියලුම දේ සමඟ එහි දත්ත සටහන් කරන්න.

කාණ්ඩ ලෙස

1. වැටුප්
   වැටුප් පත්‍රිකා, වැටුප් බැංකු අතර හුවමාරු පිළිබඳ බැංකු වාර්තා, මාසය සහ දිනය සමඟ
2. පණිවිඩ
   සේවායෝජකයා සහ ඔබ අතර ඇති වූ වැදගත් පණිවිඩවල ඡායාරූප (screenshots)
3. සිද්ධි
   ඔබ දුෂ්කර සිදුවීම් වලින් පසුව ඒ පිළිබඳව ලියන සටහන්
4. කාලසටහන
   ඔබේ වැඩ කාල සටහන සහ ඒවා වෙනස් කළ ආකාරයේ දත්ත
5. වෛද්‍ය
   අසනීප නිවාඩු සහ ඒවාට අදාළ වෛද්‍ය වාර්තා
6. නිවාස
   ඔබගේ නවාතැන් සම්බන්ධ ඡායාරූප සහ ඊට අදාළ ගිවිසුම්

විස්තර ගොනු ලෙස විස්තර කරන්න

“2026-04-වැටුප්-අතිකාල-අතුරුදහන්”

සාක්ෂි ලෙස පසු කලෙක මේ අයුරින් සටහන් කිරීම ඉතා ප්‍රයෝජනවත් වේ.

ඔබේ මෙම සාක්ෂි ෆෝල්ඩරය විද්‍යුත් තැපෑලට email, google drive හිද තැන්පත් කරන්න.

තවත් විශ්වාසවන්ත පුද්ගලයකුගේ දුරකථනයකට යවා, එය සුරක්ෂිත කරගන්න යැයි ඉල්ලීමක් කරන්න.

(ඔබේ දුරකථනය නැතිවූ අවස්ථාවේදීත්, අක්‍රිය වූ අවස්ථාවේදීත් ප්‍රයෝජනවත් වෙයි)

ඔබේ වැටුප ප්‍රමාද වී නම්

• ගෙවීම් පත්‍රිකාව
• අපේක්ෂිත ගෙවීමේ දිනය
(උදාහරණ: සාමාන්‍ය රීතියක් ලෙස ඊළඟ මාසයේ 9 වැනි දින)
• මුදල් ඇත්ත වශයෙන්ම ඔබේ බැංකු ගිණුමට පැමිණි දිනය
• ප්‍රමාදය ගැන විමසමින් ඔබ යැවූ පණිවිඩ
• ඔබට ලැබු පිළිතුරු

ගබඩා කරගන්න.

ප්‍රමාද වී වැටුප් ගෙවූ මාසයක සම්පූර්ණ වාර්තාවක් මෙසේ දැක්විය හැක

• වැටුප් ලැබිය යුතු දිනය — අප්‍රේල් 9
• අප්‍රේල් 10 — පණිවිඩයක් යැවුවා ගෙවීම එන්නේ කවදාද කියලා අහලා
• අප්‍රේල් 12 — පිළිතුරු දුන්නා තාක්ෂණික දෝෂයක් තියෙනවා කියලා
• වැටුප පැමිණියේ — අප්‍රේල් 15

මෙවන් පණිවිඩ සටහන් කිරීමෙන්, මාස කීයක එවන් සිදුවීම් සිදුවී ඇත්ද?

එය රටාවක් ලෙස සිදුවෙනවාද යැයි සොයා ගත හැක.

සැක සහිත වැටුප් අඩු කිරීමක් සඳහා

එක්මසක වැටුපෙන් අඩුවීම තාක්ෂණික දෝෂය විය හැක.

එහෙත් දිගින් දිගටම එවන් අඩුවීම සිදු වෙනවාදැයි අවධානයෙන් සිට, ඔබට නොතේරෙන අඩු කිරීමක් දුටු විට වැටුප්පත් පිළිවෙලින් තබාගන්න.

එවිට එය අතපසුවීමක් යැයි කිව නොහැක.

වාචික අපයෝජනය, තර්ජන හෝ අවමානය සඳහා

වහාම සටහනක් ලියන්න.

ඔබ සටහන් ලියන විට විධිමත් නීතිමය භාෂාවක් අවශ්‍ය නොවේ.

එදිනම කෙටි සත්‍ය සටහනක් ඔබේ වචනයෙන්ම ලියන්න.

උදාහරණ

“මැයි 12, රාත්‍රී 7:30 ට පමණ, මුළුතැන්ගෙයෙහි, [කියවූ තැනැත්තාගේ නම] ඔවුන්ගේ හඬ අවදි කර, වැටුප් පිළිබඳ ප්‍රශ්න ඇසීම නිසා වීසා ගැටලු ඇතිවිය හැකි බව කීවේය.

තවත් සේවකයන් දෙදෙනෙක් පැමිණ සිටියහ.”

ඒ සටහන සති තුනකට පසුව ලියන ලද දීර්ඝ හැඟීම්බර සටහනකට වඩා ප්‍රයෝජනවත්ය.

එයට දිනයක්, ස්ථානයක් ඇත.

උපුටා දැක්වීමක් සහ සාක්ෂිකරුවන් ඇත.

සිදුවීම සැලකිය යුතු තරම් තර්ජනයක් නම්, එදිනම විශ්වාසවන්ත පුද්ගලයෙකුට කියන්න.

කෙටි පණිවිඩයක් පවා ප්‍රමාණවත්ය.

“අද යමක් සිදු වූ අතර මම එය ලියා තැබුවෙමි”

මෙවැනි දැනුම් දීමක් දෙවන වාර්තාවක් නිර්මාණය කරයි.

එය වඩා යහපත්ය.

ඔබට දෙනු ලබන නිවාසෙහි සම්පූර්ණයෙන්ම වීඩියෝ ගත කිරීමක් කරන්න.

සිදුවී ඇති හානි පමණක් ගැනීම ප්‍රමාණවත් නොවේ.

සමීප ඡායාරූප පමණක් නොවෙයි, සම්පූර්ණ මුළු කාමරේම ඡායාරූප ගන්න.

කාමරයට පිවිසුම් දොරටුව අසල සිට මුළු කාමරයම ඡායාරූප කරන්න.

තවත් සාක්ෂි අවශ්‍ය දැයි ඔබට දැන ගැනීමට අවශ්‍ය නම් LankaConnect හරහා විමසන්න.

වාර්තා කිරීමේදී ඇති වන පොදු ලේඛන වැරදි

• ඔබ ලබා ගන්නා ඡායාරූප කපා කොටා සකස් කිරීමට යාමෙන් දිනය, යවන්නාගේ නම, සංවාදයේ වටිනා කොටස් නැති විය හැක.

• ගැටලුව සිදුවූ අවස්ථාවේදී තබාගන්නා කෙටි වටිනා සටහන්, පසුව ලියන දිග සංවේදී සටහන්වලට වඩා නීතිමය කරුණු අතින් වටිනාකමක් ඇත.

• ඔබ ඉක්මනින්ම නිවසෙන් පිටව ගියහොත් ඔබ ඔබේ වැටුප් පත්‍රිකා සහ අනෙකුත් ලේඛන තැන්පත් කර තැබූ තැනින් ඒවා ලබා ගැනීමට ලිඛිතව ඔබේ සේවායෝජකයාගෙන් ඉල්ලා සිටින්න. නැතහොත් ඔහුගේ පිටපත් ඉල්ලා සිටින්න.

• ඒවා ලබා දීමට ඔහුට නීත්‍යානුකූලව සිදුවේ. ඔහු එය ප්‍රතික්ෂේප කරන්නේ නම්, ඔම්බුඩ්ස්මන්වරයා හරහා ඒ සඳහා බලපෑමක් කළ හැක.

• ජාතික රක්ෂණ ආයතනය (Bituach Leumi) ද වාර්තා කරන ලද වැටුප් පිළිබඳ වාර්තා දරයි.

විධිමත් පැමිණිල්ලක නැතිවූ වැටුප් පත්‍රිකා සඳහා ආදේශකයක් ලෙස ඒවා භාවිතා කළ හැක.

ඔබ සතු එකම සාක්ෂි පිටපත නිවස තුළ පමණක් ගබඩා නොකරන්න.

නිවසෙන් බාහිරවද, ඩිජිටල් ක්‍රමයටද ඒවා තැන්පත් කිරීම වඩා යෝග්‍ය වෙයි.

පහත සඳහන් කරුණු පිළිබඳව විශේෂ අවධානය යොමු කරන්න

• පැහැදිලි කාණ්ඩ සහිත “වැඩ වාර්තා” ෆෝල්ඩරයක් අවම වශයෙන් ඔබේ ජංගම දුරකථනය තුළ සාදන්න.

• ඔබ ලිපිගොනු නම් කිරීමේ දී, ජංගම දුරකථනය විසින් දෙනු ලබන නම වෙනුවට, දිනය සහ දත්ත අනුව ලේඛනය නම් කරන්න.

• සෑම මසකම සම්පූර්ණ ගෙවීම් පත්‍රිකා (වැටුප්පත්) බැංකු වාර්තා සුරකින්න.

• ඕනෑම බරපතල සිදුවීමකින් පසු කෙටි සත්‍ය සටහනක් එදිනම ලියන්න.

• WhatsApp සංවාදවල ඡායාරූප ගැනීමේ දී, කොටස් නොව සම්පූර්ණයෙන් සංවාදයම ගන්න.

• ඔබගේ දුරකථනයෙන් පිටත වෙනත් ස්ථානයක ඔබගේ ලේඛන ස්ථානගත කරන්න. විශ්වාසවන්ත පුද්ගලයෙකුගේ දුරකථනයේ හෝ Gmail, Google Drive වැනි තැනක.

මේ සඳහා උපදෙස් ලබා ගත හැකි ආයතන ලෙස

• ඔම්බුඩ්ස්මන් නිලධාරියා
කම්කරු අමාත්‍යාංශය
(වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)

• Shlomo (Selma) ආයතනය
53 පාර, ටෙල් අවිවි

gov.il Foreign Worker Rights
(search: foreign worker rights)

• PIBA (ජනගහන හා සංක්‍රමණ අධිකාරිය)
ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

• ඊශ්‍රායලයේ ශ්‍රී ලංකා තානාපති කාර්යාලයද,
ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

• LankaConnect වෙබ් අඩවියට පිවිසෙන්න.

The post සේවක අපයෝජනය, ප්‍රමාද වැටුප් හෝ නීති විරෝධි වැටුප් අඩු කිරීම් ලේඛනගත කරන්නේ කෙසේද? appeared first on LANKACONNECT.

සෑම දුෂ්කර රැකියාවක්ම සූරාකෑමක් සිදු නොකරයි.

එය අවස්ථාවෙන් අවස්ථාවට වෙනස් විය හැක.

ඔබ ඒ අවස්ථාවේ සිටින තත්ත්වය ද, ඔබ ඊට දක්වන ප්‍රතිචාර ද මෙය පැහැදිලි කර ගැනීමට වැදගත්වෙයි.

ඕනෑම රැකියාවක දුෂ්කර තත්ත්වයන්, නරක දින, වරදවා වටහා ගැනීම තිබිය හැක.

සූරාකෑමේ තත්වය ඊට වෙනස් ය.

සේවකයාට විරුද්ධ විය නොහැකි බව හෝ විරුද්ධ නොවන බව සේවායෝජකයා දැන, ඔහු විසින් පවත්වාගෙන යනු ලබන පාලන රටාවක් ඇතිකර ගැනීම ශ්‍රම සූරා කෑමක් වෙයි.

සේවා ස්ථානයක සූරාකෑම ආරම්භ වන්නේ එක්විටම නොවේ.

එය සෙමින් වර්ධනය වන සුළු අවස්ථාවන්ගේ එකතුවකි.

උදාහරණයක් ලෙස එක්මසක වැටුප ප්‍රමාද වීම පිළිගන්නා ඔබට, නැවත නැවතත් එම අවස්ථාවට මුහුණ දීමට සිදුවන්නේ නම්, ඒ ඔබේ සේවායෝජකයා ඔබව සියුම් ලෙස සූරාකන අවස්ථාවකි.

එක් සතියකදී විවේක දිනය තුළ සේවය කිරීමට සිදු වනු ඇත.

පසුව එය සෙමින් පුරුද්දක් බවට පත්වෙයි.

ඔබ ඒ පිළිබඳව ප්‍රශ්නයක් ඇසුවහොත්,

“කරදර ඇති නොකරන්න,”

“මෙය ඔබගේ වීසා බලපත්‍රයට බලපෑ හැකිය,”

“වෙනත් කිසිවෙකු මෙසේ පැමිණිලි නොකරයි.”

ලෙස සේවා යෝජකයා ලබාදෙන ප්‍රතිචාර නිසා ඔබ අධෛර්යයට පත්වනවා ඇත.

ඔහු ඔබේ රැකියාවේ වීසා බලපත්‍ර, ගමන් බලපත්‍ර, නිවාස සම්බන්ධ ලේඛනවල මුල් පිටපත් හෝ පසු පිටපත් තබා ගනිමින් ඒවා මතින් ඔබව පාලනය කිරීමට සූදානම් වනවා විය හැක.

මෙම රටා එකට දිගට නැවත නැවත සිදු වන විට, ඒවා තවදුරටත් සාමාන්‍ය නොවේ.

සේවකයාට විරුද්ධ වීමට හැකියාව නොමැති බව තේරුම් ගන්නා සේවා යෝජකයා, සියුම් ලෙස ඔබව සූරා කෑමට පත්කරන තත්ත්වයකි.

සූරාකෑම සහ වැරදි අවබෝධයෙන් ඇතිවන ප්‍රශ්න පිළිබඳව නිවැරදිව තේරුම් ගනිමු

ප්‍රතිචාර දැක්විය යුතු ආකාරය තීරණය කිරීමට පෙර, මෙම ප්‍රශ්න ඔබෙන්ම අසන්න.

• මෙය එක් වරකට වඩා සිදු වී තිබේද?
(වරක් සිදු වූ දුෂ්කර සිදුවීමක් බොහෝ විට වැරදීමක් හෝ වරදවා වටහා ගැනීමක් විය හැක.)
එයම නැවත නැවතත් සිදුවන්නේ නම්, එය සූරා කෑමක් විය හැක.

• ඔබ ඒ පිළිබඳව විමසන විට සේවායෝජකයා ප්‍රතිචාර දක්වයිද?
(සාධාරණ සේවා යෝජකයින් වැරදි නිවැරදි කර ගැනීමට උත්සාහ දරයි.
එහෙත් ඔබ සාධාරණ ප්‍රශ්නයක් සාමකාමී ලෙස අසන විට පවා ගැටලුව මග හරින, තර්ජනය කරන, ඔබව සේවයෙන් ඉවත් කිරීමට උත්සාහ දරන සේවායෝජකයෙක් නම් ඔහු ඔබව ශ්‍රම සූරා කෑමකට ලක් කරයි.

එක් ගැටළුවක් අහම්බයක් විය හැක.

එහෙත් වැටුප් ප්‍රමාද වීම, විවේකය නොලැබීම, ලේඛන ඔහු යටතේ තබා ගැනීම, වීසා බලපත්‍ර පිළිබඳ තර්ජනය මේ සියල්ලම එකට සිදුවන්නේ නම් එය අනිවාර්යයෙන්ම ශ්‍රම සූරා කෑමකි.)

විදේශීය ශ්‍රමිකයින් විශේෂයෙන් අවදානමට ලක් වන්නේ ඇයි?

ඔබේ නිවාස, ඔබේ සෞඛ්‍ය රක්ෂණය, ඔබේ වීසා බලපත්‍රය සහ ඔබේ එදිනෙදා කතා බහ යන සියල්ල සිදුවන්නේ සේවායෝජකයා හරහාය.

යහපත් සාධාරණ සේවායෝජකයෙක් එම තත්ත්වයට ගරු කර, ඔබව ආරක්ෂා කරන අතර, අයහපත් සේවායෝජකයා එයම යොදාගෙන ඔබව සූරා කෑමට ලක්කරයි.

අසාධාරණ සේවායෝජකයින් ඇතැම් විට වැටුප් පිළිබඳ විමසුවහොත් වීසා අවලංගු කරන බව පවසමින් ඔබව බියවද්දනවා විය හැක.

සැබෑව එය නොවේ.

මේ ඔබව බියගන්වන ක්‍රමයයි.

එමෙන්ම පිටස්තර පුද්ගලයින්, ප්‍රජානායකයන්, පරිවර්තකයන්, නිල ආයතනය වල උපදෙස් නොපතන ලෙස අනතුරු අඟවයි නම්, එයම ඔහු ඔබව සූරා කෑමකට ලක් කරන බවට සාධකයකි.

ඔහු ඔබව මානසිකව සිරකිරීමටත්, තොරතුරු සැඟවීමටත් උත්සාහ දරයි.

ආරක්ෂිතව ප්‍රතිචාර දක්වන ආකාරය

සූරාකෑමට එරෙහිව ඇති ආරක්ෂිතම ප්‍රතිචාරය නිහඬව, ප්‍රවේශමෙන් ලේඛනගත කිරීමකි.

ඔබට උදව් ලබා ගැනීමට හැකි පුද්ගලයෙකු හෝ නිලධාරියකු සමග එක්ව, මෙම ගැටලුවට විසඳුම් සෙවීම වඩා යෝග්‍ය වේ.

ඔබ යම් පියවරක් ගැනීමට පෙර ඔබේ සාක්ෂි ගොඩනඟන්න.

වැටුප් පත්, පණිවිඩ, කොන්දේසි වල ඡායාරූප වැනි දෑ සුරක්ෂිතව තබාගන්න.

ගැටලු සහගත සිදුවීම් සිදුවන ආකාරය පිළිබඳ කෙටි දින සටහන් ලියන්න.

(23 වැනි වගන්තිය මෙය විස්තර කරයි)

රැකියාව අවසන් වුවහොත්ම සිදු වන්නේ කුමක්ද?

රැකියා අවසානයේ පාරිතෝෂිකයට ඔබට හිමිකම් කිව හැකිද?

රැකියා අවසානය පිළිබඳ ඔබ දැනුම් දිය යුත්තේ කෙසේද?

සේවායෝජකයා ඔබට “නිර්මාපිත සේවයෙන් ඉවත් කිරීමක්” කළහොත් අයිතිවාසිකම් ලබාගත හැකිද?

(19 සහ 20 වගන්ති මේවා විස්තර කරයි)

සිදු වන දේ, සේවා ස්ථානයෙන් පිටත එක් විශ්වාසවන්ත පුද්ගලයෙකුට කියන්න.

ඔබට සහය අවශ්‍යම මොහොතක මේ පිළිබඳ දන්නා තව එක් පුද්ගලයකු හෝ සිටිය යුතු නිසාය.

ඔබේ තත්වයට අදාළව උදව් ගත හැකි ආයතනය කුමක්දැයි සොයා ගන්න.

කම්කරු අයිතිවාසිකම් උල්ලංඝනය කිරීම් සඳහා

ඔම්බුඩ්ස්මන් නිලධාරියා

කම්කරු අමාත්‍යාංශය වෙනුවෙන්, කම්කරු අයිතිවාසිකම් පැමිණිලි භාර ගන්නා අතර, භාෂා කිහිපයකින් ක්‍රියාත්මක වේ.

නීතිඥයෙක් වෙනුවට ක්‍රියාත්මක වේ.

PIBA ආයතනය වීසා සහ නීතිමය තත්ත්වයන් සම්බන්ධ ගැටළු හසුරුවයි.

HaKeren යනු ඊශ්‍රායලයේ විදේශ ශ්‍රමිකයන්ට සහාය වන ස්වාධීන සංවිධානයකි.

හැකි ඉක්මනින් ක්‍රියාත්මක වන්න.

ඊශ්‍රායලයේ වැටුප් සහ කම්කරු අයිතිවාසිකම් හිමිකම් වසර හතක් දක්වා ක්‍රියාත්මක කළ හැක.

නමුත් සමහර අයිතිවාසිකම් ඉක්මනින් කල් ඉකුත් වේ.

ඔබ සූරා කෑම පිළිබඳව දත්ත ලේඛනගත කරන්නේ නම් ඒවා ඉදිරිපත් කිරීමට හැකි වන්නේත්, සාධාරණය ලබාගැනීමට හැකි වන්නේත් ඉක්මනින් ක්‍රියාත්මක වූ තරමටය.

ඔබ මුහුණ දෙන තත්වය ශාරීරික හානියක් හෝ සේවා ස්ථානයේ තුවාලයක් සම්බන්ධව නම්, ඒ සඳහා සහාය ලබාගත හැකි පද්ධති දෙකක් ඇත.

ඒවා නම්

• කම්කරු නීතිය
• ජාතික රක්ෂණ ආයතනය (Bituach Leumi)

ඔබට සිදුවන ශාරීරික හිංසනය මෙම ආයතනයන්ට වාර්තා කරන්න.

වාර්තා කිරීමම පසුවට ඔබ ගන්නා නීතිමය ආරක්ෂණයට උපකාරයකි.

දුෂ්කර සේවා තත්ත්වයකට වඩා අපහසුතාවයක් ඔබ විඳිනවාද?

ඒ පිළිබඳව ගත හැකි ක්‍රියාමාර්ග දැනගැනීමට LankaConnect හරහා විශේෂඥයෙකුගේ සහාය ලබා ගන්න.

ඔබට අවශ්‍ය පිළිතුරු නොලැබුණත් ඔබ ක්‍රියාත්මක විය යුත්තේ කෙසේද යන්න සොයා ගත හැක.

ආරක්ෂාව පළමු කොට සිතන්න

ඔබේ ශාරීරික ආරක්ෂාවට ක්ෂණික අවදානමක් තිබේ නම්, වහාම උපකාර ලබා ගන්න.

හදිසි සේවා

• පොලිසිය: 100
• ගිලන් රථය: 101
• ප්‍රජා සහාය අමතන්න

ඉන්පසුව ඔම්බුඩ්ස්මන් නිලධාරියා හරහා පැමිණිලි කළ හැක.

ඔහු කම්කරු පැමිණිලි හසුරුවනු ඇත.

(මෙය ක්ෂණිකව සිදු නොවන නිසා, ඉහත දැක්වූ ලෙස ඔබගේ ආරක්ෂාව සලසා ගැනීමෙන් පසු නීතිමය ක්‍රියාමාර්ග වලට පිවිසෙන්න.)

පහත අවස්ථා පිළිබඳව විමසිලිමත් වන්න

• ඔබ එක් දුෂ්කර සිදුවීමකට පමණක් නොව දුෂ්කර සිදුවීම් බොහෝමයකට මුහුණ දෙනවාදැයි හඳුනා ගන්න.

• ඔබ මීට පෙර ගැටලුවක් මතු කළ විට සේවායෝජකයා සාධාරණ ලෙස ප්‍රතිචාර දක්වා තිබේද? නැද්ද? ඔබම එය සාධාරණව සොයාගන්න.

• දිනයන් සමග ගැටලු පිළිබඳ කෙටි සටහන් ලේඛනගත කරන්න.

• සිදු වන දේ සේවා ස්ථානයෙන් පිටත, එක් විශ්වාසවන්ත පුද්ගලයෙකුට දන්වන්න.

• අර්බුදකාරී අවස්ථාවකට පැමිණීමට පෙර ඔම්බුඩ්ස්මන් නිලධාරියා හෝ PIBA ආයතනය අමතන්න.

• ආරක්ෂාව ක්ෂණිකව අවදානමට ලක්ව තිබේ නම්, පළමුව අවශ්‍ය උපකාර ගෙන ඔබේ ආරක්ෂාව සලසා ගන්න.

මේ සඳහා උපදෙස් ලබා ගත හැකි ආයතන ලෙස

1. ඔම්බුඩ්ස්මන් නිලධාරියා
   කම්කරු අමාත්‍යාංශය
   (වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)
2. Shlomo (Selma) ආයතනය
   53 පාර, ටෙල් අවිවි

gov.il Foreign Worker Rights
(search: foreign worker rights)

3. PIBA (ජනගහන හා සංක්‍රමණ අධිකාරිය)
   ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

4. ඊශ්‍රායලයේ ශ්‍රී ලංකා තානාපති කාර්යාලයද,
   ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

5. LankaConnect වෙබ් අඩවියට පිවිසෙන්න

The post සේවා ස්ථානයේ සිදුවන ශ්‍රම සූරා කෑම ලෙස සැලකිය හැකි දේ, සහ ඊට ප්‍රතිචාර දැක්විය යුතු ආකාරය appeared first on LANKACONNECT.

විවේකය සහ ආගම යනු ඉතා මානුෂීය සහ සංවේදී මාතෘකාවේ.

එමෙන්ම බොහෝ විදේශීය ශ්‍රමිකයින්, මේ පිළිබඳ අවශ්‍යතා ඇතත්, තම සේවායෝජකයා ඉදිරියේ නිහඬ වේ.

ඒ පිළිබඳව කතා කිරීමෙන් සේවායෝජකයා, තමන් පිළිබඳව වැරදි වටහා ගැනීමක් ඇතිකර ගනී යන බියත්, රැකියාව අවධානමකට ලක් කිරීමට ඇති බියත් නිසාය.

නමුත් විවේකය විශේෂ වරප්‍රසාදයක් නොවේ.

නිවාඩු යනු විශේෂ ඉල්ලීමක් මත ලබන දෙයක්ද නොවේ.

ඒ දෙකම අයිතිවාසිකම්ය.

ඔබ ඒවා පිළිබඳ නිවැරදිව තේරුම් ගත්විට, ඒවා ලබා ගැනීමටත් අයිතිවාසිකම් ආරක්ෂා කර ගැනීමටත් හැකිවනු ඇත.

සතිපතා විවේකය

ඊශ්‍රායලයේ සෑම සේවකයෙකුටම සතිපතා අවම වශයෙන් අඛණ්ඩව පැය 25ක විවේකයක් හිමිවේ.

අඛණ්ඩ පැය විසි පහක් යනු එක දිගට ලැබිය යුතු පැය 25කි.

විවේක දිනයක් ලබන නමුත්, ඒ අතරමගදී හදිසියකට රැකියාවේ නිරත වීමකට සිදුවීමත්, සේවායෝජකයාගේ ගෙන් ලැබෙන ඇමතුම් සහ පණිවිඩ වලට ක්ෂණික ප්‍රතිචාර ලබාදිය යුතු වීමත්, රැකියාව සම්බන්ධයෙන් යම්කිසි වගකීමක නියැලීමට සිදුවීමත් යන මේ අවස්ථා, සතියකට වරක් ඔබ ලබන අඛණ්ඩ පැය විසිපහේ විවේකය, අහිමි කරවයි.

දිගින් දිගටම මෙය සිදුවන්නේ නම්, ඒ පිළිබඳව ඔබ සටහන් කරගත යුතුය.

සේවායෝජකයාගෙන් ඒ පිළිබඳව විමසිය යුතුය.

ඒ සේවායෝජකයා සමඟ ගැටුමක්ම ඇති කර ගැනීමට නොවේ.

ගිවිසුම් කඩදාසියකට පමණක් අයත් සති නිවාඩුවකින් ඔබට ප්‍රයෝජනයක් නැති හෙයිනි.

යුදෙව් නොවන කම්කරුවන් සඳහා නිවාඩු අයිතිවාසිකම්

2026 විදේශ ශ්‍රමිකයන්ගේ අයිතිවාසිකම් අත්පොතට අනුව,

වසරකට ආගමික නිවාඩු දින 9 ක් දක්වා ගෙවීම් කරන නිවාඩු ලැබීමට විදේශ සේවකයින්ට හිමිකම් ඇත.

එම දින, තමන්ගේ ආගමික දිනවීම හෝ, යුදෙව් රජයේ නිවාඩු දින විය හැකිය.

ඔබට සතියේ විවේකය ලබන දිනයටම ආගමික නිවාඩු දිනයද වැටුණහොත් මිස, අනෙකුත් තෝරාගත් ඕනෑම දිනෙකට වැටෙන ආගමික නිවාඩුවක් සඳහා ඔබට ගෙවීම් ලැබිය හැක.

පුර පසළොස්වක පොහොය දින පෙරදැරි කරගත් ආගමික වතාවත් වලින් හෙබි ශ්‍රී ලාංකික බෞද්ධ ශ්‍රමිකයන්ට මෙය සෘජුවම වැදගත් වේ.

නමුත් ඊශ්‍රායලයේ පොහොය දිනය, පොදු නිවාඩු දිනයක් නොවේ.

මේ නිසා ඔබට වඩා වැදගත් වන, වෙසක් පොහොය, පොසොන් පොහොය, සිංහල දෙමළ අලුත් අවුරුදු දිනය යන දින ඇතුළුව ඔබට ගත හැකි දින මොනවාදැයි සොයා දැනගත යුතුය.

ඊශ්‍රායල නීතිය යටතේ ඔබේ තත්වයට අදාළ වන නිශ්චිත නිවාඩු මොනවාදැයි ඔබට පැහැදිලි අවබෝධයක් නැත්නම් පිළිබඳව උපකල්පනය කරනවාට වඩා විශේෂඥයෙකුගෙන් විමසීම වැදගත් වෙයි.

ඊශ්‍රායලයේ ශ්‍රී ලාංකික බෞද්ධ සේවකයෙකු ලෙස, ඔබට අදාළ වන නිවාඩු මොනවාදැයි ගැටලුවක් පවතීද?

නිශ්චිත තත්ත්වය සඳහා පැහැදිලි පිළිතුරක් ලබා ගැනීමට LankaConnect වෙබ් අඩවිය භාවිතා කරන්න.

වැටුප සහිත නිවාඩු සහ වාර්ෂික එකිනෙකට වෙනස්ය

ඔබගේ සේවා කාලසටහන තුළ සුදුසුකම් ලත් නිවාඩුවක් වැටෙන්නේ නම්,

එය සාමාන්‍ය දිනක වැටුපක් ලෙස ගෙවිය යුතුය.

එය ඔබගේ වාර්ෂික නිවාඩුවෙන් අඩුවන්නේ නැත.

නිවාඩු පිළිබඳ වන පහත අක්‍රමිකතාව නැත්නම් පටලැවිල්ල බොහෝ අවස්ථාවල සිදුවේ.

නියමිත නිවාඩු දිනයකට පසු ලැබෙන වැටුප්පතෙහි එම නිවාඩු දිනය ඔබට අයත් නිවාඩු වලින් අඩුකොට තිබීය හැක.

නැතිනම් ඔබේ වැටුපෙන් අඩු කිරීමක් කොට තිබීය හැක.

ඇතැම් විට එය අත්වැරදීමක් විය හැක.

නැත්නම් සිතා මතාම කරන ඔබගේ අයිතිවාසිකම් කප්පාදුවක් විය හැක.

පැහැදිලි කිරීමකින් තොරව, ලැබිය යුතු පොදු නිවාඩුවක් ඔබගේ නිවාඩු වලින් කපා ඇත්නම් එය ප්‍රශ්න කිරීම වටී.

මෙවන් අක්‍රමිකතාවයක් වරෙක විවේක දිනයක් සඳහා සිදුවිය හැක.

තවත් වරෙක ආගමික දිනයක් සඳහා සිදුවිය හැක.

සේවා යෝජකයාගෙන් විමසීමට ඇති අකමැත්ත නිසා ඔබ නිහඬ වෙනවා විය හැක.

මෙම අක්‍රමිකතාවය දිගින් දිගටම සිදුවන විට අවසානයේ එය සාමාන්‍ය දෙයක් බවට පත්වෙයි.

ඒ සඳහා ක්‍රියාමාර්ගයක් නොගත් ඔබ ඉබේම එයට ගොදුරු වෙයි.

සේවායෝජකයාගෙන් අනවශ්‍ය ගෞරවය බලාපොරොත්තු නොවී ඔබගේ අවශ්‍යතාවය කෙලින්ම ප්‍රකාශ කරන්න.

උදාහරණ

“මගේ සතිපතා විවේක දිනය සිකුරාදා විය යුතුයි එම වැඩපිළිවෙළ මට ලිඛිතව තහවුරු කරන්න.”

“මගේ වෙසක් නිවාඩු දිනය මට අයත් නිවාඩු නමයෙන් එකක් ලෙස ගැනීමට කැමති යි”

ලෙස දක්වා ඒ බව ලිඛිතව තහවුරු කිරීමට ඉල්ලීමක් කළ හැක.

මෙම ක්‍රමවේදය ප්‍රායෝගික ගැටලුකාරී තත්ත්වය වර්ධනය වීමට ඇති ඉඩ ඉවත් කරයි.

සත්කාරක සේවයේදී නම්, විශේෂයෙන් එවන් හදිසි අවස්ථා මතුවිය හැක.

එය සාධාරණය ඉල්ලීමක් විය හැක.

ඔබ එසේ නිවාඩු දිනයකදී ද සේවය කළේ නම්, දිනය වෙලාව එසේ කිරීමට ඔබට දැනුම් දුන්නේ කවුද පිළිබඳ සටහන් තබාගන්න.

ඉන්පසු ලැබෙන ආසන්නම වැටුපතෙහි, එම දිනයට සාධාරණ ක්‍රමවේදයක් අනුගමනය කර ඇත්දැයි සොයා බලන්න.

එසේ නොවේ නම් සේවායෝජකයාගෙන් විමසන්න.

සැබෑ ජීවිතයේ උදාහරණ

1)

සේවකයෙකු සෑම රජයේ නිවාඩුවක්ම ස්වයංක්‍රීයව අදාළ වේ යැයි උපකල්පනය කරයි.

පසුව සොයාගන්නේ දින කිහිපයක් වාර්ෂික නිවාඩුවෙන් කපා හැර ඇති බවයි.

(භාවිතා කරන්නේ කුමන නිවාඩු දින දර්ශනයද? පිළිබඳව විමසිලිමත් විය යුතුය)

2)

සේවකයෙකු ඇමතුම්වලට පිළිතුරු දීමට එකඟ වන අතර සෑම විවේක දිනකම ටික වෙලාවකට හෝ ආපසු පැමිණීමට එකඟ වේ.

මේ හේතුව නිසා මාස කිහිපයක්ම කිසි දිනක සැබෑ බාධාවකින් තොරව, සතිපතා විවේකයක් නොලැබූ බව වැටහුණි.

එහෙත් ඒ පිළිබඳව ලිඛිත සටහනක් නොමැති වූ කල සේවායෝජකයාගෙන් ඇසීම අසීරුය.

3)

සේවකයෙකු වෙසක් දිනය, නිවාඩුවක් ලෙස ගත කිරීමට දින දෙකකට පෙර ඉල්ලා සිටී.

එය ඉතා කෙටි දැනුම් දීමක් නිසා, එසේ නොහැකි බවත් සති තුනකටවත් පෙර ඉල්ලා සිටියේ නම් දිය හැකිව තිබුණ බවත් කිව හැක.

පහත කරුණු පිළිබඳව සැලකිලිමත් වන්න

• ඔබේ සතිපතා විවේක දිනය කුමක්දැයි දැනගෙන, හැකිනම් එය ලිඛිතව තහවුරු කරන්න.

• ඔබ භාවිතා කිරීමට බලාපොරොත්තු වන නිවාඩු දින 9 හඳුනාගෙන, ඒවා කල් වෙලා ඇතුව සේවා යෝජකයාට දැනුම්දෙන්න.

• විවේක දින බාධා කිරීම්, සාමාන්‍ය දෙයක් වීමට ඉඩ නොදෙන්න. දිගින් දිගටම එසේ වන්නේ නම්, ලේඛනගත කරන්න. සේවායෝජකයාගෙන් විමසන්න.

• ඔබේ වැටුප් සහිත නිවාඩු, එලෙසම සලකනවාද, නැතහොත් වාර්ෂික නිවාඩු ලෙස සලකනවාද යන්න ලැබෙන ආසන්නතම වැටුපතෙන් දැනගන්න. විෂමතාවයක් ඇතොත් සේවායෝජකයාගෙන් විමසන්න.

• විවේක දිනවල හෝ නිවාඩු දිනවල සිදු කරන ඕනෑම, රැකියාවට සම්බන්ධ වීමක් පිළිබඳ ලිඛිත දත්තයන් තබාගන්න.

• සේවා යෝජකයාගෙන් විමසීමේදී, ඔබ තබාගත් ලිඛිත සටහන්ද සමඟ ඉදිරිපත් කරන්න.

මේ සඳහා උපදෙස් ලබා ගත හැකි ආයතන ලෙස

• ඔම්බුඩ්ස්මන් නිලධාරියා
කම්කරු අමාත්‍යාංශය
(වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)

• Shlomo (Selma) ආයතනය
53 පාර, ටෙල් අවිවි

gov.il Foreign Worker Rights
(search: foreign worker rights)

• PIBA (ජනගහන හා සංක්‍රමණ අධිකාරිය)
ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

• ඊශ්‍රායලයේ ශ්‍රී ලංකා තානාපති කාර්යාලයද,
ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

• LankaConnect වෙබ් අඩවියට පිවිසෙන්න.

The post විවේක නිවාඩු, සාමාන්‍ය නිවාඩු, ආගමික හා සංස්කෘතික නිවාඩු පිළිබඳ සමාලෝචනය appeared first on LANKACONNECT.

විවේකය සහ ආගම යනු ඉතා මානුෂීය සහ සංවේදී මාතෘකාවේ.

එමෙන්ම බොහෝ විදේශීය ශ්‍රමිකයින්, මේ පිළිබඳ අවශ්‍යතා ඇතත්, තම සේවායෝජකයා ඉදිරියේ නිහඬ වේ.

ඒ පිළිබඳව කතා කිරීමෙන් සේවායෝජකයා, තමන් පිළිබඳව වැරදි වටහා ගැනීමක් ඇතිකර ගනී යන බියත්, රැකියාව අවධානමකට ලක් කිරීමට ඇති බියත් නිසාය.

නමුත් විවේකය විශේෂ වරප්‍රසාදයක් නොවේ.

නිවාඩු යනු විශේෂ ඉල්ලීමක් මත ලබන දෙයක්ද නොවේ.

ඒ දෙකම අයිතිවාසිකම්ය.

ඔබ ඒවා පිළිබඳ නිවැරදිව තේරුම් ගත්විට, ඒවා ලබා ගැනීමටත් අයිතිවාසිකම් ආරක්ෂා කර ගැනීමටත් හැකිවනු ඇත.

සතිපතා විවේකය

ඊශ්‍රායලයේ සෑම සේවකයෙකුටම සතිපතා අවම වශයෙන් අඛණ්ඩව පැය 25ක විවේකයක් හිමිවේ.

අඛණ්ඩ පැය විසි පහක් යනු එක දිගට ලැබිය යුතු පැය 25කි.

විවේක දිනයක් ලබන නමුත්, ඒ අතරමගදී හදිසියකට රැකියාවේ නිරත වීමකට සිදුවීමත්, සේවායෝජකයාගේ ගෙන් ලැබෙන ඇමතුම් සහ පණිවිඩ වලට ක්ෂණික ප්‍රතිචාර ලබාදිය යුතු වීමත්, රැකියාව සම්බන්ධයෙන් යම්කිසි වගකීමක නියැලීමට සිදුවීමත් යන මේ අවස්ථා, සතියකට වරක් ඔබ ලබන අඛණ්ඩ පැය විසිපහේ විවේකය, අහිමි කරවයි.

දිගින් දිගටම මෙය සිදුවන්නේ නම්, ඒ පිළිබඳව ඔබ සටහන් කරගත යුතුය.

සේවායෝජකයාගෙන් ඒ පිළිබඳව විමසිය යුතුය.

ඒ සේවායෝජකයා සමඟ ගැටුමක්ම ඇති කර ගැනීමට නොවේ.

ගිවිසුම් කඩදාසියකට පමණක් අයත් සති නිවාඩුවකින් ඔබට ප්‍රයෝජනයක් නැති හෙයිනි.

යුදෙව් නොවන කම්කරුවන් සඳහා නිවාඩු අයිතිවාසිකම්

2026 විදේශ ශ්‍රමිකයන්ගේ අයිතිවාසිකම් අත්පොතට අනුව,

වසරකට ආගමික නිවාඩු දින 9 ක් දක්වා ගෙවීම් කරන නිවාඩු ලැබීමට විදේශ සේවකයින්ට හිමිකම් ඇත.

එම දින, තමන්ගේ ආගමික දිනවීම හෝ, යුදෙව් රජයේ නිවාඩු දින විය හැකිය.

ඔබට සතියේ විවේකය ලබන දිනයටම ආගමික නිවාඩු දිනයද වැටුණහොත් මිස, අනෙකුත් තෝරාගත් ඕනෑම දිනෙකට වැටෙන ආගමික නිවාඩුවක් සඳහා ඔබට ගෙවීම් ලැබිය හැක.

පුර පසළොස්වක පොහොය දින පෙරදැරි කරගත් ආගමික වතාවත් වලින් හෙබි ශ්‍රී ලාංකික බෞද්ධ ශ්‍රමිකයන්ට මෙය සෘජුවම වැදගත් වේ.

නමුත් ඊශ්‍රායලයේ පොහොය දිනය, පොදු නිවාඩු දිනයක් නොවේ.

මේ නිසා ඔබට වඩා වැදගත් වන, වෙසක් පොහොය, පොසොන් පොහොය, සිංහල දෙමළ අලුත් අවුරුදු දිනය යන දින ඇතුළුව ඔබට ගත හැකි දින මොනවාදැයි සොයා දැනගත යුතුය.

ඊශ්‍රායල නීතිය යටතේ ඔබේ තත්වයට අදාළ වන නිශ්චිත නිවාඩු මොනවාදැයි ඔබට පැහැදිලි අවබෝධයක් නැත්නම් පිළිබඳව උපකල්පනය කරනවාට වඩා විශේෂඥයෙකුගෙන් විමසීම වැදගත් වෙයි.

ඊශ්‍රායලයේ ශ්‍රී ලාංකික බෞද්ධ සේවකයෙකු ලෙස, ඔබට අදාළ වන නිවාඩු මොනවාදැයි ගැටලුවක් පවතීද?

නිශ්චිත තත්ත්වය සඳහා පැහැදිලි පිළිතුරක් ලබා ගැනීමට LankaConnect වෙබ් අඩවිය භාවිතා කරන්න.

වැටුප සහිත නිවාඩු සහ වාර්ෂික එකිනෙකට වෙනස්ය

ඔබගේ සේවා කාලසටහන තුළ සුදුසුකම් ලත් නිවාඩුවක් වැටෙන්නේ නම්,

එය සාමාන්‍ය දිනක වැටුපක් ලෙස ගෙවිය යුතුය.

එය ඔබගේ වාර්ෂික නිවාඩුවෙන් අඩුවන්නේ නැත.

නිවාඩු පිළිබඳ වන පහත අක්‍රමිකතාව නැත්නම් පටලැවිල්ල බොහෝ අවස්ථාවල සිදුවේ.

නියමිත නිවාඩු දිනයකට පසු ලැබෙන වැටුප්පතෙහි එම නිවාඩු දිනය ඔබට අයත් නිවාඩු වලින් අඩුකොට තිබීය හැක.

නැතිනම් ඔබේ වැටුපෙන් අඩු කිරීමක් කොට තිබීය හැක.

ඇතැම් විට එය අත්වැරදීමක් විය හැක.

නැත්නම් සිතා මතාම කරන ඔබගේ අයිතිවාසිකම් කප්පාදුවක් විය හැක.

පැහැදිලි කිරීමකින් තොරව, ලැබිය යුතු පොදු නිවාඩුවක් ඔබගේ නිවාඩු වලින් කපා ඇත්නම් එය ප්‍රශ්න කිරීම වටී.

මෙවන් අක්‍රමිකතාවයක් වරෙක විවේක දිනයක් සඳහා සිදුවිය හැක.

තවත් වරෙක ආගමික දිනයක් සඳහා සිදුවිය හැක.

සේවා යෝජකයාගෙන් විමසීමට ඇති අකමැත්ත නිසා ඔබ නිහඬ වෙනවා විය හැක.

මෙම අක්‍රමිකතාවය දිගින් දිගටම සිදුවන විට අවසානයේ එය සාමාන්‍ය දෙයක් බවට පත්වෙයි.

ඒ සඳහා ක්‍රියාමාර්ගයක් නොගත් ඔබ ඉබේම එයට ගොදුරු වෙයි.

සේවායෝජකයාගෙන් අනවශ්‍ය ගෞරවය බලාපොරොත්තු නොවී ඔබගේ අවශ්‍යතාවය කෙලින්ම ප්‍රකාශ කරන්න.

උදාහරණ

“මගේ සතිපතා විවේක දිනය සිකුරාදා විය යුතුයි එම වැඩපිළිවෙළ මට ලිඛිතව තහවුරු කරන්න.”

“මගේ වෙසක් නිවාඩු දිනය මට අයත් නිවාඩු නමයෙන් එකක් ලෙස ගැනීමට කැමති යි”

ලෙස දක්වා ඒ බව ලිඛිතව තහවුරු කිරීමට ඉල්ලීමක් කළ හැක.

මෙම ක්‍රමවේදය ප්‍රායෝගික ගැටලුකාරී තත්ත්වය වර්ධනය වීමට ඇති ඉඩ ඉවත් කරයි.

සත්කාරක සේවයේදී නම්, විශේෂයෙන් එවන් හදිසි අවස්ථා මතුවිය හැක.

එය සාධාරණය ඉල්ලීමක් විය හැක.

ඔබ එසේ නිවාඩු දිනයකදී ද සේවය කළේ නම්, දිනය වෙලාව එසේ කිරීමට ඔබට දැනුම් දුන්නේ කවුද පිළිබඳ සටහන් තබාගන්න.

ඉන්පසු ලැබෙන ආසන්නම වැටුපතෙහි, එම දිනයට සාධාරණ ක්‍රමවේදයක් අනුගමනය කර ඇත්දැයි සොයා බලන්න.

එසේ නොවේ නම් සේවායෝජකයාගෙන් විමසන්න.

සැබෑ ජීවිතයේ උදාහරණ

1)

සේවකයෙකු සෑම රජයේ නිවාඩුවක්ම ස්වයංක්‍රීයව අදාළ වේ යැයි උපකල්පනය කරයි.

පසුව සොයාගන්නේ දින කිහිපයක් වාර්ෂික නිවාඩුවෙන් කපා හැර ඇති බවයි.

(භාවිතා කරන්නේ කුමන නිවාඩු දින දර්ශනයද? පිළිබඳව විමසිලිමත් විය යුතුය)

2)

සේවකයෙකු ඇමතුම්වලට පිළිතුරු දීමට එකඟ වන අතර සෑම විවේක දිනකම ටික වෙලාවකට හෝ ආපසු පැමිණීමට එකඟ වේ.

මේ හේතුව නිසා මාස කිහිපයක්ම කිසි දිනක සැබෑ බාධාවකින් තොරව, සතිපතා විවේකයක් නොලැබූ බව වැටහුණි.

එහෙත් ඒ පිළිබඳව ලිඛිත සටහනක් නොමැති වූ කල සේවායෝජකයාගෙන් ඇසීම අසීරුය.

3)

සේවකයෙකු වෙසක් දිනය, නිවාඩුවක් ලෙස ගත කිරීමට දින දෙකකට පෙර ඉල්ලා සිටී.

එය ඉතා කෙටි දැනුම් දීමක් නිසා, එසේ නොහැකි බවත් සති තුනකටවත් පෙර ඉල්ලා සිටියේ නම් දිය හැකිව තිබුණ බවත් කිව හැක.

පහත කරුණු පිළිබඳව සැලකිලිමත් වන්න

• ඔබේ සතිපතා විවේක දිනය කුමක්දැයි දැනගෙන, හැකිනම් එය ලිඛිතව තහවුරු කරන්න.

• ඔබ භාවිතා කිරීමට බලාපොරොත්තු වන නිවාඩු දින 9 හඳුනාගෙන, ඒවා කල් වෙලා ඇතුව සේවා යෝජකයාට දැනුම්දෙන්න.

• විවේක දින බාධා කිරීම්, සාමාන්‍ය දෙයක් වීමට ඉඩ නොදෙන්න. දිගින් දිගටම එසේ වන්නේ නම්, ලේඛනගත කරන්න. සේවායෝජකයාගෙන් විමසන්න.

• ඔබේ වැටුප් සහිත නිවාඩු, එලෙසම සලකනවාද, නැතහොත් වාර්ෂික නිවාඩු ලෙස සලකනවාද යන්න ලැබෙන ආසන්නතම වැටුපතෙන් දැනගන්න. විෂමතාවයක් ඇතොත් සේවායෝජකයාගෙන් විමසන්න.

• විවේක දිනවල හෝ නිවාඩු දිනවල සිදු කරන ඕනෑම, රැකියාවට සම්බන්ධ වීමක් පිළිබඳ ලිඛිත දත්තයන් තබාගන්න.

• සේවා යෝජකයාගෙන් විමසීමේදී, ඔබ තබාගත් ලිඛිත සටහන්ද සමඟ ඉදිරිපත් කරන්න.

මේ සඳහා උපදෙස් ලබා ගත හැකි ආයතන ලෙස

• ඔම්බුඩ්ස්මන් නිලධාරියා
කම්කරු අමාත්‍යාංශය
(වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)

• Shlomo (Selma) ආයතනය
53 පාර, ටෙල් අවිවි

gov.il Foreign Worker Rights
(search: foreign worker rights)

• PIBA (ජනගහන හා සංක්‍රමණ අධිකාරිය)
ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

• ඊශ්‍රායලයේ ශ්‍රී ලංකා තානාපති කාර්යාලයද,
ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

• LankaConnect වෙබ් අඩවියට පිවිසෙන්න.

The post විවේක නිවාඩු, සාමාන්‍ය නිවාඩු, ආගමික හා සංස්කෘතික නිවාඩු පිළිබඳ සමාලෝචනය appeared first on LANKACONNECT.

බොහෝ කම්කරුවන් ඊශ්‍රායලයේ රැකියාව අවසානයේ පිටවන්නේ කිසිදාක ඔවුන් වෙනුවෙන් තැන්පත් වූ පාරිතෝෂිකයක් ගැන විමසීමකින් තොරවය.

එක්කෝ ඔවුන් එය ඉබේම ලැබෙනු ඇතැයි උපකල්පනය කරයි.

නැතහොත් ඔවුන්ට හිමිකමක් නොමැති බව පැවසූ විට, ඔවුන් එය පරීක්ෂා නොකර පිළිගනී.

සමහර විට මුදල් ඔවුන්ගේ නමින් අරමුදලක තැන්පත් වී ඇත.

කිසිවෙකු ඔවුන්ට එය පවසා නැති නිසා නොදන්නවා විය හැක.

සේවය අවසානයේ ලැබෙන පාරිතෝෂිකය පුණ්‍ය කටයුත්තක් ලෙස ලැබෙන්නක් නොවේ.

බොහෝ අවස්ථාවන්හිදී එය නීත්‍යානුකූල අයිතියකි.

පිටවී යාමෙන් පසු මුදල් ආපසු ගැනීමට උත්සාහ කරනවාට වඩා ඔබේ රැකියාව අවසන් වීමට පෙර ඒ පිළිබඳව මූලික කරුණු අවබෝධ කර ගැනීම යෝග්‍ය වෙයි.

රැකියා අවසානයේ පාරිතෝෂිතය වෙනුවෙන් හිමිකම් ලබන්නේ කෙසේද

කම්කරු අමාත්‍යාංශයට අනුව, රැකියා අවසානයේ පාරිතෝෂිකය සඳහා, අවම වශයෙන් වසරක්වත් අඛණ්ඩව වැඩ කොට රැකියාව අවසන් කළ යුතුය.

සම්මතය නම්, සෑම වසරක් සඳහාම එක් මාසික වැටුපකි.

අර්ධ වසරක් සඳහා, ඊට අනුපාතිකව, මසක වැටුප මෙන් භාගයක් ලැබිය හැක.

මෙයට, රැකියාව අවසන් කිරීම සහ එම අවසන් කිරීම සිදුවන ආකාරය විශේෂයෙන් බලපායි.

සේවායෝජකයා විසින් රැකියාවෙන් ඉවත් කිරීම තුළදී, මෙම පාරිතෝෂික ගෙවීම සිදුවෙයි.

ඉල්ලා අස්වීමේදී

සේවා දායකයාට සිදුවන පීඩනය මත හෝ සේවා කොන්දේසි පිරිහීම මත හෝ වෙනයම් හේතුවක් නිසා සේවයෙන් අස්වීමට අකමැත්තෙන්, නමුත් ඉල්ලා අස්වූ අවස්ථාවකදීද මෙම ගෙවීම සිදුකළ යුතුය.

එවන් අවස්ථාවක් ඉතා සංකීර්ණ ක්‍රමවේදයකි.

ඔබට එය අපැහැදිලි විය හැක.

තත්ත්වය පිළිබඳව දැන ගැනීමට මේ පිළිබඳ විශේෂ දැනීමක් ඇති නිලධාරියකුගෙන් උපදෙස් ගැනීම වටී.

රැකියාව අවසන් වීමේදී ලබා ගන්නා පාරිතෝෂිකයන් හා සම්බන්ධ තැන්පතු පද්ධතිය

ඊශ්‍රායලයේ සිටින බොහෝ විදේශීය සේවකයන්ට, විශ්‍රාම වැටුප් අරමුදලක හෝ විශේෂ තැන්පතු අරමුදලකට බැර කළ මුදල් තිබේ.

ඒ සඳහා, ඔවුන්ගේ සේවා කාලය පුරාවට සේවායෝජකයා විසින්ද දායකත්වය ලබා දෙනු ලැබේ.

ඊශ්‍රායල නීතිය යටතේ

විශ්‍රාම වැටුප් හෝ වෙන් කිරීමේ අරමුදලට (පාරිතෝෂිකය)

සේවා යෝජකයාගේ සම්මත දායකත්වය 8.33% කි.

(වැඩ කරන වර්ෂයකට මාසයක වැටුපට සමානය)

ඇතැම් රැකියාවන් සඳහා සේවා යෝජක දායකත්වය, මෙම ප්‍රමාණයට වඩා වැඩිවිය හැක.

එය ආරම්භයේදීම ඇතිවන ගිවිසුම් අනුව සිදුවන්නකි.

සේවා දායකයාගෙන් සිදුවන දායකත්වය වැටුපෙන් සාමාන්‍යයෙන් 6% ක් පමණ වේ.

මේ අනුව ඔබට අරමුදලේ තිබිය යුතු ගණන සොයාගත හැක.

සේවාව අතරතුර ඕනෑම අවස්ථාවක දායක මුදල නැවැත්වූයේ නම් හෝ සිදු නොකළේ නම් එය දැන ගැනීමටද අවස්ථාවක් තිබෙයි.

මෙම අරමුදල සමහර විට සරලව විස්තර කරනු ලබන්නේ “මුදල් වෙන් කිරීම” ලෙසිනි.

නමුත් වෙනස තේරුම් ගැනීම වැදගත්ය.

අරමුදලේ ඇති ශේෂය ඔබේ ලෙස වෙන් කළ නමුත්, එයට දායක වූ කොටස්කරුවන් ලෙස සේවාදායකයා සහ සේවායෝජකයා යන දෙපිරිසක්ම සිටින බව මතක තබා ගන්න.

ඔබ විමසිය යුතු කරුණු

• ඔබගේ සේවායෝජකයාගෙන් හෝ, ඔබගේ රැකියාව ඔබට හඳුන්වා දුන් ආයතනයෙන් (ඒජන්සියෙන්) ඔබේ නමින් පාරිතෝෂික අරමුදලක් හෝ තැන්පතු ගිණුමක් තිබේද?

• වත්මන් ශේෂය කුමක්ද?

• රැකියාව අවසානයේ එය ලැබීමේ ක්‍රියාවලිය කුමක්ද?

යන කරුණු අසා දැනගන්න.

අරමුදල් ශේෂය, සහ ඔබට ලැබිය යුතු අනෙකුත් ගෙවීම් වෙන් වෙන්ව හඳුනාගන්න.

බොහෝ විදේශීය ශ්‍රමිකයන් රැකියාවේ අවසානයට ළඟා වන විට අරමුදල් ගිණුම සොයා ගනී.

එහෙත් ඇතැම් විට එහි ඔබේ නමින් කිසිවක්ම තැන්පත් නොවී තිබිය හැක.

ඒ අවස්ථාවේදී ඔබගේ මැදිහත්වීම මත, ඔම්බුඩ්ස්මන්වරයාට එය විමර්ශනය කළ හැකිය.

එසේ සිදුවී ඇත්නම් සේවායෝජකයාට එයට දායක වීමට ඇති නීතිමය බැඳීම උල්ලංඝනය කර ඇත.

මේ සඳහා ගත හැකි පිළියම් මොනවාද

ඊශ්‍රායලයේ ඔබගේ රැකියාව අවසානයේ ඔබට ගෙවිය යුතු දේ පිළිබඳව ඔබට විශ්වාස කළ හැකි තොරතුරු මදි නම්,

LankaConnect මත Ask an Expert භාවිතා කරන්න.

පහත ඇති දත්තයන් ලබාදී ඔබගේ තත්වය පැහැදිලි කරන්න.

• රැකියාව

• රැකියාව අවසන් වූ ආකාරය

• මෙතෙක් ලැබී ඇති දේ

• ඔබගේ රැකියාව අතරතුර සේවා ස්ථානය වෙනස් වී ඇත්නම්

සමහර කම්කරුවන් සේවා යෝජකයාගේ නම වෙනස් වූ, කළමනාකාරිත්වය වෙනස් වූ, තත්වයක වසර ගණනාවක් ගත කරති.

ස්ථානගත කිරීමේ කාර්යාංශය වෙනස් වීම් සිදුවිය හැක.

භෞතික සේවා ස්ථානය සහ දෛනික වැඩ කටයුතු එලෙසම පැවතියා විය හැක.

එම තත්ත්වයන් තුළ, ඔබේ රැකියාව දිගටම සිදුවූවාද යන ප්‍රශ්නය නීත්‍යානුකූලව ඇති වෙයි.

ඔබේ සේවා කාලය අවසන් කිරීමට පෙර

• ඔබේ සේවා ගිවිසුම

• මුළු සේවා කාලය ඔප්පු කළ හැකි ලියකියවිලි

• ඔබට කළ ගෙවීම් පිළිබඳ ලේඛන

• ඊට අදාළ දැන්වීම් ලිපි

• වැටුප් ප්‍රකාශන

• වෙනත් ඕනෑම අරමුදලක් හෝ තැන්පත් විස්තර පිළිබඳ විමසන්න.

• ඔබට ගෙවීමට නියමිත මුදල පිළිබඳ ගණනය කිරීමක් ඉල්ලන්න.

යමෙක් ඔබට මෙම පාරිතෝෂිකය සඳහා හිමිකමක් නැතැයි පැවසුවහොත්, හෝ පසුව විසඳන බව ඔබට පැවසුවහොත්, ඒ වෙනුවෙන් ලිඛිතව, නීතිමය කරුණු විමසන්න.

රැකියාව අවසානයේ ඇති නොපැහැදිලි වාචික පිළිතුරු, අවදානම් සහිත බව මතක තබා ගන්න.

පහත අවස්ථා පිළිබඳව පැහැදිලි කරගන්න

• ඔබ අවම වශයෙන් අඛණ්ඩව වසරක්වත් වැඩ කළාද යන්න තහවුරු කරන්න.

• රැකියාව අවසන් වූයේ කෙසේද සහ ඇයි දැයි ලියන්න.

• ඔබේ නමට විශ්‍රාම වැටුපක් හෝ තැන්පතු අරමුදලක් තිබේද සහ ඉතිරි මුදල කොපමණ දැයි විමසන්න.

• ඕනෑම අවසන් ලේඛනයකට අත්සන් කිරීමට පෙර එහි සඳහන් යම් මුදලක් වේ නම්, එම අගය ලැබීමට කළ ගණනය ලිඛිතව විමසන්න.

• සේවා යෝජකයාගේ නම වෙනස් වීමක් ඔබගේ රැකියා අඛණ්ඩ පැවැත්මට බලපෑවේදැයි පරීක්ෂා කරන්න.

• රැකියා අවසන් වන සියලුම ලියකියවිලි ආරක්ෂිත ස්ථානයක තබා ගන්න.

මේ සඳහා උපදෙස් ලබා ගත හැකි ආයතන ලෙස

1. ඔම්බුඩ්ස්මන් නිලධාරියා
   කම්කරු අමාත්‍යාංශය
   (වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)
2. Shlomo (Selma) ආයතනය
   53 පාර, ටෙල් අවිවි

gov.il Foreign Worker Rights
(search: foreign worker rights)

3. PIBA (ජනගහන හා සංක්‍රමණ අධිකාරිය)
   ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

4. ඊශ්‍රායලයේ ශ්‍රී ලංකා තානාපති කාර්යාලයද,
   ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

5. LankaConnect වෙබ් අඩවියට පිවිසෙන්න.

The post විදේශ ශ්‍රමිකයන් සඳහා පාරිතෝෂිකය ගෙවීමේ මූලිකාංග appeared first on LANKACONNECT.

රැකියාවක අවසානය ජීවිතයේ වඩාත්ම කලබලකාරී අවස්ථාවකි.

සංවේදී හැඟීම් බහුල, එකිනෙකා අතර සංවාද වේගයෙන් සිදුවන කාලවකවානුවකි.

මේ නිසාම වැදගත්ම දේ වන, ඊට අදාළ ලේඛන කටයුතු සඳහා අවධානය ගිලිහී යයි.

ඔබ සේවයෙන් පහ කළත්, රැකියාවෙන් ඉල්ලා අස්වීමට තීරණය කළත්, රැකියාව අවසන් වීමත් සමගම ඔබට ලැබිය යුතු ආර්ථික ප්‍රතිපාදන පිළිබඳව සැලකිලිමත් වන්න.

ඊට අවශ්‍යය, පිළිවෙල සහ ක්‍රමවත් බව ඔබට පහදා දීම මෙම ලිපියේ අරමුණයි.

සේවයෙන් පහ කරන සේවායෝජකයා හෝ, ඉල්ලා අස්වන සේවකයා යන දෙදෙනාම කලින් ලිඛිත දැනුම් දීමක් කළ යුතුය.

එය කොපමණ කාලයකට පෙර කළ යුතු ද යන්න කළ සේවයේ කාලය මත සහ ඔබට ගෙවීම් කරන ආකාරය මත රඳා පවතී.

ඊශ්‍රායල නීතිය යටතේ

• පළමු මාස 6 සේවය කළ සේවකයින් සඳහා – එම කාලය මාස ගණනට සමාන දැනුම්දීමක්
(මාසයකට එක් දිනක් ලෙස)

• මාස 6 සිට වසර 1 දක්වා: දින 6 දැනුම් දීමක්

• වසර 1කට පසු: මාසයක දැනුම්දීමක්

මේවා මූලික නීති වේ.

ඔබේ කොන්ත්‍රාත්තුවේ හෝ ඔබට අදාල ක්ෂේත්‍රයේ, මීට වෙනස් නීති රීති තිබිය හැක.

එහෙත් වැදගත් කාරණය වන්නේ, දැනුම්දීමේ දිනක් ඇති බවත්, එම දින ඔබගේ අවසන් වැඩ කරන දිනයට, ඔබේ අවසාන වැටුපට සහ අනෙකුත් අයිතිවාසිකම් වලට බලපාන බවය.

සේවයෙන් පහ කිරීම

සේවයෙන් පහකිරීමට පෙර ඔබ දැනගත යුතු දේ

ඊශ්‍රායලයේ සේවයෙන් පහ කිරීම පිළිබඳ කම්කරු අමාත්‍යාංශය පැහැදිලි කරන්නේ, ඊට කම්කරු අයිතිවාසිකම් යටතේ සාධාරණ ඉල්ලීමක් කිරීමට සේවකයාට අයිතියක් ඇති බවයි.

නිල වශයෙන් රැකියාව අවසන් කිරීමට පෙර සේවකයාගේ ප්‍රතිචාර දැක්වීමටද, සේවායෝජකයා අවස්ථාවක් ලබා දිය යුතුය.

සේවායෝජකයා ඔබව සේවයෙන් පහ කළ බව කිසිදු විභාගයකින් තොරව, වාචිකව, දුරකථනයෙන් හෝ දුරකථන පණිවිඩයකින් දැනුම් දෙන්නේ නම්, එය නීතියට එකඟ වූ ක්‍රමය නොවේ.

ඉන් අදහස් වන්නේ එසේ කලහොත්, නැවතත් ඔබ සේවයට බඳවා ගතයුතු බව නොවේ.

නමුත් මෙවන් අනීතික ක්‍රමවේදයකින්, ඔබේ සේවක අයිතිවාසිකම් කඩවිය හැකි බව ඔබ දැන සිටීමයි.

ඊශ්‍රායලයේ ගැබිනි සේවකයෙකු සේවයෙන් ඉවත් කිරීම

මේ සඳහා කම්කරු අමාත්‍යාංශයේ ලිඛිත අවසරය අවශ්‍ය වේ.

ඔබ ගැබ්ගෙන ඇත්නම්, සහ ඔබේ සේවායෝජකයා ඔබව රැකියාවෙන් ඉවත් කිරීමට උත්සාහ කරන්නේ නම්, ඒ සඳහා කම්කරු අමාත්‍යාංශයේ ලිඛිත අනුමැතිය තිබේදැයි පරීක්ෂා කරන්න.

එය නොදැන සේවයෙන් ඉවත් කිරීම පිළිගැනීමෙන් වලකින්න.

රැකියාවෙන් ඉවත් කිරීමේ අවසන් තීරණයට ප්‍රථම, හැකි ඉක්මනින් ක්‍රියා කිරීම මෙහිදී වැදගත් වේ.

ඔබව රැකියාවෙන් ඉවත් කරන බව දැනගන්නට ලැබුණු සියලූම පණිවිඩ සූදානම් කර ගන්න.

ඔබට ඒවා පිටපත් කළ හැකි නම් ඒවා ද, හඬ පණිවිඩ ද, දිනය සහ එය ලද ක්‍රමවේදයද තබාගන්න.

සේවයෙන් ඉල්ලා අස්වීම

ඔබ ඉල්ලා අස්වන විට ලිඛිතව දැනුම් දෙන්න.

මෙය පැහැදිලි කරුණක් නමුත්, බොහෝ සේවකයන්, සේවායෝජකයා සමග ඇති කරගන්නා මතවාද සහ එයින් ඇති වූ කෝපය හෝ පීඩනය මත, නීත්‍යානුකූලව ඉල්ලා අස්වීමකින් තොරව සේවය හැර යයි.

පසුව අතරමැදියෙකු ලවා එය සේවායෝජකයාට දැනුම් දෙයි.

මෙසේ සිදු වූ කල එය කුමන හේතුවක් මත, කෙසේ, කවදා සිදු වී දැයි සොයා ගත නොහැක.

ඔබ මෙසේ සේවයෙන් ඉවත් වීමේදී, ඉතා කෙටි ලිඛිත ඉල්ලා අස්වීමේ පණිවිඩයක් ඉදිරිපත් කිරීමේ වුවත්, යහපතක් ඇත.

එය, ඔබ දැනුම් දුන් දිනය සනාථ කරයි.

ඉල්ලා අස්වීම පිළිබඳ නිල වාර්තා කිරීමක් ඒ තුළ වෙයි.

ඔබ සේවයෙන් ඉවත් කිරීම වෙනුවට ස්වේච්ඡාවෙන් ඔබම ඉවත් වූ බවත්, ඔබ රැකියාව අත්හැර දැමූ බවටත් සිදු කරන පසුකාලීන ප්‍රකාශයන්ගෙන් ඔබව ආරක්ෂා කරයි.

ඔබ ඉල්ලා අස් වන්නේ සේවා කොන්දේසි ඉතා දුෂ්කර හෝ, තවදුරටත් ඉවසිය නොහැකි නිසා විය හැක.

එසේනම් ඒ පිළිබඳව, එම දැනුම් දීමේ පණිවිඩයේ සඳහන් කරන්න.

මෙසේ සිදු කිරීම ඔබගේ අවසාන ගෙවීම් සහ පාරිතෝෂික ගෙවීම් ලබාගැනීමට ප්‍රයෝජනවත් වනු ඇත.

නිර්මාණාත්මක සේවයෙන් පහකිරීම

ඔබ සේවයෙන් ඉල්ලා අස්වීම සාමාන්‍ය ක්‍රමයකි.

එහෙත් සේවායෝජකයා ඔබට සේවයෙන් ඉල්ලා අස්වීමට සිදුවන තත්ත්වයට ඔබව පත් කළ හැක.

(වැටුප් ප්‍රශ්න ඇති කිරීමෙන්, ගිවිසුම් පොරොන්දු කඩ කිරීමෙන්, දරා ගත නොහැකි තරම් වගකීම පැවරීමෙන් වැනි)

මෙවැනි ඔබට අවශ්‍ය නැති වුවද රැකියාවෙන් අස්වනු විනා වෙන විකල්පයක් නැති අවස්ථාවක් ඇතිවිය හැක.

මෙවැනි අස්වීමක් “නිර්මාණාත්මක සේවයෙන් පහ කිරීමක්” (constructive dismissal) ලෙස, හැඳින්විය හැක.

මෙවැනි අවස්ථාවකදීද ඔබට ලැබිය යුතු, පාරිතෝෂිකය ලබාගැනීමේ හිමිකම ඇත.

ඔබගේ අස්වීම, බලපෑමක් මත මිස, සුව කැමැත්තෙන් සිදුවූවක් නොවේනම්, විදේශ ශ්‍රමිකයින්ගේ කම්කරු අයිතිවාසිකම් සඳහා වන ඔම්බුඩ්ස්මන් නිලධාරියාගෙන් උපදෙස් ලබා ගන්න.

අවසන් ලේඛනය සහ ඊට අදාළ කම්කරු අයිතිවාසිකම්

රැකියාවේ අවසාන දින කිහිපය වැදගත්ම කාලයයි.

ඔබේ විශ්‍රාම වැටුප හෝ තැන්පතු අරමුදල, සහ අදාළ නම් නිවාස භාරදීම, අවසාන වැඩ කරන දිනය, අවසාන වැටුප, භාවිතයට නොගත් නිවාඩු, නිවාස, සහ සියලුම ගෙවීම් කර ඇති බව ලේඛනයේ සඳහන්ව ඇත්දැයි පරීක්ෂා කරන්න.

එම සියලුම කරුණු සොයා බැලීම් වලින් පසුව සේවා දායකයා සහ සේවායෝජකයා අතර සම්පූර්ණ සහ අවසාන නිදහස් කිරීමේ ලේඛනයක් අත්සන් කළ හැක.

ඔබ ඉවත්ව යාමට පෙර, රැකියා සහතිකයක් ඉල්ලා සිටින්න (תעודת עבודה)

• ඔබ වැඩ කළේ කා වෙනුවෙන්ද

• කුමන භූමිකාවකද

• කුමන ක්ෂේත්‍රයක ද

යන කරුණු මෙයට ඇතුළත් විය යුතුය.

අනාගත රැකියා අයදුම්පත් සඳහා මෙන්ම නීතිමය කටයුතු සඳහා මෙය ප්‍රයෝජනවත් වේ.

එමෙන්ම එය පසුව දෙපාර්ශවයටම විවාද කළ නොහැකි සත්‍ය වාර්තාවක් ලෙස පවතිනු ඇත.

අවසාන දිනයට පෙර එය ලිඛිතව ඉල්ලන්න.

ඔබ ඉවත්ව ගිය පසු ලබා ගැනීම වඩා දුෂ්කර ය.

ඔබේ රැකියාව අවසන් වුවත්, අවසාන ගණන වාර්තාව තුළ යම් දෙයක් නිවැරදි නොවේ යැයි හැඟුන විට,

කිසිවක් අත්සන් කිරීමට පෙර LankaConnect විශේෂඥයෙකුගෙන් විමසන්න.

රැකියාව අවසන් වූ පසු වීසා තත්ත්වය

ඊශ්‍රායලයේ විදේශ ශ්‍රමිකයන් රැකියා අවසන් කිරීම සමගම වීසාවල බලපැවැත්මේ කාලයද තීරණය වෙයි.

එහි දිනය, ඔබගේ වීසා වර්ගය සහ ඔබ සේවය කළ ක්ෂේත්‍රය මත තීරණය වෙයි.

එහෙත් මතක තබාගත යුතු කරුණ නම්,

නව රැකියාවක් සොයාගැනීම හෝ රටින් පිටවීම් සැලසුම් කිරීමට ඇත්තේ සීමිත වලංගු වීසා කාලයක් පමණක් බවයි.

මක්නිසාද යත් බොහෝ විදේශීය ශ්‍රමිකයන්ට ඒ සඳහා:

• දින තිහක අවස්ථාවක් හෝ

• වහාම නව සේවායෝජකයෙකු යටතේ නව වීසා ක්‍රමයක් සොයා ගැනීමේ අවස්ථාවකින් යුතුය.

නව සේවා යෝජකයෙකු ඔබව ලියාපදිංචි කරන තෙක් ඔබේ ආවරණය, ඊශ්‍රායලය තුළ ජීවත් වීමේ නීතිමය වීසා තත්ත්වය, ඔබගේ කටයුතු සංවිධානය කිරීමේ වගකීම ඔබ සතුය.

එම නිසා රැකියාව අවසානයේ පළවෙනි සතිය තුළම ඊළඟ පියවර සඳහා, PIBA නිලධාරියෙකුගේ හෝ බලයලත් උපදේශකයෙකුගෙන් උපදෙස් ලබා ගන්න.

ඔබගේ සෞඛ්‍ය රක්ෂණය අවසන් වන දිනයත් ඊට අදාළ සෞඛ්‍ය රක්ෂණ ආයතනයක් පිළිබඳව සේවා අවසාන කාලය තුළ සොයාගන්න.

සේවා අවසන් කිරීම හෝ වීම සම්බන්ධ පහත දේ පිළිබඳ පරීක්‍ෂාකාරී වන්න

• මේ සම්බන්ධව යොදාගත් හඬ පණිවිඩ ඇතුළුව සෑම පණිවිඩයක්ම සුරකින්න.

• සේවා අවසන් කිරීම හෝ වීම සම්බන්ධ පැහැදිලි දිනයක් සහිතව ලිඛිත දැනුම්දීමක් ලබාදෙන්න.

• වැඩ කළ අවසන් දිනය සහ වැටුප් සහිත රැකියාවේ අවසන් දිනය සටහන් කරන්න.

• අත්සන් කිරීමට පෙර ඕනෑම ලේඛනයක් හොඳින් කියවන්න.

• මුල් පිටපත් භාර දීමට පෙර අත්සන් කළ කඩදාසිවල පිටපත් තබා ගන්න.

• රැකියාව අවසන් වූ වහාම ඔබගේ නීත්‍යානුකූල වීසා සහ අනෙකුත් අවශ්‍යතා පරීක්ෂා කරන්න.

මේ සඳහා උපදෙස් ලබා ගත හැකි ආයතන ලෙස

1. ඔම්බුඩ්ස්මන් නිලධාරියා
   කම්කරු අමාත්‍යාංශය
   (වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)
2. Shlomo (Selma) ආයතනය
   53 පාර, ටෙල් අවිවි

gov.il Foreign Worker Rights
(search: foreign worker rights)

3. PIBA (ජනගහන හා සංක්‍රමණ අධිකාරිය)
   ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

4. ඊශ්‍රායලයේ ශ්‍රී ලංකා තානාපති කාර්යාලයද,
   ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

5. LankaConnect වෙබ් අඩවියට පිවිසෙන්න

The post ඊශ්‍රායලයේ සේවයෙන් ඉවත් කිරීම, ඉල්ලා අස්වීම සහ දැනුම් දීමේ කාල සීමාවන් appeared first on LANKACONNECT.

රැකියාවක් කරන ඔබ මාසයේ අවසානයේ, වැටුප්පත ලබා ගැනීමත් සමගම බොහෝවිට කරනුයේ, වැටුපතෙහි අවසාන ගෙවීම් මුදල බලා, එය ඔබගේ බැංකු ගිණුමට එකතු වීදැයි දැනගැනීමයි.

එහෙත් වැටුප් පත පිළිබඳව මනා පරීක්ෂාවක යෙදුනේ නැතිනම් ඔබට ගෙවිය යුතු ඇතැම් මුදල් නොගෙවා තිබීම සිදුවීමේ හැකියාවක් ඇත.

එය ඔබ නොදැනුවත් විය හැක.

වැටුප් පත යනු ඔබ කළ සේවය, සේවායෝජකයා විසින් ගණනය කළ ආකාරය පිළිබඳ සමාලෝචනයයි.

මෙම ලිපිය මගින්, එම සමාලෝචනය කිරීමේ ක්‍රමවේදය, ඔබට හඳුන්වා දෙන්නෙමු.

වැටුප්පත මුලසිට ක්‍රමවත්ව පිරික්සීමේ ක්‍රමය

• එය ඔබේ නම පරීක්ෂා කිරීමෙන් ආරම්භ කරන්න.

• ඔබේ නම නිවැරැදි ලෙස සටහන් වී ඇත්ද?

• සේවා යෝජකයාගේ නම නිවැරැදි ද?

• වැටුප්පත කුමන මාසයක් සඳහාද?

වැටුපතෙහි සේවා සාරාංශය විමසන්න

• ඔබ දිනෙකට පැය කීයක් සේවයේ යෙදුණාද?

• සතියේ දින කීයක් සේවයේ යෙදුණා ද?

• අතිකාල සේවය කලේ නම් එය සටහන්ව තිබේද?

• විවේක දින සහ නිවාඩු දිනවල සේවය කලේ නම් ඒවායේ ගෙවීම් සඳහන්ද?

• ඔබ ලබාගත් අසනීප නිවාඩු, වාර්ෂික නිවාඩු, වැටුප් රහිත නිවාඩු පිළිබඳ සඳහනක් ඇද්ද?

ඉහත දැක්වූ කරුණු පිරික්සන විට ඔබ සැබෑවට කළ සේවයත්, වැටුප්පතෙහි දක්වා ඇති දත්තයනුත්, අතර ඇති වෙනස ඔබට වැටහෙනු ඇත.

පසුව වැටුපෙන් කළ අඩු කිරීම් පිළිබඳව දැක්වේ

බොහෝ විට ඔබගෙන් මෙම කොටස මගහැරේ.

හීබෘ භාෂාවෙන් දක්වා තිබීමත්, අංක ඉතා කුඩා වීමත් මෙයට හේතුව වෙයි.

එහෙත් මෙය මග නොහැරිය යුතු කොටසකි.

බොහෝ වැටුප්පත්හි පහත සඳහන් හීබෘ වචන දැකිය හැක.

• שכר בסיס (schar basis) – base salary – දල වැටුප (මූලික වැටුප)

• שעות נוספות (sha’ot nosafoot) – overtime hours – අතිකාල වැඩ කළ පැය ගණන

• ניכויים (nikuyim) – deductions – අඩුකිරීම්

• דמי הבראה (dmei havra’a) – convalescence pay – වසර අවසානය ලැබෙන පාරිතෝෂිකය

• ימי מחלה (yemei machalah) – sick days – අසනීප නිවාඩු

සම්මත ක්‍රමයේ වැටුප් පතක ඉහත සඳහන් කොටස් තිබිය යුතුය.

නැත්නම් එය සම්මත ක්‍රමවේදය නොවේ.

එමනිසා ගැටලුකාරීය.

ඒ පිළිබඳ වහාම විමසන්න.

අඩු කිරීම අතර

• විශ්‍රාම වැටුප් සදහා දායකත්වය අඩුකිරීම්

• සෞඛ්‍ය රක්ෂණය සඳහා වාරික අඩු කිරීම්

• නිවාස සඳහා අඩු කිරීම

වැනි සේවායෝජකයා සහ සේවකයා අතර සිදුවූ එකඟතාවය මත සිදු කරන අඩුකිරීම් නීතියට එකඟය.

එයට පරිබාහිර වූ කිසියම් අඩු කිරීමක් වෙතොත්, සැබැවින්ම සෑම මසකම අවසානයේ එවැනි අඩු කිරීමක්, වසර අවසානයේ විශාල ගණනකට හේතුවක් වෙයි.

ඒ පිළිබඳව සැලකිලිමත් වන්න.

• මෙතෙක් නොතිබුණු යම්කිසි අඩුකිරීමක් වැටුප් පත මත එක්වර දිස්වුවහොත්

• එක්වරම නිවාස සඳහා කරන අඩු ප්‍රමාණය වැඩිවී තිබුණහොත්

මෙවැනි අවස්ථා පිළිබඳ පරීක්ෂාකාරී වන්න.

ඔබ නොදන්නා හීබෘ භාෂාවෙන් දැක්වෙන සටහනක් ඉදිරියේ අඩුකිරීමක් දුටුවිට ඉවසීමෙන්, සන්සුන්ව ඒ පිළිබඳව අසා පැහැදිලි කරගන්න.

එවිට සේවා යෝජකයාට ඒ පිළිබඳව පැහැදිලි කිරීම මගහැරිය නොහැක.

ඔබගේ බැංකුවට කරන වැටුප් බැර කිරීම් එක්වරම අඩු අගයක් ගත්තේ නම්

එය විශ්ලේෂණය කරන ආකාරය (උදාහරණයක් සමග)

අදාළ බැංකු ප්‍රකාශනය සහ අදාළ මාසයේ වැටුප්පත ගන්න.

දැන් වැටුප් පතෙහි ඔබේ සේවය ලෙස දක්වා ඇති පැය ගණන ගණනය කරන්න.

සේවය කළ පැය ගණන, දින ගණන නිවැරැදි වන අවස්ථාවේදීත් තවත් කුමක් හෝ අඩු කිරීමක් තිබිය හැක.

වාර්ෂික නිවාඩු ලෙස අඩු කිරීමක් දක්වා ඇති ලෙස සිතමු.

ඔබ එදින රැකියාවට ගිය බව දන්නේ නම් දැන් ඔබට ගැටලුව පැහැදිලියි.

දැන් ඔබට කෙලින්ම සේවා දායකයාගෙන් තමාගේ වැටුප අඩුවී ඇත්තේ ඇයිද කියා නොව, තමා සේවයට පැමිණි දිනෙක, වාර්ෂික නිවාඩු ලෙස දක්වා වැටුප් අඩුකර ඇත්තේ ඇයි දැයි ඇසිය හැක.

ඔබ මනා පරීක්ෂාවකින් සිටින බවට එය හොඳ පිළිබිඹුවකි.

මේ ආකාරයටම වාර්ෂික නිවාඩු, අසනීප නිවාඩු පිළිබඳ නිවැරදි නොවන ගණනය කිරීම්, නිවාස සඳහා නිවැරදි නොවන අඩු කිරීම් පිළිබඳව විමසන්න.

සාමාන්‍ය වැටුප්පත් ආකෘති‍ය වෙනුවට, වෙනස් වූ වැටුප්පත් ආකෘති, අලුත් සංකේත මේවා මගින් ඔබට ගණනය කිරීම අපහසු විය හැක.

අනවශ්‍ය ලෙස අඩු කිරීමද සිදුවිය හැක.

සේවායෝජකයා ඒවා උවමනාවෙන්ම නොකළත්, ඔබ ඒ පිළිබඳව දක්වන විමසිලිමත් ඇස, ඔබට ලැබිය යුතු මුදල් ආරක්‍ෂා කරගැනීමට මගකි.

ඔබගේ වැටුප්පතෙහි අපැහැදිලි තැන් වේ නම්, අදාල නිලධාරියකු හරහා හෝ LankaConnect වෙබ් අඩවියෙන් විමසීමක් කල හැක.

ලබා දුන් වැටුප්පතෙහි යම්කිසි දෝෂයකට, නව වැටුප්පතක් නිකුත් කළේ නම්

පැරැණි වැටුප් පත මෙන්ම නව වැටුපතද ඔබ ළඟ තබාගන්න.

යම්කිසි ගැටලුකාරී තත්ත්වයකදී, සිදු වී ඇති දේ පැහැදිලි කර ගැනීමට එය උපකාර වනු ඇත.

පහත අවස්ථා පිළිබඳ පරීක්ෂාකාරී වන්න

• වැටුපතෙහි ඔබේ නම, සේවායෝජකයාගේ නම, කාලය මාසය නිවැරැදි දැයි බලන්න.

• වැටුප්පතෙහි ඇති සේවා කාලය සහ ඔබ ළඟ ඇති ඔබේ සේවා මුර පිළිබඳ සටහන් එකිනෙක ගැලපේදැයි පරීක්ෂා කරන්න.

• මින් පෙර හඳුනා නොගත් යම්කිසි අඩුකිරීමක් වේ නම් ඒ පිළිබඳව විමසන්න.

• සියලු අඩුකිරීම් වලින් පසු ලබන අවසන් අගය, සැසඳිය යුත්තේ ඉහත ගණනය කිරීම් වලින් පසුවය.

• මින් පෙර වැටුපත් වල නොමැති එහෙත් එක්වරම සිදුවූ වෙනස්කම් ඇති වැටුපත් සසඳන්න.

• වැටුප්පත් නිවැරදි කිරීමෙන් පසු ලබාදෙන නව වැටුප්පත සමඟ පැරැණි වැටුප් පත ද තබාගන්න.

මේ සඳහා උපදෙස් ලබා ගත හැකි ආයතන ලෙස

• ඔම්බුඩ්ස්මන් නිලධාරියා
කම්කරු අමාත්‍යාංශය
(වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)

• Shlomo (Selma) ආයතනය
53 පාර, ටෙල් අවිවි

gov.il Foreign Worker Rights
(search: foreign worker rights)

• PIBA (ජනගහන හා සංක්‍රමණ අධිකාරිය)
ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

• ඊශ්‍රායලයේ ශ්‍රී ලංකා තානාපති කාර්යාලයද,
ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

• LankaConnect වෙබ් අඩවියට පිවිසෙන්න

The post වැටුප්පත සමාලෝචනය කිරීම appeared first on LANKACONNECT.

ඔබේ එදිනෙදා ජීවිතය අතර, දවස පටන් ගන්නා විට හදිසියේම කායික අපහසුතාවයකින් යුතු, අසනීප තත්වයක් ඇති දවසක්ද තිබිය හැක.

එම අපහසුතාවයට ඔබ්බෙන් වූ, රැකියාවේ වගකීම ඔබට මානසික ආතතියක් ද ඇති කරවිය හැක.

අසනීප නිවාඩු දන්වන්නේ කෙසේද? එයට ප්‍රතිචාරය කුමක් විය හැකිද? මෙයට අදාළ ලියකියවිලි මොනවාද?

යන දහසකුත් ගැටලු ඔබට පැන නැගිය හැක.

අසනීප වීමම පීඩනයකි.

මෙයින් සාකච්ඡා කිරීමට බලාපොරොත්තු වන්නේ ඊට අදාළ ක්‍රමවත් අසනීප නිවාඩු අයදුම් කිරීමේ වැඩපිළිවෙළ සාර්ථකව කිරීමට මඟපෙන්වීමයි.

ඊශ්‍රායලයේ කම්කරු ප්‍රඥප්තියට අනුව අසනීප නිවාඩු මසකට දින 1.5 (එකහමාර) බැගින් උපරිමය දින අනූවක් දක්වා එකතු කරගත හැක.

ගෙවීම් සිදුවන ආකාරය

• පළවෙනි දින සඳහා ගෙවීමක් නැත

• දෙවන සහ තුන්වන දින සඳහා සාමාන්‍ය දිනක වැටුප මෙන් සියයට පනහක් ගෙවයි. (50%)

• හතරවන දිනෙන් පසු සෑම දිනයක් සඳහාම සාමාන්‍ය දිනෙක වැටුපම ගෙවනු ලැබෙයි. (100%)

කෙටි කාලීන අසනීපයකදී පළවන දෙවන තුන්වන දිනයන්හිදී ඔබට කිසියම් අලාභයක් සිදුවන අතර, හතරවන දවසින් පසු එයින් ඔබේ ආර්ථිකයට අලාභයක් සිදු නොවේ.

(නීත්‍යානුකූල රාමුවක් තුළ සේවය කරන කල)

ඔබ අසනීපයැයි දැනගත් වහාම පළවෙනි දිනයේ දී

• වෛද්‍යවරයෙක් හමුවන්න.

• ඔබේ සේවායෝජකයාට ඒ බව ලිඛිතව දැනුම් දෙන්න.

• එහි ඔබ අසනීප බවත්, සේවය සඳහා වාර්තා නොකරන බවත්, වෛද්‍ය ප්‍රතිකාර සඳහා යන බවත් සඳහන් කළ යුතුය.

• එම පණිවිඩය ආරක්ෂාකාරීව තබාගන්න.

• හැකි ඉක්මනින් වෛද්‍යවරයෙකු හමුවන්න.

• දින කිහිපයක් ගෙවා, වෛද්‍යවරයකු හමුවී, අතීතයේ දින යෙදූ වෛද්‍ය සහතිකයක් ලබා ගැනීමට උත්සාහ නොකරන්න.

එසේ කිරීමෙන් ඔබගේ රෝගී තත්වය සැබෑ වුවත්, ඒ පිළිබඳව සැබෑ දත්ත හෙළි නොවන අතර, සේවායෝජකයාගේ සැකයට බඳුන් වෙයි.

ඔබ වෛද්‍යවරයා හමුවී, පිටවීමට පෙර පහත සඳහන් දෑ පිළිබඳ පරීක්ෂාකාරී වන්න

• ඔබේ නම සහ නිවාඩු ලබා ගත් දින පිළිබඳව නිවැරදිව සටහන් වී ඇතිද?

• ඔබට අනුමත කළ නිවාඩු දින වකවානු සැබෑවටම ඔබට නිවාඩු අවශ්‍ය කාල සීමාවද?

• වෛද්‍යවරයාගේ නම සහ අත්සනින් යුතුද?

• වෛද්‍යවරයා සේවය කරන ස්ථානයේ විස්තර සහ නිල මුද්‍රාව අඩංගුද?

මෙවැනි තොරතුරුවලින් යමක් අඩු බව හෝ නිවැරදි නොවන බව දැනේනම් වහාම එය දැනුම් දෙන්න.

නිවැරදි කරවා ගන්න.

වෛද්‍යවරයාගෙන් පිටවූ පසු වෛද්‍ය සහතිකයක් නැවත නිවැරදි කිරීම අසීරුය.

සේවායෝජකයාට ඔබ අසනීප වුණ පළමු දිනයේම, ඔබෙන් වෛද්‍ය සහතිකයක් ඉල්ලා සිටිය හැකිද?

ඇතැම් සේවායෝජකයෝ පළවන දිනයේ සිටම වෛද්‍ය වාර්තාවක් ඉල්ලයි.

ඇත්තෙන්ම මෙම කරුණ පිළිබඳව ඔබගේ රැකියා ගිවිසුමෙහි සඳහන්ව ඇත.

(එසේ ඉල්ලා සිටීම, ඔබගේ රැකියාව සහ ක්ෂේත්‍රය තුළ කළ හැකි ද යන වග)

ඔබේ සේවායෝජකයා පලවන දිනයේ සිට වෛද්‍ය වාර්තාවක් ඉල්ලා සිටින අතර ඔබට එය ඉදිරිපත් කිරීමට හැකියාව නොමැති නම්

(වෛද්‍ය ශාලාව වසා ඇති නිසා, වෛද්‍යවරයා වෙත යාමට තරම් ශක්තියක් ඔබ සතුව නැති නිසා, වෛද්‍යවරයා වෙත නොගොස් නිවසේම යම් ප්‍රතිකර්මයක් කරන නිසා වැනි)

මෙය ඔප්පු කිරීමට හැකි මොනයම් හෝ ආකාරයක සාධක තබාගන්න.

බෙහෙත් ශාලාවකින් (pharmacy) ඖෂධ ලබාගත් ලදුපත තබාගන්න.

වෛද්‍යවරයා වෙත ගිය බවට සාධක හෝ දිනය සටහන් කරගන්න.

ඔබේ සේවායෝජකයා අසනීප නිවාඩු සඳහා ගෙවීමට මැලිවන්නේ නම්

එය නීතියට එකඟයි දැනගන්න.

වෛද්‍ය සහතිකය සේවායෝජකයාට යවන්නේ කෙසේද

ඔබට එය WhatsApp පණිවිඩයක් හරහා හෝ ඊමේල් පණිවිඩයක් හරහා නැතිනම් වෙන ඕනෑම ක්‍රමයකට යැවිය හැක.

අවශ්‍යතාවය වන්නේ සේවායෝජකයා එය දුටුවාද යන්න තහවුරු කරගැනීමට හැකි ක්‍රමවේදයක් තිබීමයි.

බොහෝ ඩිජිටල් ක්‍රම වලදී ලබන්නා, එය දුටු බව සොයාගත හැක.

මුල් පිටපත ඔබ ළඟ තබාගෙන, දෙවැනි පිටපතක් හෝ ඩිජිටල් පිටපතක් යැවීම ආරක්ෂාකාරී වේ.

වෛද්‍ය මධ්‍යස්ථානයේ නම, දිනය පැහැදිලිව තිබිය යුතු බව මතක තබා ගන්න.

සේවායෝජකයා විසින් වෛද්‍ය පිටපත නොලැබුණ බව ප්‍රකාශ කළහොත්, ඔබ පළමුවට යවන ලද පණිවිඩයත් ඒ සමඟ අමුණා, ඒ පිළිබඳ විස්තර ද ඇතිව, නැවතත් එය යවන්න.

ඔබ සුවවීමෙන් පසු ලබාගන්නා වැටුප් පතෙහි ලබාගත් අසනීප නිවාඩුවට අදාල ගෙවීම තිබේදැයි පරීක්ෂා කරන්න.

අසනීප නිවාඩු “ගෙවීම් නොකරන නිවාඩු” යටතට වැටීමටත්,

වාර්ෂික නිවාඩු යටතට වැටීමත් ඉඩ නොතබා නැවත ලබා ගන්නා ආසන්නම වැටුප්පත හරහා අසනීප නිවාඩුවේ සැබෑ තත්ත්වය පරීක්ෂා කරන්න.

යම්කිසි අවභාවිතයක් සිදුවී ඇත්නම්, ඒ පිළිබඳව සාකච්ඡා කොට, නිවැරදි කිරීමට ඉක්මනින් ක්‍රියාත්මක වන්න.

විමසිලිමත් විය යුතු කරුණු

• ඔබ අසනීප වූ පළවෙනි දිනයේම සේවායෝජකයාට ඒ පිළිබඳව දැනුම් දීම.

• හැකි ඉක්මනින් වෛද්‍යවරයෙකු හමුවීම.

• වෛද්‍ය වාර්තාවේ ඇති දිනත් ඔබ ලබාගත් දිනත් සැසදේද යැයි බැලීම.

• වෛද්‍ය වාර්තාව සේවායෝජකයාට යවන විට කෙටි සටහනක් සමග යවන්න. ඔහුට ඒ ලැබීදැයි විමසිලිමත් වන්න.

• දත්තයන් සම්පූර්ණයෙන් දැක ගත හැකි වෛද්‍ය වාර්තාව යවන්න.

• ඊළඟට ලබන ආසන්නම වැටුප්පත පරීක්ෂා කොට අදාළ ගෙවීම් කටයුතු සිදු වීදැයි දැනගන්න.

මේ සඳහා උපදෙස් ලබා ගත හැකි ආයතන ලෙස

• ඔම්බුඩ්ස්මන් නිලධාරියා
කම්කරු අමාත්‍යාංශය
(වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)

• Shlomo (Selma) ආයතනය
53 පාර, ටෙල් අවිවි

gov.il Foreign Worker Rights
(search: foreign worker rights)

• PIBA (ජනගහන හා සංක්‍රමණ අධිකාරිය)
ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

• ඊශ්‍රායලයේ ශ්‍රී ලංකා තානාපති කාර්යාලයද,
ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

• LankaConnect වෙබ් අඩවියට පිවිසෙන්න.

The post අසනීප නිවාඩු අයිතිවාසිකම් සහ වෛදය සහතිකය පිලිබද මාර්ගෝපදේශනය appeared first on LANKACONNECT.

ඊශ්‍රායලයේ විදේශීය ශ්‍රමික ඔබට, තමන්ගේ මව් රටට යෑමට හෝ, වෙනත් අත්‍යවශ්‍ය කරුණක් සඳහා දින කිහිපයක් නිවාඩු ගැනීමේ අවශ්‍යතාවයක් මතුවිය හැක.

මේ අවස්ථාවේදී ඔබට කවදා නිවාඩු ගත හැකිද? දින කීයක් ඔබට නිවාඩු ගත හැකිද? සේවායෝජකයා අනුමත නොකළහොත් කල හැක්කේ කුමක්ද?

වාර්ෂික නිවාඩු සරල ලෙස දැණුනත් ප්‍රායෝගිකව ලබාගන්න අවස්ථාවේදී ගැටලු සහගත විය හැක.

2026 දී, නිකුත් කරන ලද විදේශ ශ්‍රමිකයන්ගේ අයිතිවාසිකම් අත් පොතෙහි සඳහන් පරිදි,

එක් සේවා යෝජකයෙක් යටතේ වැඩ කරන පලවන අවුරුදු පහට වසරක් සඳහා ඔබට දින 16ක වාර්ෂික නිවාඩුවක් හිමිවෙයි.

වසර පහකින් පසු මෙම ගණන වැඩි වේ.

නීතිය මෙසේ වුවත් ප්‍රායෝගිකව එය ඔබට බලපාන අයුරු වටහාගත යුතුය

ඔබ සතියකට දින 6 ක් සේවය කරන්නේද, 5ක් සේවය කරන්නේ ද යන්න මත ඔබ ලබන වාර්ෂික නිවාඩු ගණන වෙනස් නොවුනත්, ඔබේ නිවාඩු සටහන තවකෙකුගේ නිවාඩු සටහනට වඩා වෙනස් විය හැක.

වාර්ෂික නිවාඩු ලෙඩ නිවාඩු සහ පොදු නිවාඩුවලට වඩා වෙනස් වෙයි.

වාර්ෂික නිවාඩු, අසනීප නිවාඩු, පොදු නිවාඩු

එකිනෙකට වෙනස් වූ කාණ්ඩ තුනක නිවාඩුවේ.

එක කාණ්ඩයක නිවාඩු වෙනුවෙන් වෙන කාණ්ඩයක නිවාඩු ලබාගැනීමට හෝ, නොගත් නිවාඩු වලට ගෙවන ගෙවීම් ලබා ගැනීමට හෝ නොහැක.

එකට අදාල නීති රීති අදාළ වන්නේ එයටම පමණි.

(විශේෂ හේතුවක් මත වෙනස් කළහොත් හැර)

නිවාඩු පිළිබඳ මනා දැනීමක් නොමැති කල, ඔබේ නිවාඩු අයිතීන් ඔබෙන් ගිලිහීයා හැක.

නිවාඩුවක් ලබා ගත යුතු ක්‍රමවේදය

අත්‍යවශ්‍ය නිවාඩුව, ලේඛනයකින් ඉල්ලන්න.

WhatsApp පණිවිඩයක් වුවත් මේ සඳහා ප්‍රමාණවත් වේ.

ඔබට අවශ්‍ය දිනය, සහ ඔබේ නිවාඩුව අනුමත කරන පණිවිඩය අවශ්‍ය බව සඳහන් කරන්න.

වාචිකව කරන ඉල්ලීම් මෙන්ම, වාචිකව සිදු කරන අනුමැතීන්ද පසුව වෙනස් විය හැක.

අමතක විය හැක.

බොහෝ විට විදේශීය ශ්‍රමිකයන්ට පැන නගින ගැටලුව වන්නේ, වාර්ෂික නිවාඩුව තීරණය කරන්නේ කවුද යන්නයි.

මෙහිදී ඇත්තෙන්ම සේවායෝජකයාට ඔබගේ වාර්ෂික නිවාඩුව ගතයුතු කාලය, යම්කිසි සාධාරණ හේතුවක් මත තීරණය කළ හැක.

එහෙත් ඔවුන්ට ඔබගේ ඉල්ලීම ද ප්‍රතික්ෂේප කළ නොහැක.

දිගින් දිගටම ඔබට අවශ්‍ය දින වෙනුවට සේවායෝජකයා ඔහුට අවශ්‍ය දිනම ලබා දෙන්නේ නම්, ඔබට ඔම්බුඩ්ස්මන් නිලධාරියාගේ උපදෙස් පැතිය හැක.

ඔබ රැකියාවෙන් ඉවත් වන අවස්ථාවේදී නොගන්නා ලද වාර්ෂික නිවාඩු

මේ අවස්ථාවේදී ඔබ නොගත් වාර්ෂික නිවාඩු සඳහා ගෙවීම් කළ යුතුය.

ඔබගේ අවසන් වැටුප් සහ මුදල් පියවීමට පෙර අදාල ලියකියවිලි පිරික්සන්න.

එහි ඔබ නොගත් වාර්ෂික නිවාඩු වෙනුවෙන් ගෙවීම් සටහන් විය යුතුය.

අපහැදිලි නම් අදාල නිලධාරියකුගෙන් විමසන්න.

අවසන් මොහොතේ නිවාඩු සම්බන්ධ ගැටළු මතුවීමට පෙර,

ඔබේ ආරක්ෂාව වෙනුවෙන් නිවාඩු දත්ත සටහන් කර තබා ගන්න.

• නිවාඩු අයදුම් කළ දින
• අනුමත කළ පණිවිඩය
• වැටුපතෙහි නිවාඩු වෙනුවෙන් යම්කිසි අඩුකිරීමක් කොට ඇත්නම්

ඒ පිළිබඳව යන මේ සියල්ලම සටහන් කොට තැබීමෙන් ඔබට ඔබ වෙනුවෙන් පෙනී සිටිය හැක.

පහත කරුණු පිළිබඳව සැලකිලිමත් වන්න

• ඔබගේ සේවා කාලය, ඔබ වැඩ කරන වෙලාව යන මේවා මත පදනම් වූ ඔබ සතු වාර්ෂික නිවාඩු ප්‍රමාණය දැන ගන්න.

• ඔබ අයදුම් කළ, අනුමත වුන, ඔබ ලබාගත් යන මේ සියලුම නිවාඩු විස්තර සටහන් වශයෙන් තබාගන්න.

• නිවාඩු අයදුම් කරන විට ලිඛිතව කරන්න.

• අනුමත කිරීම් ලිඛිතව ලබාගන්න. ආරක්ෂාකාරීව තබාගන්න.

• නිවාඩු අනුමත කර ගැනීමකින් තොරව, ගමන් බිමන් සංවිධානය කර නොගන්න.

• ඔබගේ මාසික වැටුප් පතෙහි ඔබ ගත් නිවාඩු වලට අදාළ යමක් සටහන්ව ඇත්නම්, ඒවා ඔබගේ පෞද්ගලික සටහනට අනුකූල දැයි පරීක්ෂා කරන්න.

• රැකියා අවසානයේ අවසන් ගෙවීම් කිරීමට පෙර, නොගන්නා ලද නිවාඩු සඳහා ගෙවීම් කොට ඇත්දැයි පරීක්ෂාකාරී වන්න.

ගැටළුවක් ඇත්නම් පහත ආයතනයන්ගෙන් උපදෙස් ලබා ගන්න

• ඔම්බුඩ්ස්මන් නිලධාරියා
කම්කරු අමාත්‍යාංශය
(වැටුප්, සේවය කරන වෙලාව, සේවයෙන් පහ කිරීම සම්බන්ධ කරුණු වලදී නීතිඥයෙක් වෙනුවට භාෂා කිහිපයකින්ම උපදෙස් ගත හැක.)

• Shlomo (Selma) ආයතනය
53 පාර, ටෙල් අවිවි

gov.il Foreign Worker Rights
(search: foreign worker rights)

• PIBA (ජනගහන හා සංක්‍රමණ අධිකාරිය)
ඔබගේ වීසා සහ නීතිමය තත්ත්වයන් පිළිබඳව ඔබ වෙනුවෙන් පෙනී සිටීමට ඉදිරිපත්වෙයි.

piba.gov.il

• ඊශ්‍රායලයේ ශ්‍රී ලංකා තානාපති කාර්යාලයද,
ඔබගේ ගමන් බලපත්‍ර අලුත් කිරීම, සහතික නිකුත් කිරීම, හදිසි අවස්ථාවකදී නීතිමය උපදෙස් ලබා දීම වැනි සේවා ලබාදෙයි.

1 Ben Gorion Street, Bnei Brak
03-527-7635

• LankaConnect වෙබ් අඩවියට පිවිසෙන්න.

The post වාර්ෂික නිවාඩු අයිතිවාසිකම සහ එය ගණනය කරන ක්‍රමවේදය appeared first on LANKACONNECT.