කුඩා කරුණු නොසලකා හැරීම නිසා පදිංචිය වෙනස් කරන දිනය ඉතා වියදම් අධික විය හැකිය. සමහරවිට කුලිය ගෙවා අවසන් වුවද, අවසාන ජල බිල්පත ගැන පැහැදිලි බවක් නැති විය හැක. බෑග් අසුරා තිබුණද, යතුරු භාරදීම තහවුරු කර නොතිබිය හැක. නව කාමරය සූදානම් වුවද, අන්තර්ජාලය ක්‍රියා කරන්නේද නැද්ද යන්න හෝ ගමන් මලු සමඟ ගොඩනැගිල්ලට ඇතුළු වීම පහසුද යන්න කිසිවෙකු පරීක්ෂා කර නොතිබිය හැක.

මෙම ලිපිය ඊශ්‍රායලයේ වෙසෙන ශ්‍රී ලාංකික විදේශීය සේවකයින් සඳහා නිවසක් මාරු කිරීමේ ක්‍රියාවලිය කාලානුරූපී සැලසුමක් බවට පත් කරයි. මෙය හුදු දිගු ලැයිස්තුවක් වෙනුවට, සැබෑ ජීවිතයේ සිදුවන අනුපිළිවෙලට අනුව සකසා ඇත. එනම් :

• පළමුව පැරණි ස්ථානයේ කටයුතු අවසන් කිරීම
• පසුව ඇසුරුම් කිරීම
• ඉන්පසු පදිංචිය වෙනස් කරන දිනය සහ අවසානයේ නව නිවසේ කළ යුතු පළමු පරීක්ෂාවන් ය.

පදිංචිය මාරු කිරීමට සති දෙකක සිට හතරකට පෙර සැලකිය යුතු කරුණු

ලිඛිත කටයුතුවලින් ආරම්භ කරන්න. ඔබ පිටවන දිනය, ඔබ ලබා දුන් දැනුම්දීම (notice), අවසාන කුලී මුදල සහ යතුරු මෙන්ම තැන්පතු මුදල් (deposit) ආපසු ලබා ගැනීමේ ක්‍රියාවලිය තහවුරු කරගන්න. පසුව කිසිවෙකුට තම වචනය වෙනස් කළ නොහැකි වන පරිදි ගිවිසුම සහ පෙර පණිවිඩ නැවත පරීක්ෂා කරන්න.

පැරණි නවාතැනේ පොදු බිල්පත් තිබුනේ නම්, තවමත් ගෙවීමට ඇති මුදල් සහ අවසාන ගණනය කිරීම සිදු කරන්නේ කවදාදැයි විමසන්න.

එම අවස්ථාවේදීම නව ස්ථානය නැවත පරීක්ෂා කරන්න:

• පදිංචියට එන දිනය
• පළමු ගෙවීම
• යතුරු ලබා ගැනීම
• ප්‍රවාහන පහසුකම්
• කාමරය තුළ දැනටමත් ඇති දෑ

තහවුරු කරගන්න.

ඇසුරුම් කිරීමේදී අමතක වන ප්‍රායෝගික ප්‍රශ්න ඇසීමට මෙය සුදුසුම කාලයයි:

• දැනටමත් අන්තර්ජාලය තිබේද
• බඩු තැබීමට ප්‍රමාණවත් රාක්ක තිබේද
• වහාම ගෙවිය යුතු බිල්පත් මොනවාද

යනාදිය පරීක්ෂා කළ යුතුයි.

පදිංචිය මාරු කිරීමට සතියකට පෙර සැලකිය යුතු කරුණු

ප්‍රායෝගිකව බඩු වර්ග කිරීම ආරම්භ කරන්න. ඇඳුම් සහ මුළුතැන්ගෙයි උපකරණවලින් බැහැරව ලේඛන වෙනම අසුරන්න. විදේශ ගමන් බලපත්‍රය, වීසා ලේඛන, ගිවිසුම් පිටපත්, තැන්පතු රිසිට්පත්, බැංකු ලිපි ලේඛන, වෛද්‍ය වාර්තා සහ වැදගත් දුරකථන අංක පහසුවෙන් ගත හැකි ෆෝල්ඩරයක හෝ බෑගයක තබා ගන්න.

ඔබ දිනපතා භාවිතා කරන දේවල් සහ දැනටමත් පෙට්ටිවලට දැමිය හැකි දේවල් වෙන් කිරීමටද මෙය කාලයයි.

පැරණි කාමරය පිළිවෙළට තිබියදීම එහි ඡායාරූප කලින් ලබා ගන්න. පසුව කලබල නොවී වර්ගීකරණය අනුව ඇසුරුම් කිරීම දිගටම කරගෙන යන්න.

ඔබ පොදු ප්‍රවාහනය හෝ මිතුරන්ගේ සහය ලබා ගන්නේ නම්, නිවැරදි වේලාව, ගොඩනැගිල්ලට ඇතුළු වන ආකාරය සහ අවශ්‍ය ගමන් වාර ගණන තහවුරු කරගන්න. කුඩා සැලසුමක් මගින් මෙට්ටය, ගමන් මල්ල හෝ උපකරණ වාහනයට නොගැලපෙන බව අවසන් මොහොතේ දැනගැනීමට ලැබීම වැනි පොදු වැරදි වළක්වා ගත හැක.

පිටත්වීමට පෙර අවසන් දින දෙක සැලකිය යුතු කරුණු

ඔබේ වගකීමට අනුව කාමරය සහ පොදු ප්‍රදේශ පිරිසිදු කරන්න. මෙහි අරමුණ වන්නේ ස්ථානය සාධාරණ තත්ත්වයෙන් තබා යාම සහ පසුව ඇති විය හැකි අසාධාරණ තර්ක වළක්වා ගැනීමයි. ඔබ පදිංචියට ඒමට පෙරම යම් හානියක් සිදුවී තිබුනේ නම්, ඔබ ලබාගත් ඡායාරූප සහ පැරණි පණිවිඩ ඉතා වැදගත් වේ.

විශේෂයෙන් පොදු බිල්පත් භාවිතා කළේ නම්, (විදුලි, ජල සහ අනෙකුත් සේවා බිල්පත්) ඒ පිළිබඳ ප්‍රශ්න තිබේද යන්න පරීක්ෂා කරන්න. නොගෙවූ මුදල් මොනවාද සහ එක් එක් බිල්පතට අදාළ කාල සීමාව විමසන්න. පදිංචිය මාරු කළ පසු එකිනෙකාගෙන් වෙන්වී පිළිතුරු දීම ප්‍රමාද වීමට පෙර මෙය විසඳා ගැනීම පහසුය.

පදිංචිය මාරු කරන දිනයේදී සැලකිය යුතු කරුණු

අත්‍යවශ්‍ය දේ අඩංගු එක් කුඩා බෑගයක් ළඟ තබා ගන්න:

• දුරකථන චාජරය
• ඖෂධ
• ජලය
• මුදල් පසුම්බිය
• වැදගත් ලිපි ලේඛන
• මාරු කිරීමට ඇඳුමක් සහ මූලික අවශ්‍යතා අවශ්‍ය ද්‍රව්‍ය

මෙය වෙහෙසට පත්ව පැමිණි පසු එක් වැදගත් දෙයක් සොයා ගැනීම සඳහා සෑම බෑගයක්ම සෙවීමේ කරදරය වළක්වයි.

යතුරු ආපසු දීමට පෙර, අවසන් වරට මුළු ස්ථානයම පරීක්ෂා කරන්න. අවශ්‍ය නම් නැවත ඡායාරූප ගන්න. හානි හෝ අස්ථානගත වූ දේවල් ගැන යම් සාකච්ඡාවක් ඇති වුවහොත්, මතකයෙන් තර්ක කරනවාට වඩා නිශ්චිත කරුණු විමසමින් සන්සුන්ව පිළිතුරු දෙන්න.

අවසාන වශයෙන් යවන පැහැදිලි පණිවිඩයක්, ඡායාරූප කිහිපයක් සහ යතුරු පිළිබඳ පැහැදිලි සටහනක් පසුව ඇති විය හැකි විශාල ආතතියක් වළක්වා ගැනීමට උපකාරී වේ.

නව ස්ථානයට පැමිණි පසු සැලකිය යුතු කරුණු

සෑම දෙයක්ම වහාම අසුරා ඉවත් නොකරන්න.

• පළමුව කාමරය සහ පොදු අවකාශය පරීක්ෂා කරන්න
• අගුල්, ජලය, විදුලිය, නාන කාමරය, මුළුතැන්ගෙය, ජනෙල් සහ මූලික උපකරණ පරීක්ෂා කරන්න
• කාමරය ප්‍රායෝගිකව ඔබ සතු වීමට පෙර එහි තත්ත්වය ඡායාරූපගත කරන්න
• පසුව ගෙවීමේ ක්‍රමය, බිල්පත් සැකැස්ම, අන්තර්ජාල තත්ත්වය, අමුත්තන් පිළිබඳ නීති සහ අනෙකුත් ප්‍රායෝගික ගෘහස්ථ චර්යාවන් තහවුරු කරගන්න

පළමු සතිය තුළ පුදුමයට පත්වීමට ඉඩ නොතබා, පළමු දිනයේදීම මෙම ප්‍රශ්න විසඳා ගත් විට පදිංචිය වඩාත් පහසු වේ.

පදිංචිය මාරු කිරීම වියදම් අධික පොදු වැරදි

වඩාත්ම පොදු වැරදි වන්නේ :

• දැනුම් දීම (notice) ප්‍රමාද කිරීම
• පැරණි කාමරය ඡායාරූපගත කිරීමට අමතක කිරීම
• වැදගත් ලේඛන සාමාන්‍ය බඩු සමඟ මිශ්‍ර කිරීම
• ප්‍රවාහන දුෂ්කරතා අවම කොට තක්සේරු කිරීම
• වෙහෙසට පත් වූ පසු තැන්පතු ප්‍රශ්න විසඳා ගත හැකි යැයි සිතීම

යනාදිය වේ.

සේවකයින්ට කුඩා නමුත් මිල අධික දේවල් ද අමතක වේ: චාජර්, ඖෂධ, ඊළඟ දවසේ රැකියාවට යාමට අවශ්‍ය ඇඳුම් හෝ කිසිවෙකු ලියා නොගත් අවසාන බිල්පත් ශේෂය මීට ඇතුළත් වේ.

මිනිසුන් ක්‍රමානුකූලව කටයුතු කරනවා වෙනුවට හැඟීම්බරව කටයුතු කිරීම නිසා ද මුදල් අහිමි කර ගනී. පැරණි ස්ථානය ආතති සහගත වුවද, ඉන් පිටවන විට පිළිවෙළ වැදගත් වේ. කලබලයෙන් පිටවීම බොහෝ විට ඔබට අලුත් ආරම්භයක් අවශ්‍ය මොහොතේම නව තර්ක විතර්ක ඇති කරයි.

සැබවින්ම උපකාරී වන සරල පරීක්ෂණ ලැයිස්තුවක්

පදිංචිය මාරු කිරීමට පෙර:

• දින වකවානු
• ගෙවීම්
• දැනුම්දීම්
• ප්‍රවාහනය

තහවුරු කරන්න.

පැරණි ස්ථානයෙන් පිටවීමට පෙර:

• ලේඛන ආරක්ෂිතව අසුරන්න
• සාධාරණ ලෙස පිරිසිදු කරන්න
• තත්ත්වය ඡායාරූපගත කරන්න
• අවසාන බිල්පත් නිරවුල් කරන්න

නව ස්ථානයට ඇතුළු වූ පසු, පළමුව පරීක්ෂා කර දෙවනුව බඩු අසුරන්න. එම අනුපිළිවෙල මගින් වළක්වා ගත හැකි බොහෝ ගැටලු වළක්වා ගත හැකිය.

නිගමනය

සාර්ථක පදිංචිය මාරු කිරීමක් යනු අඩුම බෑග් ප්‍රමාණයක් ඇති එකක් නොවේ. එය විසඳීමට ඉතිරි වූ ගැටලු (loose ends) අවම මට්ටමක පවතින එකකි. සේවකයින් පැරණි නිවස නිසි ලෙස වසා දමා, අත්‍යවශ්‍ය දෑ ප්‍රවේශමෙන් රැගෙන ගොස්, පදිංචි වීමට පෙර නව ස්ථානය පරීක්ෂා කරන විට, ඔවුන් තම මුදල් ආරක්ෂා කර ගන්නා අතරම, ව්‍යාකූලත්වය අඩු කර ගනිමින් වැඩි පාලනයක් සහිතව නව පරිච්ඡේදය ආරම්භ කරයි.

The post ඊශ්‍රායලයේ පදිංචිය වෙනස් කිරීම: විදේශීය සේවකයින් සඳහා පිරික්සුම් ලැයිස්තුව appeared first on LANKACONNECT.

බොහෝ සේවකයන්ට මුදල් අහිමි වන්නේ එක් වැරදි සැලැස්මක් නිසා නොවේ. ඒ වෙනුවට, මාසික බිල් කිහිපයක් නිසි ලෙස සසඳා නොබැලීම නිසාය. ජංගම දුරකථන සැලැස්මක් කාර්යබහුල කවුන්ටරයකදී විනාඩි දහයකින් තෝරා ගනු ලැබේ. නිවසට ඇතුළු වූ පසු ඉක්මනින් අවශ්‍ය වූ නිසා ඊළඟ දිනයේම අන්තර්ජාල සේවාවක් අත්සන් කරයි. විදුලි හා ජල බිල් වෙන වෙනම පැමිණේ. ඒවා බොහෝවිට අපේක්ෂා කළ දේ සමඟ සසඳා නොබලා ගෙවනු ලබයි.

මෙම තීරණ එකින් එක බලන විට විශාල වියදමක් ලෙස නොපෙනේ. නමුත් වසරක් පුරා එකතු වූ විට, පැහැදිලි හේතුවක් නොමැතිව වියදම් වූ විශාල මුදලක් බවට පත්විය හැක.

මෙම මාර්ගෝපදේශය මෙම වියදම් යථාර්ථවාදීව සසඳන ආකාරය පැහැදිලි කරයි. අඩුම දැන්වීම් මිල නොව සම්පූර්ණ මාසික වියදම, ප්‍රවර්ධන කාලය අවසන් වූ පසු සේවාවේ ගුණාත්මකභාවය සහ පහසුවෙන් නොපෙනෙන ගිවිසුම් කොටස් ඇතුළත් බව පැහැදිලි කරයි.

ඕනෑම සැලැස්මක් ගැන පළමුව ඇසිය යුතු ප්‍රශ්න

දුරකථන සහ අන්තර්ජාල ගිවිසුම් තාක්ෂණික ලෙස පෙනෙන නිසාත් මාසික මුදල කුඩා ලෙස පෙනිය හැකි නිසාත් ඉක්මනින් පිළිගැනීමට පහසුය. වැදගත්ම ප්‍රශ්නය පළමු මාසයේ මිල නොවේ. එය හත්වන මාසයේදී එනම් ප්‍රවර්ධන කාලය අවසන් වූ පසු ඔබ ගෙවිය යුතු මුදලයි. උපකරණ ගාස්තු, සේවා ගාස්තු සහ ඔබ නොදැන සිටි අමතර ගාස්තු ඇතුළුව ඔබ කොපමණ මුදලක් ගෙවිය යුතුද යන්න විමසිය යුතුය.

පලමු මස තුල ඉදිරිපත් කරන අඩු මුදල පමණක් සසඳන සේවකයන් බොහෝවිට උපකරණ ගාස්තු, ස්ථාපන ගාස්තු (Fixing charges), ප්‍රවර්ධන කාලය අවසන් වූ පසු මිල ඉහළ යාම හෝ ඔවුන්ගේ සැබෑ අවශ්‍යතාවයට වඩා විශාල පැකේජ මගහැරී යයි. නිවසේ බොහෝවිට wifi භාවිතා කරන, පණිවිඩ හුවමාරු කරන සේවකයෙකුට නිතර ගමන් කරන සහ විශාල දත්ත පැකේජ (Data package) භාවිතා කරන පුද්ගලයෙකුට ඇති ජංගම සැලැස්ම අවශ්‍ය නොවේ.

ජංගම සැලසුම් නිවැරදිව සසඳන ආකාරය

ඕනෑම ජංගම සැලැස්මකට එකඟ වීමට පෙර කරුණු තුනක් පරීක්ෂා කිරීම අවශ්‍ය වේ.

• ඔබ සතියකට සාමාන්‍යයෙන් භාවිතා කරන දත්ත ප්‍රමාණය
• ප්‍රවර්ධන කාලය අවසන් වූ පසු සියලු ගාස්තු ඇතුළත් සම්පූර්ණ මාසික මිල
• පළමු මාස තුනෙන් පසු මිල කුමක්ද යන්න

පරීක්ෂා කිරීම අවශ්‍ය වේ.

බොහෝ ශ්‍රී ලාංකික සේවකයන් නිතරම තම පවුලට ඇමතුම් ලබා ගන්නා නිසා ජාත්‍යන්තර ඇමතුම් හෝ රෝමිං සේවාවන් ඇතුළත්දැයි විමසීම වැදගත් වේ. විකුණුම්කරුවෙකුට සම්පූර්ණ මිල එක් පැහැදිලි ලිඛිත වාක්‍යයකින් පැහැදිලි කළ නොහැකි නම්, එකඟ වීමට පෙර ලිඛිත විස්තර ඉල්ලා ගත යුතුය.

ඔබට දැනටමත් සැලැස්මක් තිබේ නම්, ගිවිසුම් කාලය අවසන් වීදැයි පරීක්ෂා කරන්න. බොහෝවිට එය අවසන් වූ පසු සේවා වෙනස් කිරීම පහසුය.

නිවසේ අන්තර්ජාලය සසඳන ආකාරය

නිවසේ අන්තර්ජාලය යනු දැන්වීම්වල පෙන්වන වේගය පමණක් නොවේ. එය:

• ස්ථාපන ක්‍රියාවලිය
• උපකරණ (රවුටරය) ගාස්තු
• ගිවිසුම් කොන්දේසි
• ඔබේ ගොඩනැගිල්ලේ සේවා ගුණාත්මකභාවය
• එකම සම්බන්ධතාවය භාවිතා කරන පුද්ගලයින් ගණන

මතද රඳා පවතී.

අඩු මිලක් ඇති සැලැස්මක් ප්‍රායෝගිකව භාවිතා කිරීම අපහසු විය හැක, උදාහරණ ලෙස උපකරණ දුර්වල වීම, කාර්යබහුල වේලාවල සම්බන්ධතාවය අස්ථිර වීම හෝ එකම නිවසේ බොහෝ දෙනා එකවර භාවිතා කිරීම.

අත්සන් කිරීමට පෙර මෙම විමසීම් කළ යුතුය.

• උපකරණය කුලියටද හෝ මිලදී ගන්නා එකක්ද
• ලබා දුන් කාල සීමාවට පෙර අවලංගු කළහොත් ගෙවිය යුතු දෑ

එකම නිවසක බොහෝ දෙනෙකු පදිංචිව සිටින විට, අන්තර්ජාලය ගැන පහත පරිදි එකඟතාවක් ඇති කර ගැනීම වැදගත්‍වේ.

• ගිණුම කාගේ නමින් ගත යුතුද
• එම පුද්ගලයා ඉවත්ව ගියොත් කුමක් සිදුවේද
• වියදම බෙදා ගන්නේ කෙසේද

මෙම ප්‍රශ්නවලට නිශ්චිතව වැරදි පිළිතුරු නොමැති නමුත්, වැරදි අවබෝධයන් බොහෝ විට වියදම්කාරී ප්‍රතිවිපාකවලට හේතු විය හැක.

උපයෝගීතා බිල්වල වෙනස්වීම් නිරීක්ෂණය කිරීම

විදුලිය, ජලය සහ ගොඩනැගිලි ගාස්තු යන උපයෝගීතා වියදම් මාසික අයවැයේ ස්ථාවර කොටසක් ලෙස සලකා බැලිය යුතුය. ඒවා අහඹු වියදම් ලෙස හැඟේ නම් පහත පරිදි සටහන් කර ගැනීම වැදගත් වේ.

• බිල් දිනය
• මුදල
• බිල් ආවරණය කරන කාලය
• ඔබ ගෙවිය යුතු කොටස

මාස කිහිපයකින් පසු රටාව පැහැදිලි වේ. ගිම්හාන සමයේ වායු සමීකරණ භාවිතය හේතුවෙන් විදුලි බිල ඉහළ යාම, අපේක්ෂිතයට වඩා ස්ථාවරව වැඩි ජල බිලක්, හෝ කිසිදු පූර්ව දැනුම්දීමකින් තොරව වෙනස් වූ ගොඩනැගිලි ගාස්තුවක් ලෙස එය දක්නට ලැබේ.

ප්‍රචාරණ දීමනා සැඟවුණු වියදම් බවට පත්වීම

ප්‍රවර්ධන සැලැස්මක්/ ප්‍රචාරණ දීමනාවන් සැමවිටම නරක නොවේ. ගැටලුව වන්නේ පළමු මිල පමණක් මතක තබාගෙන පසුව ඇති සැබෑ මිල අමතක වීමයි.

තවත් සාමාන්‍ය ගැටලුවක් වන්නේ එක් බිලක් පමණක් සලකා බලමින් මුළු වියදම නොදැන සිටීමයි. ජංගම සැලැස්මෙන් කුඩා මුදලක් ඉතිරි කළත්, අන්තර්ජාල හෝ උපයෝගීතා වියදම් මගින් එය ඉක්මවා යා හැක.

වඩාත්ම ආරක්ෂිත පුරුද්ද වන්නේ සාමාන්‍යයෙන් ගෙවිය යුතු මාසික ගාස්තු එහි ප්‍රචාරණ වියදම නොව සම්පූර්ණ මිල සමඟ එක ස්ථානයක ලියා තැබීමයි. සියලු සංඛ්‍යා එකම ලැයිස්තුවක දැක්වෙන විට, තීරණ ගැනීම බෙහෙවින් පහසු වේ.

නිගමනය

හොඳම සැලැස්ම යනු දැන්වීම්වල ඇති අඩුම මිල නොවේ. එය ඔබගේ සැබෑ භාවිතයට ගැළපෙන, ප්‍රවර්ධන කාලය අවසන් වූ පසුත් පැහැදිලිව තේරුම් ගත හැකි සහ සැඟවුණු වියදම් නොමැති සැලැස්මයි. දුරකථන, අන්තර්ජාල සහ උපයෝගීතා වියදම් නිවැරදිව සසඳන සේවකයන් වඩා සන්සුන් මූල්‍ය තීරණ ගනිති. සියලුම අංක දෘශ්‍යමාන වූ විට, මුළු අයවැය පාලනය කිරීම පහසු වේ.

The post ජංගම දුරකථන සඳහා පෙර/පසු ගෙවුම් සැලසුම්, නිවසේ අන්තර්ජාලය සහ දෛනික සේවා සඳහා පිරිවැය සංසන්දනය කරන්නේ කෙසේද? appeared first on LANKACONNECT.

හැඳින්වීම

ජංගම දුරකථන පැකේජයක් සම්බන්ධයෙන් සේවකයෙකු ගිවිසුමකට අත්සන් කරයි. නියෝජිතයා නැවත නැවත සඳහන් කරන්නේ පළමු මාසයේ ගාස්තුව අඩු බවයි. නමුත් පසුව මාස කිහිපයකින් ඔහු දකින්නේ උපකරණ ගාස්තුව, ස්ථාපන ගාස්තුව සහ සිව්වන මාසයෙන් පසු ක්‍රියාත්මක වන මිල ඉතා වැඩි බවයි. එවිට ගිවිසුම් කාලය දැනටමත් ආරම්භ වී ඇත. මෙය අසාමාන්‍ය කතාවක් නොවේ. ඊශ්‍රායලයේ දෛනික පාරිභෝගික වියදම් වල විශාල කොටසක් මෙවැනි තීරණ නිසා අහිමි වී යයි. එය එක් විශාල වැරද්ද්ක් නිසා නොව, ප්‍රශ්න නොකළ කුඩා වැරදි කිහිපයක් එකතු වීමෙන්ය.

මෙම ලිපිය දෛනික ජීවිතයේ වැදගත්ම පාරිභෝගික මූලික කරුණු විස්තර කරයි. මෙය රිසිට්, බාරදීමේ පොරොන්දු, සේවා ගිවිසුම් සහ ඔබ මිලදී ගත් දේ පොරොන්දුවට නොගැළපෙන විට ක්‍රියා කරන ආකාරය පිලිබදවය.

රිසිට් යනු ඔබගේ සාක්ෂියයි

විදේශීය සේවකයෝ බොහෝවිට අසාධාරණ පාරිභෝගික ක්‍රියාවලියන්ට මැදිවන්නේ ඔවුන් තෙහෙට්ටු වීම, ඉක්මන් වීම, හෙබ්රූ (Hebrew) ලේඛන හඳුනා නොගැනීම හෝ කුඩා මුදලක් ගැන වාද කිරීමට මැලිකම නිසාය. බොහෝ දෙනා සංකීර්ණ බවක් ඇති වූ විට පැමිණිලි නොකරන බව ව්‍යාපාරිකයන් ද දනී.

නමුත් රිසිට් එකක් එය වෙනස් කරයි. එය සරල ආපසු ගෙවීමක් සහ අසීරු තර්කයක් අතර සීමාවයි. මිලදී ගැනීමේ සාක්ෂිය නොමැති විට, සත්‍ය පැමිණිල්ලක් වුවද දුර්වල වේ. රිසිට් ඩිජිටල් නම්, එය ස්ථාන දෙකක සුරකීම කළ යුතුය. මුද්‍රිත නම්, එය එම දිනම ඡායාරූප ගැනීම කළ හැක, දුරකථන වෙනස් විය හැක, පණිවිඩ මැකී යා හැක. ඔබට අවශ්‍ය වෙලාවේ එය තිබේ නම් පමණක් රිසිට් ඔබව ආරක්ෂා කරයි.

සේවා ගිවිසුමකට අත්සන් කිරීමට පෙර

බොහෝ සේවකයෝ මාසික ගාස්තුව අඩු ලෙස පෙනෙන නිසා සේවා සඳහා ඉක්මනින් එකඟ වෙති. නමුත් සැබෑ ප්‍රශ්නය මාසික ගාස්තුව පමණක් නොවේ. එය ස්ථාපන ගාස්තු, උපකරණ ගාස්තු, සේවා ගාස්තු, ගිවිසුම් කාලය, අවලංගු කිරීමේ කොන්දේසි සහ ආරම්භක මිල අවසන් වූ පසු සිදුවන දේ ආදිය ද ඇතුළත් වී ඇත.

විකුණුම්කරුවා පළමු මාසය හෝ මාස කිහිපය ගැන පමණක් කතා කරන්නේ නම්, පසුව ක්‍රියාත්මක වන සාමාන්‍ය මිල කුමක්දැයි විමසීම කළ යුතු වේ. අඩු ආරම්භයක් දිගුකාලීන වියදමක් සැඟවිය හැක. එකඟ වීමට පෙර මුළු මාසික ගාස්තුව සහ එකවර ගාස්තු ලිවීමට කියා එය පැහැදිලිව ලියන්න අකමැති නම්, එයද වැදගත් තොරතුරකි.

ගිවිසුම යනු සරල ආකෘතියක් නොවේ. ගැටලුවක් ඇති වූ විට කුමක් සිදුවේද යන්න තීරණය කරන්නේ එයයි. අවලංගු කිරීමේ කොන්දේසි අවශ්‍ය වන විට නොව, ගිවිසුම ආරම්භ කිරීමට පෙර එය කියවීම කළ යුතුය.

බාරදීමේ ගැටලු ඇති වූ විට

ඔබ භාණ්ඩ, විදුලි උපකරණ හෝ වෙනත් බාරදීමක් ඇණවුම් කරන විට, ඇණවුම් විස්තර සහ පොරොන්දු වූ බාරදීමේ දිනය සුරකීම කළ යුතුය. සමාගම ප්‍රමාද වුවහොත්, භාණ්ඩය වෙනස් වුවහොත්, හානි වූ භාණ්ඩ බාරදුන් විට හෝ කොටසක් අඩුවෙන් ලැබුණහොත්, ඉක්මනින් එය පැමිණිලි කළ යුතුය.

හානි වූ පැකේජ සහ අඩු කොටස් වහාම ඡායාරූප ගැනීමෙන් ඇණවුම, පොරොන්දු වූ දිනය, සැබෑ දිනය සහ ලැබුණු භාණ්ඩයේ තත්ත්වය පෙන්විය හැකි විට ගැටලුව විසඳීම පහසු වේ. සතියක් ගතවීමෙන් පසු පැමිණිලි කිරීම බොහෝවිට පැකේජය පිළිගැනීමක් ලෙස සලකනු ලැබේ.

වෙළඳසැල “ආපසු ගෙවීමක් නැහැ” කියන විට

සමහර පාරිභෝගිකයන් “ආපසු ගෙවීමක් නැහැ” යන වචනය ඇසුණු විට මිලදී ගැනීම නතර කරයි. සමහර අවස්ථාවල එය නිවැරදි විය හැක. සමහරවිට එය සම්පූර්ණ පිළිතුරක් නොවෙයි. නිවැරදි ප්‍රතිචාරය වන්නේ විවාද කිරීම නොව, එම ප්‍රතික්ෂේපය කුමන නීතිය යටතේද යන්න විමසීම සහ ලිඛිත පිළිතුරක් ඉල්ලීමයි.

නිල පාරිභෝගික මාර්ගෝපදේශ අනුව, දුරකථන, අන්තර්ජාල හෝ පණිවිඩ මගින් සිදු කරන ගනුදෙනු සඳහා වෙනස් අවලංගු කිරීමේ අයිතිවාසිකම් පවතී. ගනුදෙනුවේ වර්ගය සහ කාලය අනුව අයිතිවාසිකම් වෙනස් වේ. සරල ප්‍රතික්ෂේපයක් ලැබූ විට, නිල මාර්ගෝපදේශ පරීක්ෂා කිරීම වැදගත් වේ.

සාමාන්‍යයෙන් එක් පණිවිඩයක් ප්‍රමාණවත් වීම

බොහෝ පාරිභෝගික ගැටලු සඳහා නීතිඥයන් හෝ විධිමත් පැමිණිලි අවශ්‍ය නොවේ. එයට අවශ්‍ය වන්නේ කෙටි ලිඛිත පණිවිඩයක් පමණි. මිලදී ගත් දේ, සිදුවූ දේ සහ ඔබ ඉල්ලන විසඳුම කුමක්ද යන්න කෙටි, පැහැදිලි පැමිණිල්ලක් දිගු කෝප සහිත කතාවකට වඩා ප්‍රයෝජනවත් වේ.

දිනය, මුදල, ගැටලුව සහ ඔබට අවශ්‍ය දේ සඳහන් කිරීම කළ යුතුය. පැහැදිලි පණිවිඩයක් නොසලකා හැරේ නම්, නිල පැමිණිලි ක්‍රමය භාවිතා කළ හැක.

නිගමනය

හොඳ පාරිභෝගික පුරුදු යනු සෑම කුඩා මුදලක් සඳහාම සටන් කිරීම නොවේ. එය ඔබ මුදල් ගෙවූ පසු ලැබෙන දේ පාලනය කිරීමයි.

ඔබ එකඟ වීමට පෙර මිල තේරුම් ගැනීම, ගෙවීමෙන් පසු සාක්ෂි තබාගැනීම, ගැටලුවක් ඇති වූ විට ඉක්මනින් ක්‍රියා කිරීම යන මෙම පුරුදු තුන වසරක් පුරා ඔබගේ මුදල් ආරක්ෂා කරන ප්‍රධානම ක්‍රම වේ.

The post වෙළඳසැල්, සේවා ගිවිසුම් සහ බෙදාහැරීම්වල පාරිභෝගික අයිතිවාසිකම් appeared first on LANKACONNECT.

හැඳින්වීම

කුලීකරු (tenant) ගැටුමක් ඇති වෙයි සිතා ගැටලු තිබුණත් ඒවා නිසි වේලාවට නිවාස හිමියාට වාර්තා නොකර සිටීම ඔහුට පසුව අවාසිදායක වේ. උදාහරණ ලෙස, ෂවර් එක සති 2ක් පුරා ක්‍රියානොකිරීම පිළිබඳව දැනුවත් නොකිරීම, නළයකින් ජලය කාන්දු වීම පිළිබඳ එක වරක් දුරකථන ඇමතුමක් දී පැවසුව ද නැවත එය මතක් නොකිරීම හා ලිඛිත ක්‍රියාමාර්ගයක් අනුගමනය නොකිරීම ආදිය වේ.

නමුත් නිවසින් ඉවත් වන අවස්ථාවේදී නිවාස හිමියා විසින් හානි පවතින බව පවසමින් තැන්පතුව (deposit) රඳවා ගනී. කුලීකරුට සිදුවීම් වෙනස් ආකාරයෙන් මතකයේ තිබුණද, ඒවා සනාථ කළ හැකි ලිඛිත සාක්ෂි නොමැති වීම නිසා තත්ත්වය පැහැදිලිව ඉදිරිපත් කිරීම අපහසු වේ.

මෙම ලිපිය මඟින්, ඉඩම් හිමියා අලුත්වැඩියා ඉල්ලීම් නොසලකා හරින අවස්ථාවලදී හෝ පැහැදිලි සාධාරණ හේතුවක් නොමැතිව තැන්පතුව රඳවා ගන්නා අවස්ථාවලදී අනුගමනය කළ යුතු ක්‍රියාමාර්ග විස්තර කරයි. මෙහි මූලික අරමුණ වන්නේ ආරම්භයේදීම ගැටුමක් ඇති කිරීම නොව, අවශ්‍ය වුවහොත් පසුව ඇතිවිය හැකි ගැටුමක් තුළ තම ස්ථානය ශක්තිමත් කර ගැනීමට, ප්‍රමාණවත් ලිඛිත වාර්තා කල්තියාම ගොඩනැගීමයි.

එමෙන්ම, වාසස්ථාන සම්බන්ධ වගකීම්, දේපළ වර්ගය හා ගිවිසුම් කොන්දේසි අනුව වෙනස් විය හැකි බැවින්, කිසියම් ක්‍රියාමාර්ගයක් ගැනීමට පෙර තමන්ට අදාළ විශේෂ ගිවිසුම සහ වත්මන් නිල මාර්ගෝපදේශ පරීක්ෂා කිරීම අත්‍යවශ්‍ය වේ.

නිහඬතාවය ගැටලුවක් බවට පත්විය හැක

බොහෝ කුලීකරුවන් (tenants) ඉඩම් හිමියා අප්‍රසාදයට පත් කරවීම, කාමරය අහිමි වීම, හෝ තමා පිළිබඳව වැරදි ලෙස සිතයි යන භීතිය නිසාවෙන් අලුත්වැඩියා ගැටලු වාර්තා කිරීම අධික කාලයක් ප්‍රමාද කරති. එම ප්‍රමාදය බොහෝ අවස්ථාවලදී වැරදි තීරණයක් ලෙස පවතී.

• කුඩා ජල කාන්දුවක් කාලයත් සමඟ බිත්තියට හානි සිදු කරයි.
• බිඳුණු අගුලක් ආරක්ෂාවට සෘජු බලපෑමක් ඇති කරන ගැටලුවක් බවට පත්විය හැකි අතර, එය වාර්තා නොකළහොත් එය කිසිවිටෙක සඳහන් නොකළ ගැටලුවක් ලෙස පවතී.
• එසේම, පොදුවේ භාවිතා කරන ප්‍රදේශයක ආලෝකයක් නොමැති වීම, පසුව ඉඩම් හිමියා විසින් “එවැනි ගැටලුවක් නොතිබුණි” යනුවෙන් ප්‍රකාශ කිරීමට හේතු විය හැක.

නිවසින් ඉවත් වන අවස්ථාවේදී තැන්පතු සම්බන්ධ ගැටලුවක් මතු වූ විට, කිසිවක් නොකියා සිටි කුලීකරුට වඩා, ගැටලුව ඇති වූ සතියේම එය ලිඛිතව වාර්තා කළ කුලීකරු වඩා ශක්තිමත් තත්ත්වයක සිටී.

ඊශ්‍රායලයේ “සාධාරණ කුලී නීතිය” පිළිබඳ මහජන පැහැදිලි කිරීම් අනුව, නිවෙස් හිමියන්ට නිශ්චිත අලුත්වැඩියා වගකීම් පවතින අතර, හදිසි අලුත්වැඩියා දින තුනක් තුළත්, අනෙකුත් අලුත්වැඩියා දින තිහක් තුළත් සිදු කළ යුතුය. එබැවින්, ගැටලුවේ ස්වභාවය කාල සීමාව සහ ලිඛිත වාර්තාව යන සියල්ල ගැටලුවක් මතු වන අවස්ථාවලදී ඉතා වැදගත් වේ.

අලුත්වැඩියා ගැටලු සාමාන්‍යයෙන් වර්ධනය වන ආකාරය

බොහෝ අලුත්වැඩියා ගැටලු එක විශාල අසාර්ථකතාවයකින් (dramatic failure) ආරම්භ නොවේ. ඒවා සාමාන්‍යයෙන් කුඩා ලෙස පෙනෙන ගැටලුවකින්, ලිඛිතව තහවුරු නොකළ සඳහන් කිරීමකින්, ඉටු නොවන පොරොන්දුවකින් සහ ගැටලුව සෘජුව ඉදිරිපත් කිරීමට අකමැති කුලීකරුවෙකුගේ ක්‍රියාකලාපයක් නිසා ආරම්භ වේ.

ගැටලුව උග්‍ර තත්ත්වයකට පත් වන විට, “එය පැවසුවේ කවුද, පැවසුවේ කවදාද” යන්න පැහැදිලි නොවී යයි. ඉඩම් හිමියාට සත්‍යවම පෙර සංවාදයක් අමතක විය හැකි අතර, කුලීකරුට එම ගැටලුව කවදා හෝ වාර්තා කළ බව සනාථ කිරීමට හැකි ලිඛිත සාක්ෂි නොමැති විය හැක.

එබැවින් මෙම ක්‍රියාමාර්ග අනුපිළිවෙල ඉතා වැදගත් වේ.

• ගැටලුව හඳුනාගැනීම
• එය වහාම ලේඛනගත කිරීම
• ලිඛිතව වාර්තා කිරීම

කළ හැකිය.

මෙය අනාගතයේ දී ගැටුමක් බලාපොරොත්තු වීමක් නිසා නොව ලිඛිත වාර්තා දෙපාර්ශවයම ආරක්ෂා කරන බැවින් වැදගත් වේ. පැහැදිලි ලිඛිත වාර්තාවක් ලැබී එයට ඉක්මනින් ප්‍රතිචාර දක්වන නිවෙස් හිමියෙකු යහපත් විශ්වාසයක් පෙන්නුම් කරයි. එය ලබාගෙන කිසිවක් නොකරන තැනැත්තා අක්‍රියතාවයේ වාර්තාවක් නිර්මාණය කරයි.

අවශ්‍ය වීමට පෙර ලිඛිත වාර්තාව ගොඩනැගීම

• ගැටලුවක් හඳුනාගත් වහාම, එයට අදාළ පැහැදිලි ඡායාරූප සහ කෙටි වීඩියෝ සටහන් කර තබාගැනීම වැදගත් වේ.
• ඒ සමඟ, ගැටලුව කුමක්ද, එය පළමුව දැනගත් දිනය කවදාද, සහ එය දෛනික ජීවිතයට ඇති කරන බලපෑම කුමක්ද යන්න පිළිබඳ සරල ලිඛිත විස්තරයක් සකස් කළ යුතුය.
• ඊළඟට, ඉඩම් හිමියාට ලිඛිත පණිවිඩයක් යොමු කළ යුතුය.
• එය කෙටි සහ කරුණු පැහැදිලි විය යුතු අතර, ගැටලුව කුමක්ද, එය කවදා හඳුනාගත්තේද, එය අවධානයට ලක් කළ යුතු හේතුව සහ ඔබ බලාපොරොත්තු වන ප්‍රතිචාරය කුමක්ද යන්න පැහැදිලිව සඳහන් කළ යුතුය. දිගු විස්තරවලට වඩා, නිශ්චිත කරුණු ඉදිරිපත් කිරීම වඩාත් ප්‍රයෝජනවත් වේ.
• ඉඩම් හිමියා දුරකථන මාර්ගයෙන් ප්‍රතිචාර දක්වන්නේ නම්, එම සංවාදයෙන් පසු වහාම කෙටි ලිඛිත සාරාංශයක් යැවිය යුතුය.
• උදාහරණයක් ලෙස: “අද අප අතර පැවති දුරකථන සංවාදය අනුව, අලුත්වැඩියාව සිකුරාදා වන විට සිදුකරන බව ඔබ තහවුරු කළා.” මෙවැනි වාක්‍යයක්, ඉඩම් හිමියාගේම දුරකථන අංකයට යැවීම මඟින් පසුව පහසුවෙන් ප්‍රතික්ෂේප කළ නොහැකි ලිඛිත සාක්ෂියක් නිර්මාණය වේ.
• අවසානයේ, සියලු රිසිට්පත්, ඡායාරූප සහ පණිවිඩ එකම ස්ථානයක සංවිධානය කර තබාගැනීම අත්‍යවශ්‍ය වේ.
• බොහෝ කුලීකරුවන් ගැටලුවක් කළමනාකරණය කිරීමට අසමත් වන්නේ, ඔවුන්ගේ සාක්ෂි විවිධ පණිවිඩ, උපාංග සහ ප්‍රවේශය නොමැති ස්ථාන අතර විසිරී යාම හේතුවෙනි.

තැන්පතුව ආපසු නොලැබෙන අවස්ථා

තැන්පතු සම්බන්ධ ගැටලු බොහෝවිට මතුවන්නේ පුද්ගලයන් වෙහෙසට පත්ව සිටින, අවධානය වෙනත් කටයුතුවලට යොමුව ඇති සහ ඊළඟ ජීවන පියවර (next chapter) පිළිබඳව කේන්ද්‍රගතව සිටින අවස්ථාවලදීය. නිවසින් ඉවත් වන දිනය යනු, මේ පිළිබඳව පළමුව සිතන අවස්ථාව නොවිය යුතු අතර ඒ සඳහා පෙර සූදානමක් තිබිය යුතු අවසන් අවස්ථාව මෙය විය යුතුය.

බුද්ධිමත් නිවසින් ඉවත්වීමේ ක්‍රමවේදයක් අවම වශයෙන් සතියකට පෙර ආරම්භ කළ යුතුය. කාමරය සම්පූර්ණයෙන් පිරිසිදු කර, සියලු බිත්ති, උපකරණ, යතුරු සහ අදාළ විය හැකි ජල/විදුලි මීටර් කියවීම් පැහැදිලිව ඡායාරූපගත කළ යුතුය.

ඉඩම් හිමියා සමඟ ස්ථානය පරීක්ෂා සිදු කිරීම හෝ අවම වශයෙන් දේපළ තත්ත්වය පිළිබඳ ලිඛිත පිළිගැනීමක් ලබාගැනීම වැදගත් වේ. එවැනි පරීක්ෂාවක් කළ නොහැකි නම්, යතුරු භාර දෙන දිනයේම දින සටහන් සහිත ඡායාරූප ඉඩම් හිමියාගේ අංකයට යැවීම අත්‍යවශ්‍ය වේ.

ඉඩම් හිමියා තැන්පතුවේ කොටසක් රඳවා ගැනීමට අදහස් කරන්නේ නම්, ඒ සඳහා නිශ්චිත හේතු සහ එක් එක් අයිතමය සඳහා අය කරන නිශ්චිත මුදල් ප්‍රමාණය ලිඛිතව ඉල්ලා සිටිය යුතුය. “හානි සිදුවී ඇත” වැනි සාමාන්‍ය ප්‍රකාශ ප්‍රමාණවත් නොවේ.

සාමාන්‍ය භාවිතයෙන් සිදුවන පිරිහීම සාධාරණ ගිවිසුමකදී තැන්පතුවෙන් අඩු කළ නොහැකි කරුණක් ලෙස සැලකේ.

අවසානයේ, තැන්පතුව ආපසු ලබාදෙන කාල සීමාව ලිඛිතව ඉල්ලා සිටිය යුතුය. යම් දිනයක් ලබා දී එය ඉක්මවා ගියද ගෙවීම සිදු නොවන්නේ නම්, පෙර ලබා දුන් පොරොන්දුව සඳහන් කරමින් කෙටි ලිඛිත මතක් කිරීමක් යැවීම අවශ්‍ය වේ.

මුදල් ගැටලු සන්නිවේදනය කිරීම

මුදල් සම්බන්ධ ගැටලු ඇති අවස්ථාවලදී, සන්සුන්, කෙටි සහ ලිඛිත සන්නිවේදනය දිගු හා හැඟීම්බර ප්‍රකාශවලට වඩා බොහෝ විට වඩාත් ඵලදායී වේ.

අලුත්වැඩියා ගැටලු සඳහා ප්‍රයෝජනවත් ආකෘතියක් මෙසේ දැක්විය හැක.

“මෙම ගැටලුව මම මේ දිනයේ(දිනය) වාර්තා කළෙමි. එය තවමත් අලුත්වැඩියා කර නොමැත. කරුණාකර එය කවදා සිදුකිරීමට නියමිතද යන්න ලිඛිතව තහවුරු කරන්න.”

තැන්පතු සම්බන්ධ ගැටලු සඳහා මෙසේ සදහන් කළ හැකිය.

“කරුණාකර මගේ තැන්පතුවෙන් කොටසක් රඳවා ගැනීමට හේතුව සහ එක් එක් අයිතමයට අදාළ නිශ්චිත මුදල් ප්‍රමාණය ලිඛිතව තහවුරු කරන්න.”

මෙවැනි ප්‍රශ්න සරල, සෘජු සහ පැහැදිලි වන අතර ඉඩම් හිමියාගේ පැහැදිලි කිරීම ලිඛිතව වාර්තා වීමට හේතු වේ.

ඉඩම් හිමියා සාධාරණ කාල සීමාවක් තුළ ලිඛිත ඉල්ලීම්වලට ප්‍රතිචාර නොදක්වන්නේ නම්, එලෙස නිහතමානී නොවී ප්‍රතිචාරය නොදැක්වීම ද ලිඛිත වාර්තාවේ කොටසක් ලෙස සැලකිය හැක. එබැවින්, යැවූ පණිවිඩවල දිනය, සහ ලැබුණු (හෝ නොලැබුණු) ප්‍රතිචාර කාලය නිරන්තරයෙන් ලේඛනගත කිරීම අත්‍යවශ්‍ය වේ.

නිගමනය

ඉඩම් හිමියෙකු අලුත්වැඩියා ප්‍රතික්ෂේප කරන විට හෝ තැන්පතුව පැහැදිලි හේතුවක් නොමැතිව රඳවා තබාගන්නා විට, කුලීකරුගේ ශක්තිය වන්නේ අරගලකාරී හැඟීම් හෝ කෝපය නොව පැහැදිලි දින සඳහන් කළ සහ ලිඛිත වාර්තාවකි. එවැනි වාර්තාවක් මඟින් ගැටලුව කවදා ඇතිවූයේද, කවදා වාර්තා කළේද සහ ඉඩම් හිමියාගෙන් කුමක් ඉල්ලා සිටියේද යන්න නිවැරදිව පෙන්විය හැක.

ආරම්භයේ සිටම මෙවැනි ලේඛනගත කිරීමක් සිදු කරන කුලීකරුවන් තම මුදල් සහ කාලය දෙකම ආරක්ෂා කර ගනී. බොහෝ විවාද ඉතා සරල වන්නේ එක් පාර්ශවයකට පැහැදිලි කාලරාමුවක් ඉදිරිපත් කළ හැකි අතර අනෙක් පාර්ශවයට එය නොහැකි වන අවස්ථාවලදීය.

The post නිවාස හිමියෙක් අලුත්වැඩියා කිරීම ප්‍රතික්ෂේප කළහොත් හෝ ඔබගේ ඇප මුදල රඳවා ගතහොත් කළ යුතු දේ appeared first on LANKACONNECT.

හැඳින්වීම

කාලීනව කුලිය සමාන වූවත්, කාමර දෙකක් භාවිතා කරන විට සම්පූර්ණයෙන්ම වෙනස් අත්දැකීම් ලබාගත හැක. එක් ප්‍රදේශයක බස් සේවාව නිශ්චිත වේලාවට ක්‍රියාත්මක වන අතර නිවසට පැමිණීම සාමාන්‍ය සහ පහසු වේ. එසේම නිවස ආසන්නයේ සුපිරි වෙළඳසැල් සහ අනෙකුත් අත්‍යවශ්‍ය පහසුකම් පහසුවෙන් ලබාගත හැක.

නමුත් තවත් ප්‍රදේශයක රාත්‍රී 10න් පසු වීදි අඳුරු ස්වභාවයක් ගන්නා අතර අවසන් බස් සේවාව ද විශ්වාසදායක නොවේ. එමෙන්ම, සෑම කුඩා අවශ්‍යතාවයක්ම ඉටු කිරීම සඳහා අමතර කාලය සහ මුදල් වැය කිරීමට සිදුවේ.

මෙම මාර්ගෝපදේශය ඊශ්‍රායලයේ සේවය කරන ශ්‍රී ලාංකික විදේශීය කම්කරුවන් සඳහා සකස් කර ඇති අතර, හුදෙක් සිතියමේ ස්ථානයක් පමණක් නොව, ප්‍රායෝගිකව ක්‍රියාත්මක වන වාසස්ථාන තෝරාගැනීමේ අවශ්‍යතාවය අවධාරණය කරයි. නිවැරදි පරිසරයක් යනු ආරක්ෂිත ලෙස පෙනෙන වීදියක් පමණක් නොව, දෛනික ජීවිතයේ අවශ්‍යතා සපුරාලිය හැකි ස්ථානයකි.

ප්‍රදේශයක සැබෑ ගුණාත්මකභාවය බොහෝවිට තක්සේරු කරනු ලබන්නේ එය ක්‍රියාවට නංවන අවධියේය. එනම් ප්‍රවාහන මාර්ග, ගොඩනැගිල්ලේ ප්‍රවේශය සහ ඔබ සැබවින්ම ජීවත් වන වේලාවන් තුළ එහි ක්‍රියාකාරීත්වය අනුවය. එබැවින්, ස්ථානය තෝරාගැනීම සම්බන්ධයෙන් ඔන්ලයින් ලැයිස්තු (online listings) පමණක් නොව, භෞතිකව ගොස් නිරීක්ෂණය කිරීමද අත්‍යවශ්‍ය වේ.

ප්‍රදේශය තෝරාගැනීම මුදල් සහ මානසික ආතතියට බලපාන ආකාරය

අයහපත් ස්ථානයක් (bad location) සේවකයින් බොහෝවිට අපේක්ෂා කරනවාට වඩා වැඩි වියදමක් ඇති කරයි. එනම්,

• කුලීරථ වියදම් වැඩිවීම
• බස් සේවා අහිමි වීම
• එදිනෙදා බඩු මිලදී ගැනීමට දිගු දුරක් ඇවිදීමට සිදුවීම
• රැකියාවට යාමට ප්‍රමාද වීම
• දෛනික ශාරීරික-මානසික වෙහෙස වැඩිවීම

වැනි ගැටලු ඇති කරයි.

මෙවැනි තත්ත්වයන් හේතුවෙන් සාමාන්‍යයෙන් හොඳ කාමරයක් වුවද එයට අදාළ දෛනික ජීවිතය සංකීර්ණ හා අසහනකාරී බවක් ගන්නා අවස්ථා බොහෝය.

නමුත් සුළු වශයෙන් වැඩි කුලියක් ගෙවමින් නිවැරදි ප්‍රදේශයක ජීවත් වීම මගින් ප්‍රවාහන වියදම් අඩු කරගැනීමට, කාලය ඉතිරි කරගැනීමට සහ දෛනික ජීවිතය වඩා ස්ථාවර හා සන්සුන් කිරීමට හැකියාව ලැබේ.

ලිපිනය පමණක් නොව මාර්ගය පරීක්ෂා කිරීම

යමෙකු “මෙම කාමරය ප්‍රවාහන සේවාවට ආසන්නයි” යැයි පවසන විට, එය නිශ්චිතවම කුමන ප්‍රවාහන පහසුකමකට ආසන්නද යන්න පැහැදිලි කරගැනීම අවශ්‍ය වේ.

බස් නැවතුම්පළකට මිනිත්තු පහක දුරක් තිබීම ඔබගේ සේවා ස්ථානයට නිශ්චිත වේලාවට ගමන් කරන බස් මාර්ගයකට මිනිත්තු පහක දුරක් තිබීම සමඟ සමාන නොවේ. එබැවින් සේවකයින් තම කාලසටහනට ගැළපෙන ලෙස බස් මාර්ගයේ සැබෑ ගමන් මාර්ගය, බස් ධාවන වාර ගණන සහ පළමු හා අවසාන ගමන් වේලාවන් පිළිබඳව විමසීම කළ යුතුය.

හැකියාව තිබේ නම්, ඔබ එම ප්‍රදේශය භාවිතා කිරීමට බලාපොරොත්තු වන වේලාවේදී එය නිරීක්ෂණය කිරීම වැදගත් වේ. දිවා කාලයේදී මෙන්ම, අවශ්‍ය නම් රාත්‍රී කාලයේදීද නිවසේ සිට ස්ථානය දක්වා ගමන් මාර්ගය තුළ ඇවිදිමින් පරීක්ෂා කළ යුතුය.

එකම වීදිය සවස 3:00 ට පහසු සහ ආරක්ෂිත ලෙස පෙනුනද, රාත්‍රී 10:30 පමණ වන විට අඳුරු, ජනශූන්‍ය හෝ පීඩාකාරී හැඟීමක් ඇති කරන ප්‍රදේශයක් විය හැක. විශේෂයෙන් හිස් ඉඩම්, අඩු ආලෝකකරණය ඇති ස්ථාන හෝ පැහැදිලි නොවන ගොඩනැගිලි ප්‍රවේශ මාර්ග ආසන්නව මෙම වෙනස තවදුරටත් දැඩි විය හැක.

දෛනික පහසුව පමණක් නොව ආරක්ෂාවද සලකා බැලීම

හොඳ ප්‍රදේශයක් යනු සාමාන්‍ය දෛනික ජීවිතය පහසු කරවන ස්ථානයකි. එබැවින් ආසන්නයේ ආහාර වෙළඳසැල්, ඖෂධ ශාලා, ATM යන්ත්‍ර, සෞඛ්‍ය සේවා මධ්‍යස්ථාන, බස් මාර්ග සහ අනෙකුත් ප්‍රායෝගික සේවා තිබේද යන්න සලකා බැලීම අත්‍යවශ්‍ය වේ.

විශේෂයෙන් සේවකයින් වෙහෙසට පත්ව සිටින අවස්ථාවලදී, මෙම කුඩා පහසුකම් පවා විශාල වැදගත්කමක් ලබා දේ.

අඩු කුලියකින් යුත් කාමරයක් වුවද, සෑම සරල අවශ්‍යතාවයක් සඳහාම අමතර ප්‍රවාහන වියදම්, දිගු දුරක් ඇවිදීම හෝ වැඩ කාලය අහිමි වීම තිබේ නම්, එය ප්‍රායෝගිකව වඩාත් වියදම්කාරී බවක් ගන්නා අවස්ථා වේ.

සමහර ප්‍රදේශ සන්සුන් සහ ආකර්ෂණීය ලෙස පෙනුණද, ඒවා බොහෝවිට සියලු පහසුකම්වලින් දුරස්ථ විය හැක. එබැවින් ආරක්ෂාව, ප්‍රවේශය සහ වියදම අතර සමතුලිතතාවය සලකා බලමින් තීරණ ගැනීම එක් සාධකයට පමණක් අවධානය යොමු කිරීමට වඩා ප්‍රායෝගික වේ.

ගොඩනැගිල්ල අවට නිරීක්ෂණය කළ යුතු දේවල්

ගොඩනැගිල්ලේ ප්‍රවේශය යනු බොහෝ සේවකයින් බලාපොරොත්තු වනවාට වඩා වැඩි වැදගත්කමක් ඇති අංගයකි. එබැවින් ප්‍රවේශ මාර්ගය ප්‍රමාණවත් ලෙස ආලෝකමත්ද යන්න, පඩිපෙළ ආරක්ෂිත හැඟීමක් ලබාදෙනවාද, දොරවල් නිවැරදිව අගුලු දැමිය හැකිද සහ අවට පරිසරය නඩත්තු කර ඇති බවක් පෙනෙන්නේද යන්න විමසා බැලීම අවශ්‍ය වේ. ගොඩනැගිල්ල ඇතුළත කාමරය හොඳ තත්ත්වයක තිබුණද බාහිර පරිසරය නොසන්සුන්කාරී නම් සම්පූර්ණ වාසස්ථානයම ආතතිකාරී (stressful) ලෙස දැනිය හැක.

ශබ්දයද ප්‍රදේශ තෝරාගැනීමේදී වැදගත් සාධකයකි. ප්‍රධාන මාර්ගයක් හෝ බහුල ජනගහන ස්ථානයක් ආසන්නයේ ඇති කාමරවල රාත්‍රි කාලයේ දිගු වැඩ මුරවලින් පසු විවේකය අවශ්‍ය වන සේවකයින් සඳහා අපහසු විය හැක.

එබැවින් ආරක්ෂාව යනු භෞතික අවදානම පමණක් නොව, දෛනික ජීවිතය ක්‍රමවත්ව, පුරෝකථනය කළ හැකි සහ කළමනාකරණය කළ හැකි ආකාරයට ගෙවිය හැකිද යන්නද ඇතුළත් වන පුළුල් සංකල්පයකි.

ප්‍රදේශයක් තෝරාගැනීමේදී සාමාන්‍යයෙන් සිදුවන වැරදි

• ප්‍රදේශයක් තෝරාගැනීමේදී බහුලව සිදුවන වැරදියක් වන්නේ සිතියම මත ඇති තොරතුරු පමණක් විශ්වාස කර මාර්ගය භෞතිකව ඇවිද පරීක්ෂා නොකිරීමයි.
• තවත් වැරදීමක් වෙන්නෙ කුලිය පමණක් මූලික කරගෙන තීරණ ගැනීමත්, ප්‍රවාහන වියදම් සහ කාලය අහිමිවීම වැනි සැබෑ වියදම් නොසලකා හැරීමත්ය.
• සමහර සේවකයින් එක් විශේෂ වේලාවක සිදුකළ එක් සංචාරයක් මත පමණක් පදනම්ව ප්‍රදේශයක් තෝරාගැනීම හෝ තමන්ගේ කාලසටහනට නොගැළපෙන වෙනත් පුද්ගලයෙකුගේ සුවපහසුව මත පදනම්ව තීරණ ගැනීමද සාමාන්‍ය වැරදි අතර වේ.

එක් පුද්ගලයෙකුට ප්‍රමාණවත් ආරක්ෂිත සහ සුවපහසු ලෙස පෙනෙන ස්ථානයක්, වෙනත් පුද්ගලයෙකුට ආතතිකාරී (stressful) ලෙස දැනිය හැක. එබැවින් හොඳ ප්‍රදේශයක් යනු සාමාන්‍ය ප්‍රායෝගික සාධක පමණක් නොව පුද්ගලික අවශ්‍යතා සහ දෛනික ජීවන රටාවටද ගැළපෙන සංකල්පයකි.

ප්‍රදේශ සංසන්දනය කිරීමට සරල ක්‍රමයක්

ප්‍රදේශයන් සංසන්දනය කිරීමේදී එක් එක් විකල්පය සාධක පහක් මත ‍තීරනය කිරීම ප්‍රායෝගික ක්‍රමයකි. ඒවා නම්,

• වැඩට යාම සඳහා ගතවන කාලය
• ප්‍රවාහන සේවාවේ විශ්වාසනීයභාවය
• නිවසට පැමිණීමේ මාර්ගයේ සුවපහසුව
• දෛනික වෙළඳසැල් හා සේවා වලට ප්‍රවේශය
• ඔබ සැබවින් භාවිතා කරන වේලාවන්හිදී ප්‍රදේශය දැනෙන ආකාරය

යන කරුණු වේ.

මෙවැනි සරල ලිඛිත පද්ධතියක් භාවිතා කිරීමෙන්, කුලිය අඩු ලෙස පෙනෙන කාමරයක්, ප්‍රවාහන ආතතිය (travel stress), කාලය අහිමිවීම සහ පහසුකම් අහිමිවීම එකතු කළ විට සැබවින්ම වඩාත් වියදම්කාරී බවක් ගන්නා බව පැහැදිලිව දැකගත හැක.

නිගමනය

නිවැරදි ප්‍රදේශයක් තෝරාගැනීම යනු, ප්‍රසිද්ධම ප්‍රදේශය හෝ අඩුම කුලිය ඇති ප්‍රදේශය සොයාගැනීම නොවේ. එය ඔබගේ වැඩ කරන වේලාවන්, මුදල් හැකියාව සහ දෛනික පුරුදු සමඟ ගැළපෙන ස්ථානයක් සොයාගැනීමයි.

හොඳම ප්‍රදේශය යනු, කෙටි සංචාරයකදී හොඳින් පෙනුන ස්ථානය නොව, දිගු වැඩ මුරයකින් පසුවත් දෛනික ජීවිතය කළමනාකරණය කළ හැකි ලෙස පවතින ස්ථානයකි.

The post රැකියා සහ ප්‍රවාහන පහසුකම් අසල ආරක්ෂිත ප්‍රදේශයක් තෝරාගන්නේ කෙසේද appeared first on LANKACONNECT.

හැඳින්වීම

ඊශ්‍රායලයේ භාවිතා කරන ලද භාණ්ඩ (දෙවන-අත භාණ්ඩ/second-hand items) නැවත මිලදී ගැනීමේ දී අවදානම් තත්ත්ව දක්නට ලැබේ. විශේෂයෙන්ම එම තීරණ ඉක්මනින් හා පීඩනය යටතේ ගන්නා අවස්ථාවලදී එය නිරන්තරයෙන් දක්නට ඇත.

• ඡායාරූපයකදී මෙට්ටයක්(mattress) හොඳ තත්ත්වයක පෙනුනද සැබෑවට පරීක්ෂා කිරීමේදී එහි දුර්ගන්ධයක් තිබිය හැක.
• රෙදි සෝදන යන්ත්‍ර එක් වරක් පමණක් ක්‍රියා කර පසුව ක්‍රියාවිරහිත විය හැක.
• ඇදුම් අල්මාරි ඡායාරූපයවල කාමරයට ගැළපෙන ලෙස පෙනුනද පඩිපෙළ හරහා ගෙන යා නොහැකි භෞතික සීමාවන් ඇතිවිය හැක.

මෙවැනි ගැටලු දුර්ලභ නොවන අතර භාවිත කළ භාණ්ඩ භාවිතය සම්පූර්ණයෙන්ම වළක්වාලීම මෙම මාර්ගෝපදේශය අරමුණු කර නොගනී. බොහෝ අවස්ථාවලදී එවැනි භාණ්ඩ ප්‍රායෝගික හා ආර්ථික වශයෙන් නිවැරදි තේරීමක් විය හැක. මෙම ලිපියේ ප්‍රධාන අරමුණ වන්නේ, සැබෑ ආර්ථික ඉතිරියක් සහ පෙනුමෙන් අඩු වියදමක් ලෙස පෙනුනද පසුව ගැටලු ඇති කරන මිලදී ගැනීම් අතර වෙනස විචාරාත්මකව හඳුනා ගැනීමයි.

වැරදි තීරණ ඇති කරන පීඩනය

භාවිතා කළ භාණ්ඩ නැවත මිලදී ගැනීම් බහුතරයක පොදු ලක්ෂණයක් වන්නේ ඉක්මනින් තීරණ ගත යුතු බවට ඇති හැඟීම (urgency) ය.

• සමහර අවස්ථාවලදී පුද්ගලයෙකු නව නිවසකට මාරු වී ඇති අතර, එදිනම නිදාගැනීමට ඇඳක් අවශ්‍ය වේ.
• තවත් අවස්ථාවලදී අඩු මිලකට ලබා දෙන ශීතකරණයක් (fridge) දුටු විට එය පැය කිහිපයක් තුළ අහිමි විය හැකි බවට ඇති බිය නිසා ඉක්මනින් තීරණයක් ගනී. එසේම විකුණන්නා “වෙනත් ගැනුම්කරුවන් දැනටමත් මෙය මිල දී ගැනීමට උනන්දුව දක්වයි” යනුවෙන් පවසන විට පුද්ගලයන් වැඩි විමර්ශනයක් නොකර ඉක්මනින් එය මිලදී ගැනීමට පෙළඹෙති.

මෙවැනි තත්ත්වයන්හිදී භාණ්ඩයේ ගුණාත්මකභාවය, ක්‍රියාකාරීත්වය සහ දිගුකාලීන යෝග්‍යතාවය පිළිබඳ විචාරාත්මක ඇගයීම අඩුවී තීරණ බොහෝවිට පීඩනය මත පදනම් වේ.

මෙම පීඩනය යටතේ වැදගත් පරීක්ෂා කිරීම් බොහෝවිට සිදු නොවේ. එය ඇත්තටම මේ මොහොතේ නිසි ලෙස ක්‍රියා කරන්නේද? ඔබ ජීවත් වන මහලට එය ගෙන යා හැකිද? සියලුම කොටස් සම්පූර්ණද? යන මූලික ප්‍රශ්න පවා නොසලකා හැරේ.

අඩු මිලක් ලෙස දැක්වෙන දැන්වීමක් තුළ බොහෝ විට අමතර වියදම් සැඟවී තිබිය හැක. එනම්,

• බෙදාහැරීමේ ගාස්තු
• ගෙන යාමේ ගාස්තු
• එකලස් කිරීමේ කාලය
• පිරිසිදු කිරීමේ වියදම්
• විකුණන්නා දැන සිටි නමුත් සඳහන් නොකළ අලුත්වැඩියා අවශ්‍යතා

වැනි කරුණු වේ.

මෙම සියලු වියදම් එකතු කළ විට, “ලාභ” ලෙස පෙනෙන භාණ්ඩයක් සමහර අවස්ථාවලදී, සාමාන්‍ය නව භාණ්ඩයක මිලට වඩා වැඩි වියදමක් දරන තත්ත්වයට පත්විය හැක.

පළමුව අවශ්‍ය දේවල් පමණක් මිලදී ගැනීම

හිස් කාමරයක් දුටු විට සියලු අවශ්‍යතා එකවර විසඳාගත යුතුය යන හැඟීම පහසුවෙන් ඇතිවේ. නමුත් එය ප්‍රායෝගික නොවේ. එනම් ප්‍රමුඛතාවය දිය යුත්තේ දෛනික ජීවිතයට අත්‍යවශ්‍ය අවශ්‍යතා වෙතය.

ඒවා අතරට නිදාගැනීම සඳහා ඇඳක්, ශීතකරණයක්, වාඩි වීම හෝ ආහාර ගැනීම සඳහා මූලික ආසනයක් හෝ මේසයක් සහ අත්‍යවශ්‍ය ගබඩා පහසුකම් ඇතුළත් වේ.

මෙම මූලික අංග සපයාගත් පසු කාමරය එදිනෙදා ජීවිතයට සුදුසු තත්ත්වයට පත්වේ. එවිට, ඉක්මනින් සියල්ල විසඳාගත යුතුය යන පීඩනය (urgency) ද ක්‍රමයෙන් අඩුවේ.

ඇඳක් තිබෙන ස්ථානයක සිටින ගැනුම්කරුවෙකු ඊළඟ මිලදී ගැනීම සන්සුන්ව හා විචාරාත්මකව සිදු කරයි. එවැනි තත්ත්වයකදී තීරණය කිරීමේදී ඔහුට කාලය, විකල්ප හා ගුණාත්මකභාවය පිළිබඳව සාපේක්ෂව නිදහස්ව ඇගයීමක් කළ හැක.

නමුත් තවමත් බිම නිදාගන්නා ගැනුම්කරුවෙකු වර්තමානයේ අවශ්‍යතාවයේ පීඩනය යටතේ සිටින බැවින් අද දින ලබාගත හැකි ඕනෑම මිලකට අනුව ඉක්මනින් මිලදී ගැනීමක් සිදු කිරීමට පෙළඹේ.

ගෘහභාණ්ඩ මිලදී ගැනීමට එකඟ වීමට පෙර පරීක්ෂා කරන ආකාරය

ඡායාරූප බොහෝවිට භාණ්ඩය හොඳම ස්ථානගත කිරීම සමඟ හොඳම ආලෝක තත්ත්වයෙන් පෙන්වයි. එබැවින්, කිසිදු ගෘහභාණ්ඩයක් මිලදී ගැනීමට හෝ එකඟ වීමට පෙර, එහි නිවැරදි මිනුම් ලබාගෙන ඒවා කාමරය, දොරටුව, පඩිපෙළ සහ ගොඩනැගිල්ලේ ප්‍රවේශය සමඟ සැසඳීම අත්‍යවශ්‍ය වේ.

සියලු මූලික මිනුම් වලට ගැළපෙන ඇදුම් අල්මාරියක් වුවද බලාපොරොත්තු නොවූ එක් සංකීර්ණ ස්ථානගත කිරීමක් හෝ භෞතික සීමාවක් හේතුවෙන් ඇතුළට ගෙන යා නොහැකි තත්ත්වයකට පත්විය හැක. එබැවින්, පරීක්ෂා කිරීම මූලික මට්ටමේ මිනුම් සීමා වලට පමණක් නොව, සැබෑ භෞතික ගමන් මාර්ගයේ සියලුම කොටස් සැලකිල්ලට ගනිමින් සිදු කළ යුතුය.

ඔබට භාණ්ඩය සජීවීව පරීක්ෂා කළ හැකි නම්, එය හොඳින් පරීක්ෂා කරන්න. ෆ්‍රේමය මත සැහැල්ලුවෙන් පීඩනයක් යොදමින් බලන්න, ඩ්‍රෝවර් විවෘත කර බලන්න, සම්බන්ධක ස්ථාන (joints) පරීක්ෂා කරන්න, සහ පිටුපස පිළිබඳවද විමසා බලන්න. කිසියම් කොටස් අහිමි වී තිබේද යන්න සෘජුවම විමසන්න. ඇඳන්, මේස හා රාක්ක වැනි භාණ්ඩ සඳහා, පෙනුමට වඩා ස්ථායීතාවය වැදගත් වේ. වෙනත් කෙනෙකුගේ නිවසකදී සුළු ලෙස පෙනෙන අස්ථිරතාවයක්, ඔබගේ නිවසේදී දෛනික අපහසුතාවයක් බවට පත්විය හැක.

කූෂන් (cushions) හෝ මෙට්ට (mattresses) තුළ ඇති දුර්ගන්ධ, පැල්ලම් සහ සැඟවී ඇති හානි වෙන වෙනම පරීක්ෂා කිරීම විශේෂයෙන් වැදගත් වේ. මෙවැනි දෝෂයන් ඡායාරූප මගින් සැඟවී යා හැකි අතර, ඒවා බොහෝවිට නොපෙනෙ තත්ත්වයන් ලෙස පවතී. එබැවින්, භාණ්ඩයේ සැබෑ තත්ත්වය නිවැරදිව තක්සේරු කිරීම සඳහා භෞතික පරීක්ෂාව අත්‍යවශ්‍ය වේ.

නිවසට අවශ්‍ය උපකරණ (Appliances) මිලදී ගැනීමට පෙර පරීක්ෂා කරන ආකාරය

නිවසට අවශ්‍ය උපකරණයක සැබෑ වටිනාකම තීරණය කිරීමේදී එහි පෙනුමට වඩා ක්‍රියාකාරී තත්ත්වය පරීක්ෂා කිරීම වඩා වැදගත් වේ.

උදාහරණයක් ලෙස, වොෂින් මැෂින් එකක් පිරිසිදු ලෙස පෙනුනද එය ජලය කාන්දු වීම හෝ නිසි ලෙස ජලය ඉවත් නොකිරීම සිදු කරන්නේ නම්, එය ප්‍රායෝගික වශයෙන් ගැටලුකාරී වේ.

එසේම, නවීන ලෙස පෙනෙන ශීතකරණයක් වුවද, දොරේ රබර් සීල් නිසි ලෙස වැසී නොයන්නේ නම් හෝ උෂ්ණත්වය ස්ථාවර නොවේ නම්, එය භාවිතයට සුදුසු නොවේ.

එබැවින්, උපකරණය ක්‍රියාත්මක කර පෙන්වීමට ඉල්ලා සිටීම වැදගත් වේ.

• එය කෙතරම් පරණද
• මීට පෙර අලුත්වැඩියා කර තිබේද
• සියලු කොටස් සහ උපාංග ඇතුළත්ද
• දැනටමත් දන්නා දෝෂ තිබේද

යන්න සෘජුව විමසිය යුතුය.

අපැහැදිලි පිළිතුරු ද තොරතුරු ලෙස සැලකිය යුතුය. “අවසාන වරට වැඩ කළා” හෝ “සියලු කොටස් තියෙනවා” වැනි ප්‍රකාශයන්, නිශ්චිත තොරතුරු නොමැති බව පෙන්වන සංඥා වේ. එවැනි අවස්ථාවලදී, නිවැරදිව ක්‍රියාකාරී බව පෙන්වා දිය හැකි සහ සෘජු පිළිතුරු දිය හැකි විකුණුම්කරුවෙකු හරහා උපකරණ මිලදී ගැනීම වඩා විශ්වාසනීය වේ.

එකඟ වීමට පෙර “බෙදාහැරීමේ මුළු වියදම” ගණනය කිරීම

භාණ්ඩයක ප්‍රකාශිත මිල යනු මුළු වියදමේ ආරම්භක කොටසක් පමණි. මිලදී ගැනීමට එකඟ වීමට පෙර ප්‍රවාහනය සිදු කරන්නේ කවුද, පඩිපෙළ හරහා ගෙන යාම ඇතුළත්ද, ලිෆ්ට් එකක් ක්‍රියාත්මකව පවතීද, එකලස් කිරීම සපයනවාද සහ භාණ්ඩය ගොඩනැගිල්ලට ගෙන ආ පසු නිවසට ඇතුළු කළ නොහැකි තත්ත්වයක් ඇති වුවහොත් කුමක් සිදුවේද යන්න වැනි කරුණු පැහැදිලි කරගැනීම අත්‍යවශ්‍ය වේ.

ප්‍රායෝගිකව, භාණ්ඩයේ මිලට අමතරව ප්‍රවාහන වියදම්, ගෙන යාමේ සේවාවන්, අවශ්‍ය නම් පිරිසිදු කිරීමේ වියදම් සහ අලුත්වැඩියා සඳහා සාධාරණ ඇස්තමේන්තු එකතු කිරීමෙන් “සැබෑ මුළු වියදම” (total delivered cost) ගණනය කළ යුතුය. මෙම මුළු වියදම පැහැදිලි වූ පසු පමණක් පාවිච්චි කරන ලද භාණ්ඩයක් මිලදී ගැනීමේ තීරණය, සාමාන්‍ය නව හා මූලික භාණ්ඩයක මිල සමඟ විචාරාත්මකව සසඳා බැලිය හැක.

භාවිත කළ භාණ්ඩ මගින් ලාභයක් ලැබෙන සහ නොලැබෙන අවස්ථා

පාවිච්චි කළ භාණ්ඩ (second-hand) යොදා ගැනීම හොඳින් ගැලපෙන්නේ පහසුවෙන් පරීක්ෂා කළ හැකි සහ අඩුපාඩුවක් තිබේ නම් පහසුවෙන්ම මාරු කළ හැකි භාණ්ඩ සඳහාය. එවැනි භාණ්ඩ අතර මේස, පුටු, රාක්ක, මූලික ගබඩා ඒකක සහ හොඳ තත්ත්වයේ ස්ථිර රාමු (solid frames) ඇතුළත් වේ.

නමුත්, දෝෂ සඟවා තිබිය හැකි සෞඛ්‍යයට (hygiene) සෘජුවම වැදගත් වන හෝ මිලදී ගැනීමට පෙර නිවැරදිව පරීක්ෂා කළ නොහැකි භාණ්ඩ සඳහා පාවිච්චි කළ භාණ්ඩ මිලදී ගැනීම අවදානම්කාරී තීරණයක් බවට පත්වේ.

• මෙහි වඩාත් පැහැදිලි උදාහරණය මෙට්ටයයි (mattress). වැරදි මෙට්ටයක් නින්දේ ගුණාත්මකභාවය අඩු කිරීම, කොන්දේ වේදනාවන් ඇති කිරීම, සෞඛ්‍ය හා පිරිසිදුකම පිළිබඳ ගැටලු මතු කිරීම සහ ඉක්මනින්ම නැවත භාණ්ඩයක් මිලදී ගැනීම සිදු කරයි.

එබැවින් “අඩු වියදමකින් දැන් මිලදී ගැනීම” ලෙස පෙනෙන ආර්ථික තීරණය, සමහර අවස්ථාවලදී ඉහළම මුළු වියදම් (total cost) ඇති තීරණයක් බවට පත්විය හැක.

දෛනික සෞඛ්‍යයට සහ සුවපහසුවට සෘජුව බලපාන භාණ්ඩ සම්බන්ධයෙන් වඩා දැඩි ප්‍රමිතීන් භාවිතා කිරීම, අවශ්‍ය වුවහොත් මිස භාවිත කළ භාණ්ඩ භාවිතා කිරීම, දිගුකාලීනව වඩාත් බුද්ධිමත් ආකල්පයක් ලෙස සැලකිය හැක.

නිගමනය

භාවිත කළ භාණ්ඩයක් (second-hand item) යනු කාමරයට, ගොඩනැගිල්ලට සහ දෛනික ජීවන රටාවට ගැළපෙන විට පමණක් ඉතිරියක්(ලාභයක්) ලෙස සැලකිය හැකි දෙයකි. එබැවින්, එකඟ වීමට පෙර මිනුම් ගැනීම, පරීක්ෂා කළ හැකි දේ පරීක්ෂා කිරීම, සම්පූර්ණ බෙදාහැරීමේ වියදම ගණනය කිරීම සහ සෘජු ප්‍රශ්න ඇසීම කළ යුතුය.

තම භාණ්ඩය පිළිබඳ මූලික ප්‍රශ්නවලට පවා පිළිතුරු දීමට නොහැකි විකුණන්නෙකු බොහෝවිට භාණ්ඩයේ ගැටලු තිබෙන බව හෝ යම් දෝෂ සැඟවී ඇති බව සෘජුව නොපෙන්වා සිටිනවා විය හැක.

The post ගෘහ භාණ්ඩ, උපකරණ සහ භාවිතා කළ භාණ්ඩ මිලදී ගැනීමේ උපදෙස් appeared first on LANKACONNECT.

හැදින්වීම

හවුල් නවාතැන් (shared apartments) බහුතරයක් තුළ ගැටලු පැනනගින්නේ එකම සිද්ධියක් නිසා නොවේ. එය ක්‍රමයෙන් ගොඩනැගෙන්නේ සන්නිවේදනය නොවූ නැවත නැවත සිදුවන සුළු දෛනික අවස්ථා හේතුවෙනි.

උදාහරණයක් ලෙස,

• කෙනෙකු වැඩට පිටත්ව යාමට අවශ්‍ය වන අවස්ථාවේදී නානකාමරය කාර්‍යබහුල වීම
• පසුදින උදෑසනත් අපිරිසිදු බඩු පිරිසිදු නොකර තිබීම
• පෙර දැනුම්දීමකින් තොරව අමුත්තන් රැඳී සිටීම
• අනෙක් අයට අවශ්‍ය ලෙස තමන් හැඩගැසෙන බවක් දැනීම

ආදී අවස්ථා සඳහන් කළ හැක.

මෙවැනි තත්ත්වයන් සති කිහිපයක් පුරා දිගටම පැවතියහොත්, ප්‍රකාශිත ගැටුම් නොමැති වුවද, වාසස්ථානය තුළ බරපතළ මානසික ව්‍යාකූලතා ඇතිවීමට ඉඩ ඇත.

මෙම ලිපිය ඉලක්ක කරන්නේ ඊශ්‍රායලය තුළ හවුල් නවාතැන්වල ජීවත් වන විදේශීය කම්කරුවන් වන අතර ඔවුන්ට සාමකාමී, ගරුත්වයෙන් යුතුව සහ ක්‍රියාත්මක කළ හැකි වාසස්ථානයක් පවත්වාගෙන යාම සඳහා උපකාර කිරීමයි. හවුල් නවාතැන් පද්ධතියක් සාර්ථකව පවත්වාගෙන යාමට දැඩි නීති හෝ අතිශය පාලන ක්‍රම අවශ්‍ය නොවේ. ඒ වෙනුවට පැහැදිලි අපේක්ෂාවන්, දෛනික සලකා බැලීම් සහ අකමැත්ත සාමාන්‍ය වාතාවරණයක් බවට පත්වීමට පෙර ගැටලු විසඳා ගැනීමට හැකි ක්‍රමවේදයක් අත්‍යවශ්‍ය වේ.

විශාල දේශනවලට වඩා සුළු දෛනික පුරුදු වැදගත් වන්නේ ඇයි

නේවාසික මිතුරන් අතර ගැටලු බොහෝ විට එක විශාල සිද්ධියකින් නොව, නැවත නැවත සිදුවන එකම ක්‍රියා හේතුවෙන් වර්ධනය වේ.

• රාත්‍රියේ දී ශබ්දයෙන් කතා කරන පුද්ගලයෙකු තමන් විසින් ගැටලුවක් ඇති කරන බවක් නොසිතා සිටිය හැක.
• එක් වරක් ආහාර ආපසු ලබා දීමට පොරොන්දු වී ගන්නා පුද්ගලයෙකුට එය සුළු කරුණක් ලෙස පෙනිය හැක.
• “මම පසුව පිරිසිදු කරන්නම්” කියමින් නැවත නැවත එම කාර්ය කල් දමන පුද්ගලයෙකුට, තමන් ජීවත් වන නිවස තවමත් පාලනය කළ හැකි තත්ත්වයක පවතින බව විශ්වාස විය හැක.

නමුත් උදෑසන අවදි වන, නිතර පිරිසිදු කරන හෝ ආපසු ලබා දීමට පොරොන්දු වී නිසි වේලාවටම එය ක්‍රියාවට නංවන කාමර හවුල්කරුට එය ගැටලුවක් විය හැක.

හවුල් නවාතැන් සාර්ථකව ක්‍රියාත්මක වන්නේ ප්‍රායෝගික අපේක්ෂාවන් නිසියාකාරව පවතින විටය. එයට ගරුත්වය පිළිබඳ දිගු නායකත්ව දේශන අවශ්‍ය නොවේ. ඒ වෙනුවට ඔවුන් සත්‍ය වශයෙන් ජීවත් වන පරිසරයට ගැලපෙන පැහැදිලි හා සරල එකඟතා කිහිපයක් තිබීම ප්‍රමාණවත් වේ.

සැබෑ ජීවිතයේ වඩාත් වැදගත් වන නීති බොහෝ විට ආරම්භයේදී අවධානයට නොගන්නා කරුණු වීම

මිනිසුන් එකට වාසය කිරීම ආරම්භ කරන විට ඔවුන් බොහෝවිට කුලිය පිළිබඳව පමණක් සාකච්ඡා කරති. නමුත් දෛනික ජීවිතයේ ගැටලු සහ සංවේදී කරුණු සාමාන්‍යයෙන් එකිනෙකට වෙනස් වේ.

ඒවාට උදාහරණ ලෙස,

• වැඩට යාමට පෙර නානකාමරය භාවිතා කරන කාලය
• පිඟන් සෝදන ක්‍රමය සහ මුලුතැන්ගෙය භාවිතය
• කුණු ඉවත් කිරීම
• පිරිසිදු කිරීමේ ද්‍රව්‍ය
• උස් හඬින් ලබා ගන්නා දුරකථන ඇමතුම්
• වීඩියෝ කතාබස්
• දුම්පානය
• අමුත්තන් පැමිණීම සහ රාත්‍රියේ රැඳී සිටීම
• ආහාර බෙදාහදා ගෙන භාවිතය
• ශීතකරණයේ ඉඩ බෙදාගැනීම
• බිල්පත් ගෙවීම් කෙතරම් ඉක්මනින් කළ යුතුද යන්න

වැනි කරුණු ඇතුළත් වේ.

මෙම කරුණු සාමාන්‍යයෙන් කුඩා ලෙස පෙනුනත් දිගු කාලීනව එකට වාසය කිරීමේදී ගැටලු ඇතිවීමට ප්‍රධාන හේතු වේ. එබැවින්, ආරම්භයේදීම මෙම නීති සදහා පැහැදිලි එකඟතා ඇති කරගැනීම වඩාත් වැදගත් වේ.

මෙවැනි කරුණු සඳහා දිගු ලේඛන අවශ්‍ය නොවේ. කෙටි ලිඛිත පණිවිඩයක් පවා ප්‍රමාණවත් වේ. එම පණිවිඩය තුළ,

• පිරිසිදු කිරීමේ ද්‍රව්‍ය මිලදී ගන්නේ කවුද
• අමුත්තන්ට පැමිණීමට පෙර දැනුම්දීමක් අවශ්‍යද
• කුමන වේලාව “නිහඬ කාලය” (quiet time) ලෙස සැලකේද
• ආහාර පෞද්ගලිකද නැතිනම් බෙදාගන්නා දෙයක්ද
• පොදු වියදම් බෙදී යන්නේ කෙසේද

යන කරුණු පැහැදිලිව සඳහන් කළ හැක.

සාමාන්‍ය ගැටුම් රටා

එකට වාසය කරන පුද්ගලයන් (roommates) අතර ඇතිවන ගැටලු වලට මුදල් පමණක් හේතුවක් නොවේ. බොහෝවිට ගැටුම් ඇතිවන්නේ දෛනික ජීවිතයේ හැසිරීම් හා අපේක්ෂාවන් අතර නොගැළපීම් නිසාය.

එවැනි ගැටුම්වලින් එකක් වන්නේ, දෛනික වගකීම් සියලුදෙනා අතර බෙදාගෙන තිබුණද, එක් පුද්ගලයෙකු “ප්‍රධාන කුලීකරු” ලෙස හැසිරීමයි. මෙය බලය සහ වගකීම් අතර අසමතුලිතතාවයක් ඇති කරයි.

තවත් පොදු ගැටලුවක් වන්නේ, එක් පුද්ගලයෙකු අනෙක් අයට වඩා වැඩි ලෙස අපිරිසිදු වීමත්, “පසුව කරමි” යනුවෙන් වැඩ ප්‍රමාද කිරීමත්ය. මෙවැනි හැසිරීම් දිගටම පවතින විට අනෙක් අය අතර ඒ පිළිබඳ නරක හැඟීමක් ඇතිවිය හැක.

පෞද්ගලිකත්වය ද මෙහි වැදගත් භූමිකාවක් ඉටු කරයි. චාජර්, කුළුබඩු, සබන් හෝ පිරිසිදු කිරීමේ ද්‍රව්‍ය, ආහාර වැනි කුඩා වටිනාකමක් තිබෙන දේවල් වුවද අනුමැතියකින් තොරව නැවත නැවත භාවිතා කිරීම විශ්වාසය බිඳ දැමීමට හේතු විය හැක.

අමුත්තන් පිළිබඳ කරුණු ද එකට වාසය කරන පුද්ගලයන් අතර ඇතිවන ප්‍රධාන ගැටලු වලින් එකකි. සමහර පුද්ගලයන්ට මිතුරන් නිතර පැමිණීම පිළිබඳ සුවපහසු බවක් දැනෙන අතර, අනෙක් අයට විශේෂයෙන් කුඩා නිවාසවල සිටින විට පෙර දැනුම්දීමක් අවශ්‍ය කරති. මෙවැනි අවස්ථාවල ශබ්දය, නානකාමර භාවිතය සහ නිදා ගැනීමට ඉඩ සැපයීම වැනි කරුණු මූලික කරගෙන ඒවා ඉක්මනින් ගැටලු බවට පත්වේ.

ඒ අනුව, සාර්ථක සහ සුවපහසු පරිසරයක් පවත්වා ගැනීමට නම් අමුත්තන් සම්බන්ධ සීමා සහ අපේක්ෂාවන් පිළිබඳව ගැටුමක් ඇති වීමට පෙරම සාකච්ඡා කර පැහැදිලි එකඟතාවයකට පැමිණීම අත්‍යවශ්‍ය වේ.

නිවසේ තත්ත්වය තව දුරටත් ව්‍යාකූල නොකරමින් ගැටලුවක් ඉදිරිපත් කරන ආකාරය

ගැටලුවක් ආරම්භයේදී ම ඒ පිළිබඳව කතා කිරීමට වඩාත් සුදුසු වේ. දිගු සහ හැඟීම්බර විස්තරයකට වඩා සන්සුන් සහ කෙටි වාක්‍යයක් බොහෝ විට මේ සදහා භාවිතා කළ හැකිය. මෙහි ප්‍රායෝගික ක්‍රමය වන්නේ,

• ගැටලුව සිදුවන ආකාරය (pattern) පැහැදිලිව සඳහන් කිරීම
• එය ඔබට ඇති කරන බලපෑම පැහැදිලි කිරීම
• ඒ සදහා පැහැදිලි විසඳුමක් යෝජනා කිරීම

උදාහරණයක් ලෙස, “අපි උදේ වැඩට යාමට පෙර මුලුතැන්ගෙයහි බොහෝ අපිරිසිදු දේවල් ඉතිරි වන නිසා. අපි ඒවා පිරිසිදු කිරීම එදිනම කරමුද” යනුවෙන් පැවසීම, සති දෙකක් නිහඬව සිට ඉන්පසු කෝපයෙන් ප්‍රතිචාර දක්වීමට වඩා ප්‍රායෝගික වේ.

එය පුද්ගලයාගේ චරිතය ගැන නොව, ඔහුගේ හෝ ඇයගේ පුරුදු ගැන කතා කිරීමටද උපකාරී වේ.

“මෙය නැවත නැවත සිදුවෙනවා” යනුවෙන් පැවසීම, “ඔබ ගෞරව නොකරන කෙනෙක්” යනුවෙන් පවසනවාට වඩා ප්‍රායෝගික වේ.

සාමාන්‍යයෙන් මිනිසුන් එවැනි ලේබලයකට එරෙහිව තමන්ව ආරක්ෂා කරනවාට වඩා, තමන්ගේ දෛනික පුරුද්දක් වෙනස් කිරීමට වැඩි සූදානමක් දක්වයි.

ගැටලුව ඉවසීමේ සීමාව ඉක්මවා යන අවස්ථාවල කළ හැකි දේ

සෑම වාසස්ථාන ගැටලුවක්ම හොඳ සන්නිවේදනය මඟින් විසඳිය නොහැක. කුලී සගයෙකු (roommate) තර්ජනාත්මක ලෙස හැසිරෙන්නේ නම්, දේපළ සොරකම් කරන්නේ නම්, පෞද්ගලිකත්වය තමා අකමැතිව නැවත නැවත උල්ලංඝනය කරන්නේ නම් හෝ ආරක්ෂාව සහ ගෙවීම් සම්බන්ධ මූලික සීමාවන් සම්පූර්ණයෙන් නොසලකා හරින්නේ නම් එය සරල ආචාරධර්ම පිලිබද ගැටලුවක් පමණක් නොවේ.

මෙවැනි අවස්ථාවලදී, ලිඛිත වාර්තා, ගෙවීම් සාක්ෂි සහ සුරක්ෂිත කරගත් පණිවිඩ ඉතා වැදගත් වේ. ඒවා ඔබට ආරක්ෂිතව එම ස්ථානයෙන් ඉවත් වීමට හෝ තත්ත්වය අනෙකුත් පුද්ගලයන්ට පැහැදිලිව විස්තර කිරීමට උපකාරී වේ.

හොඳ සමූහ වාසස්ථානයක් සම්පූර්ණයෙන්ම පරිපූර්ණ නොවේ. එය සරලවම ප්‍රමාණවත් ස්ථාවරතාවයක් ඇති ස්ථානයක් වන අතර එහි ජීවත් වන පුද්ගලයන්ට දෛනික ආතතියකින් තොරව වැඩ කිරීමට, නිදාගැනීමට, ආහාර පිසීමට සහ විවේක ගැනීමට හැකි වේ.

මෙම ස්ථාවරතාවය සාමාන්‍ය පුරුදු කිහිපයකින් නිර්මාණය වේ.

• නිසි කාලයට ගෙවීම් කිරීම
• අමුත්තන් පිළිබඳ පෙර දැනුම්දීම
• භාවිතයෙන් පසු පිරිසිදු කිරීම
• නින්දට බාධා නොකිරීම
• ගැටලුවක් ආරම්භ වන විටම ඉක්මනින් කතා කිරීම

නිගමනය

කාමර සගයන් සමඟ ජීවත්වීම පහසු වන්නේ එකිනෙකාගේ අදහස්වලට ගෞරව කිරීම දෛනික පුරුදු බවට පත් කළ විටය. එනම්, එකිනෙකාට ගෞරවය පෙන්වීම සරල අදහසක් ලෙස නොව, දිනපතා අනුගමනය කරන ක්‍රියාවලියක් ලෙස ක්‍රියාත්මක කිරීමයි.

සන්සුන් සහ සාමකාමී නිවසක් ඇතිවන්නේ සියලුදෙනාම ඉතා සමීප මිතුරන් වීම නිසා නොවේ. එය සිදුවන්නේ, එක් එක් පුද්ගලයා තම සීමාවන් හඳුනාගෙන, සරල නීති සහ පුරුදු අනුගමනය කරමින්, ගැටලු කුඩා අවස්ථාවේදීම හඳුනාගෙන විසඳා ගැනීම නිසාය.

එබැවින්, සාර්ථක සහ සුවපහසු සමූහ වාසස්ථානයක් නිර්මාණය වන්නේ සම්බන්ධතා මත පමණක් නොව, නියමිත පුරුදු, සීමා, සහ කාලෝචිත සන්නිවේදනය මතය.

The post නේවාසික මිතුරන් සමඟ ජීවත් වීම: නීති, ගෞරවය සහ ගැටළු විසඳීම appeared first on LANKACONNECT.

ලිපියට සම්බන්ද වැදගත් සෙවුම්: ඊශ්‍රායලයේ හවුල් බිල්පත්, විදුලි බිල, ජල බිල, අන්තර්ජාල බිල්පත්, කාමර සේවකයන්ගේ බිල්පත්, ඊශ්‍රායලයේ ශ්‍රී ලාංකික ශ්‍රමිකයින්, ඊශ්‍රායලයේ විදේශීය ශ්‍රමිකයින්, LankaConnect මාර්ගෝපදේශය

හැඳින්වීම

වියදම බෙදාගන්නා බිල් (shared bills) බොහෝවිට ගැටලුකාරී තත්වයකට පත්වන්නේ, පළමු බිල්පත (invoice) ලැබීමට පෙර බෙදාගැනීමේ ක්‍රමයක් පිළිබඳ පැහැදිලි එකඟතාවයක් නොතිබූ විටය. බිල්පත පරීක්ෂා නොකරම එක් අයෙකු ගෙවීම් අවසන් දිනය ආසන්න බැවින් මුදල් ගෙවයි. තවත් අයෙකු පසුව මුදල් ගෙවන කරන බව පවසයි. තවත් අයෙකු මුදල ඉහළ බව සඳහන් කරයි.

මෙවැනි අවස්ථාවකදී ගැටලුව විදුලිය හෝ ජලය පමණක් නොව, සාධාරණත්වය, විශ්වාසය සහ පැහැදිලි සන්නිවේදනය සම්බන්ධ ගැටලුවක් බවට පත්වේ.

මෙම ලිපියේ අරමුණ වන්නේ, විදුලි, ජල, ඉන්ටර්නෙට් සහ අනෙකුත් බෙදාගන්නා වියදම් සැබෑ ජීවිතයට ගැලපෙන, ක්‍රියාත්මක කළ හැකි ක්‍රමවේදයක් තුළින් කළමනාකරණය කිරීම පිළිබඳ පැහැදිලි මාර්ගෝපදේශයක් ලබාදීමයි.

වියදම බෙදාගන්නා බිල් ගැටලු ඉක්මනින් නිර්මාණය වන්නේ ඇයි

මධ්‍යස්ථ වාතාවරණයක් තුළ බිල්පත් පැමිණෙන්නේ නැත. ඒවා මාසයක දෛනික පුරුදු වලින් පසුව පැමිනෙයි. දිගු ස්නානය, වායුසමීකරණ (AC) භාවිතය, ආහාර පිසීම, ඇඳුම් සේදීම, ආගන්තුකයන්ගේ පැමිණීම, හීටර් සහ භාවිතය සහ විවිධ වේලාවල ගෙදරට පැමිණීම වැනි කරුණු මෙයට බලපායි.

බිල්පත ලැබෙන අවස්ථාවේදී, එක් එක් පදිංචිකරු මාසය වෙනස් ආකාරයකින් මතක තබාගනී.

· සති අන්ත කිහිපයක් සඳහා පිටව ගිය පුද්ගලයාට සමාන බෙදීම අසාධාරණ යැයි හැඟේ
· මුලින්ම ගෙවූ අයෙකුට අනෙක් අයගෙන් මුදල් එකතු කිරීම බරක් ලෙස දැනේ
· ඉන්ටර්නෙට් වැඩිපුර භාවිතා කරන අයෙකුට, එය සෑම අයෙකුටම ප්‍රයෝජනවත් සේවාවක් බැවින් සමානව බෙදිය යුතු බව හැඟේ

බිල්පත ලැබීමට පෙර නීතියක් තීරණය කිරීම මෙවැනි ගැටලු වැළැක්වීමට මූලික පියවරකි.

බෙදාගැනීමට පෙර බිල්පත සම්පූර්ණයෙන් පරීක්ෂා කිරීම

බෙදාගැනීම පිළිබඳ සාකච්ඡාව ආරම්භ කිරීමට පෙර, බිල්පත සම්පූර්ණයෙන් පරීක්ෂා කළ යුතුය:

· බිල්පත නිකුත් කළ ආයතනය
· ආවරණය වන කාලසීමාව (billing period)
· පෙර මාසවල ඉතිරි මුදල් (outstanding balance) ඇතුළත්ද යන්න
· ගෙවීම් අවසන් දිනය (due date)

ඉහළ බිල්පතක් යනු සැමවිටම අධික භාවිතයක් බවට හේතුවක් නොවේ. එය දිගු කාලසීමාවක්, පෙර ගෙවීම් අඩුවක්, හෝ ඍතුමය වෙනස්වීම් නිසා ඇතිවිය හැක.

මෙම සෑම පියවරක්ම බොහෝ වාද-විවාද වැළැක්වීමට උපකාරී වේ.

පැහැදිලි බෙදාගැනීමේ නීතියක් භාවිතා කිරීම

වියදම බෙදාගන්නා නිවාස අනුව බිල් බෙදාගැනීමේ ක්‍රම වෙනස් විය හැක:

· පුද්ගලයන් අනුව සමානව බෙදීම
· කාමර අනුව බෙදීම
· භාවිතය අනුව වෙනස් කිරීම

සියලුම නිවෙස් සඳහා සාධාරණ බවක් දැනෙන්නා වූ සම්මත ක්‍රමවේදයක් නොමැත. වැදගත් වන්නේ, නීතිය පැහැදිලි, සරල සහ සියලු හවුල්කරුවන් හට පෙනෙන ස්ථානයක ලියා තිබීම ය.

උදාහරණයක් ලෙස:

“විදුලි සහ ජල බිල් පුද්ගලයන් අනුව බෙදනු ලැබේ. ඉන්ටර්නෙට් බිල් සමානව බෙදනු ලැබේ. බිල්පත බෙදාගත් දින සිට දින දෙකක් ඇතුළත ගෙවීම් සිදු කළ යුතුය.”

මෙවැනි සරල නීතියක් නිතර ඇති වන වාද විවාද වැළැක්වීමට උපකාරී වේ.

කලින් සාකච්ඡා නොවූ සාමාන්‍ය ගැටලු

බොහෝ ගැටලු බිල්පතෙන් නොව, කලින් එකඟ නොවූ තත්වයන්ගෙන් ඇති වේ.

· කෙනෙක් බිල් කාලසීමාව අතරතුර පිටවන්නේ නම් කුමක් සිදුවේද?
· නව සාමජිකයෙකු මාසයේ අවසන් දින 10 සඳහා එක්වන්නේ නම් කුමක් සිදුවේද?
· කෙනෙක් මාස ගණනක් පෙර ඉන්ටර්නෙට් ගාස්තුව ගෙවා තිබුණත් තවත් අයෙක් එය ඒ වනවිටත් නොගෙවා ඇත්නම් කුමක් සිදුවේද?
· තවත් අයෙකු “මම ගෙදර වැඩි වෙලාවක් නොසිටි නිසා අඩුවෙන් ගෙවන්නම්” පැවසුවහොත්, අනෙක් අය එකඟ නොවේ නම් කුමක් සිදුවේද?

මෙවැනි තත්වයන් සාමාන්‍ය වුව ද හොඳම විසඳුම වන්නේ ඒ සඳහා පෙර සිටම සරල නීතියක් එකඟතාවයෙන් යුතුව තබාගැනීමයි.

උදාහරණයක්:

බිලෙහි සඳහන් කාලසීමාව අතරතුර යම් සාමාජිකයෙක් පිටවන්නේ නම්, ඔහු සිටි අවසන් දින තෙක් ගෙවිය යුතුය. ඉතිරි මුදල දැනට සිටින සාමාජිකයින් අතර බෙදිය යුතුය.

මෙවැනි අවස්ථා සඳහා කලින්ම සරල නීති සකස් කිරීම අත්‍යවශ්‍ය වේ.

අන්තර්ජාල සේවාව සඳහා විශේෂ සැලකිල්ලක්

අන්තර්ජාල බොහෝවිට වෙනස් ස්වභාවයේ ගැටලු ඇති කරයි:

· එය එක් අයෙකුගේ නාමයෙන් ලියාපදිංචි වීම
· උපකරණ ගාස්තු ඇතුළත් වීම
· විකුණුම් අරමුණු සඳහා වූ මිල ගණන් පසුව වෙනස් වීම

ඒ අනුව, අන්තර්ජාල වියදම පැහැදිලි හා දෘශ්‍යමාන අයිතමයක් ලෙස සලකා බැලිය යුතුය.

සියලු සාමාජිකයින්ට:

· සත්‍ය බිල්පත දැකගැනීමේ හැකියාව තිබිය යුතුය
· මිල ගණන් පිළිබඳ පැහැදිලි අවබෝධයක් තිබිය යුතුය
· අමතර ගාස්තු පිළිබඳ දැනුවත් විය යුතුය

ප්‍රායෝගික බිල් කළමනාකරණ ක්‍රමවේදයක්

සාර්ථකව වියදම බෙදාගන්නා නිවෙස් බොහෝවිට පහත ක්‍රමවේදයක් අනුගමනය කරයි:

1. බිල්පත ලැබූ විට එය screenshot හෝ PDF ලෙස සමූහයට (group) බෙදාගැනීම
2. ගෙවීම් අවසන් දිනය සඳහන් කිරීම
3. එක් එක් අයගේ කොටස පැහැදිලිව දක්වීම
4. ගෙවීම සිදු කළ පසු තහවුරු කිරීම

ඉන්පසු, සියලු පදිංචිකරුවන් එකඟ වූ කාලසීමාව තුළ තම ගෙවීම් සිදු කරයි.

මෙම ක්‍රමය:

· මුලින්ම ගෙවූ අයෙකුට ඇති පීඩනය අඩු කරයි
· අනෙක් අයට විශ්වාසය ලබාදෙයි
· ගෙවීම් ප්‍රමාද වන ආකාරය පැහැදිලි කරයි

නිගමනය

වියදම බෙදාගන්නා බිල් කළමනාකරණය පහසු වන්නේ, තම නිවස/කාමර තුල පැහැදිලි නීතියක් භාවිතා කරමින් සෑම අවස්ථාවකම එය නැවත අනුගමනය කරන විටය.

සම්පූර්ණ බිල්පත බලන්න, බිල් කාලසීමාව පරීක්ෂා කරන්න, එකම බෙදාගැනීමේ නීතියක් යොදා ගන්න, සහ ක්‍රියාවලිය හැමෝටම පැහැදිලි වනසේ තබා ගන්න. එකම නිවසක හෝ කාමරයක සාමාජිකයින් පිරිසක් එකට ජීවත් වීමේ දී, පැහැදිලිභාවය මුදල් පමණක් නොව, ගෘහස්ථ සාමය ද ආරක්ෂා කරයි.

The post විදුලිබල, ජලය, අන්තර්ජාලය සහ එකට ජීවත් වන විට බෙදාගෙන ගෙවන බිල්පත් පිළිබඳ ප්‍රායෝගික මාර්ගෝපදේශයක් appeared first on LANKACONNECT.

හැදින්වීම

මෙය සාමාන්‍යයෙන් ආරම්භ වන්නේ ඉක්මන් තීරණ ගැනීමට ඇති පීඩනය සමඟයි. හොඳ මිලකට කාමරයක් ඇති නමුත් වෙනත් කෙනෙකු එය බැලීමට දැනටමත් පැමිණ ඇති බව කියයි. පණිවුඩයෙන් ලබාදෙනුයේ “අදම තීරණය කරන්න, දැන්ම තැන්පතු යවන්න, පසුව බැලීමට එන්න” යනුවෙනි. මෙවැනි පීඩනයන් බොහෝ කුලී වංචාවල ප්‍රධාන ක්‍රමයයි.

එම කාමරය ඇත්තටම නොමැති විය හැක, ගනුදෙනුව විස්තර කළ පරිදි නොවිය හැක, හෝ මුදල් එකතු කරන පුද්ගලයාට එම ස්ථානය කුලියට දීමට කිසිදු අයිතියක් නොමැති විය හැක. මෙම ලිපිය මුදල් අහිමි වීමට පෙර අනතුරු සංඥා හඳුනා ගැනීමට උපකාරී වන අතර, සංකීර්ණ නීතිමය භාෂාවක් නොව, ප්‍රායෝගික පියවර අවශ්‍ය වන ඊශ්‍රායලයේ ශ්‍රී ලාංකික විදේශ සේවකයන් සඳහා ලියැවී ඇත. අවසාන තීරණ සෑම විටම ලිඛිත ලේඛන, සැබෑ දේපළ සහ වර්තමාන නිල තොරතුරු සමඟ සසඳා තහවුරු කළ යුතුය.

වෙහෙසට පත් සේවකයින් මත වංචා ක්‍රියාත්මක වන්නේ ඇයි

නිවාස වංචා බොහෝවිට සාර්ථක වන්නේ වෙහෙසට පත්ව සිටින, නව ප්‍රදේශයකට පැමිණි, කාලය අඩු, හෝ හොඳ අවස්ථාවක් නැතිවෙයි කියා බිය වන පුද්ගලයින් මතයි. එවැනි තත්වයකදී, ඔවුන් දැන්වීමේ මිල සහ ලබාගත හැකි දිනය මත පමණක් අවධානය යොමු කරයි, වැදගත් ප්‍රශ්න ඇසීම නවතයි.

වංචාකරුවන් මෙය හොඳින් දැන සිටී. ඔවුන් නිර්මාණය කරන පීඩනය සැලසුම් කර ඇත. සති දෙකක් පුරා කාමරයක් සොයමින් සිටි කෙනෙකුට, අඩු මිලක විකල්පයක් දුටු විට ඉක්මනින් ලබා ගැනීම ස්වභාවිකයි. හොඳින් සැලසුම් කළ වංචාවක්, එම මොහොත භාවිතා කරන්නේ:

· පරීක්ෂාව මඟහැරීමට
· ගිවිසුම මඟහැරීමට
· කිසිවක් තහවුරු කිරීමට පෙර මුදල් ලබා ගැනීමටයි.

ආරක්ෂිතම සේවකයන් හැමවිටම වැඩි අත්දැකීම් ඇති අය නොවේ. ඔවුන් නම්, වෙනත් කෙනෙකු ඔවුන් ඉක්මන් කරවන විට මන්දගාමීව සිතන අයයි.

මුදල් ගෙවීමට පෙර පෙනෙන අනතුරු සංඥා

අතිශය හදිසි බව යනු හඳුනාගත හැකි ප්‍රධාන අනතුරු සංඥා වේ. සැබෑ කුලීකරු ඉක්මන් තීරණයකට කැමති විය හැක, නමුත් දේපළ හෝ ගිවිසුම නොබලා මිනිත්තු 10–20 අතර මුදල් මාරු කිරීමට ඉල්ලීම සාමාන්‍ය කුලී ක්‍රමයක් නොවේ.

දේපළ පුද්ගලිකව පෙන්වීමට ප්‍රතික්ෂේප කිරීම තවත් අනතුරු සංඥාවකි. නිශ්චිත දිනයක ඉඩම් හිමියෙකු නොමැති වීමට සාධාරණ හේතු තිබේ. නමුත්, කිසිදු සංචාරයකටද ඉඩ නොදීම හෝ ඉතා කෙටි වීඩියෝ ඇමතුමක් පමණක් ලබාදීම කෙටි විස්තර/ඡායාරූප පෙන්වීම වෙනස් තත්වයකි.

එම ප්‍රදේශයේ අනෙක් කාමරවලට වඩා අතිශය අඩු මිලක් තිබේ නම්, එය සැනසීමක් නොව, ප්‍රශ්න ඇසීමට හේතුවක් විය යුතුය. අඩු මිලක් සඳහා සාධාරණ හේතු තිබිය හැක, නමුත් අවට කිසිවක් සමඟ නොගැලපෙන මිලක් සාමාන්‍යයෙන් අරුතක් නැති මිලක් දැක්වෙනවා නම්, එය කාමරය පෙනෙන පරිදි නොවනවා හෝ ගනුදෙනුව පෙනෙන පරිදි නොවනවා විය හැක.

සම්මත නොවන හෝ එකිනෙකට නොගැළපෙන කතා ද විශ්වාස කළ නොහැකි බව පෙන්වන වැදගත් සංඥාවක් වේ. කාමරයේ වෙසෙන සගයන් ගණන වෙනස් වන්නේ නම්, මුදල් එකතු කරන පුද්ගලයා ලේඛනවල සඳහන් නාමය සමඟ වෙනස් නම්, හෝ පෙර දී ලබාදුන් පැහැදිලි කිරීමක් වර්තමානයේ කියන දේ සමඟ නොගැළපේ නම්, සම්පූර්ණ ගනුදෙනුව විශ්වාසනීය නොවන ලෙස සැලකිය යුතුය.

සැබෑවටම අනාරක්ෂිත නවාතැන් හඳුනාගැනීම

අනාරක්ෂිත නිවාස යනු වංචාවට පමණක් සීමා වූ දෙයක් නොවේ. එය “පෞද්ගලික කාමරයක්” ලෙස විස්තර කළත් සැබෑවටම හය දෙනෙක් එක්ව බෙදාගන්නා ස්ථානයක් විය හැක.

එය රැකියාවට යාමට පෙර තම මූලික අවශ්‍යතා පහසුවෙන් ඉටුකර ගැනීමටවත් නො හැකි ලෙස වැඩි පිරිසක් විසින් භාවිතා කරනු ලබන ස්ථානයක් විය හැක.

එය ප්‍රමාණවත් ආලෝකයක් නොමැති පිවිසුමක්, නිසිලෙස අගුළු දැමිය නොහැකි දොරක් හෝ නිසි ලෙස නොපෙනෙන විදුලි කාන්දුවක් විය හැක.

ඔබ කිසියම් ස්ථානයක් බැලීමට ගිය විට, ඔබට පෙන්වන කාමරය පමණක් නොව පහත දෑ ද පරීක්ෂා කළ යුතුය. සමූහයක් ලෙස භාවිතා කරන මුළුතැන්ගෙය, නානකාමරය, පොදු අවකාශ, පිවිසුම, කවුළු සහ අගුළුද පරීක්ෂා කරන්න.

තෙත බිත්ති, තද දුර්ගන්ධ, අධික ජනගහනයේ ලක්ෂණ, හෝ අලුතින් ආවරණය කර ඇති හෝ වර්ණ ගැන්වූ බවක් පෙනෙන දේවල් පිළිබඳ සැලකිලිමත් වන්න.

කාමරය පෙන්වන පුද්ගලයා ප්‍රධාන කාමරයෙන් පිටත දේවල් පෙන්වූ විට යම් ගැටලුකාරී තත්ත්වයකට පත් වන්නේ නම්, එයත් වැදගත් තොරතුරකි.

ඔබගේ මුදල් ගෙවීම් ආරක්ෂා කරගැනීමට උපදෙස්

ආරක්ෂිතම ගෙවීම යනු පැහැදිලි සටහන් මාර්ගයක් ඉතිරි කරන ගෙවීමකි.

ලිඛිත විස්තරයක් සමඟ බැංකු හරහා ගෙවීමක් කිරීම, මුදල, දිනය, ලිපිනය සහ ගෙවීමේ අරමුණ සඳහන් රිසිට්පතක් ලබාගැනීම, පසුව විවාදයක් ඇතිවුවහොත් භාවිතා කළ හැකි ලේඛන සාක්ෂියක් වේ.

අතින් අතට මුදල් ගෙවන්නේ නම්, එයට සෑම විටම රිසිට්පතක් ලබාගත යුතුය.

නිවාස හිමියා හෝ නියෝජිතයා රිසිට්පතක් ඉල්ලා සිටීමේදී කරදරකාරී හෝ කෝපයට පත් වන්නේ නම්, එයද සැලකිල්ලට ගත යුතු ලක්ෂණයකි.

තැන්පතු මුදලක් ගෙවීමට පෙර සැලකිය යුතු දෑ:

· සම්පූර්ණ ලිපිනය
· පදිංචි වීමේ දිනය
· ගෙවීමෙන් ආවරණය වන්නේ මොනවාද
· මුදල් ආපසු ලබාගත හැකි කොන්දේසි

මෙම කරුණු හතරෙන් එකක් හෝ අස්ථානගත හෝ අපැහැදිලි නම්, එම ගෙවීම ඉක්මන්ව සිදු කරන ලද සහ අවදානම් සහිත ගෙවීමක් ලෙස සැලකිය යුතුය.

මුල් දැන්වීමේ ස්ක්‍රීන්ෂොට්, සංවාදයේ සියලු සංස්කරණ, ගෙවීම් ඉල්ලීම් සහ සම්බන්ධ වූ සෑම පුද්ගලයෙකුගේ නාමයන්ද සුරක්ෂිතව තබාගන්න. වංචා බොහෝ විට පණිවිඩ අස්ථානගත වීම සහ කාලයත් සමඟ වෙනස් වන පැහැදිලි කිරීම් මත රඳා පවතී.

කතාව වෙනස් වන විට අවබෝධ කරගත යුතු කරුණු

ගනුදෙනුවක් විශ්වාස කළ නොහැකි බව පෙන්වන පැහැදිලි ලකුණු වලින් එකක් වන්නේ කතාවේ විවරණය වෙනස් වීමයි. මේ විවිධාංග පහත පරිදි දක්විය හැක:

· දේපල ලබාගත හැකි බව මුලින් කියා තිබුනද පසුව තවත් කෙනෙකු එම දේපල සඳහාම ඉල්ලීමක් කිරීම.
· නිවාස හිමියා නගරයෙන් පිටව ගොස් ආපසු පැමිණි නමුත් නව ලිපිනයේ වෙනසක් තිබීම.
· තැන්පතු මුදල සාමාන්‍ය මුදලක් ලෙස පැවසුවද පසුව එය ආපසු ලබාගත නොහැකි ගාස්තුවක් බවට පත්වීම.

එවැනි අවස්ථාවලදී ඔබ කළ යුතු දේ:

කතාවේ එකිනෙකට වෙනස් වීමක් ඇති විට සෘජු ප්‍රශ්නයක් ඇසිය යුතුය: “ඔබ කලින් කියා තිබූ දේ වෙනස් වන්නේ ඇයි?”

සැබෑ නිවාස හිමියා තවත් පැහැදිලි කිරීමක් ලබා දීමට පෙළඹෙන අතර සාමකාමීව පිළිතුරු දෙනු ඇත.

වංචා කරන පුද්ගලයෙකු මග හැරීමට උත්සාහ කිරීමක් හෝ පසුබෑමෙන් ප්‍රතිචාර දක්වයි.

වෙනස්වන සංවාදයකට හොඳම පිළිතුර වන්නේ වැඩි ප්‍රශ්න අසමින් සෘජු පිළිතුරක් බලා සිටීම නොවේ. හොඳම පිළිතුර වන්නේ මුල් තොරතුරු තහවුරු නොවන තුරු ක්‍රියාවලිය නතර කිරීමයි.

නිගමනය

බොහෝ කුලී වංචා, මුදල් ගෙවීමට පෙර නවතා දැමිය හැකි වේ. මෙහි ක්‍රමවේදය සෑම විටම එකම රටාවකින් යුක්තයි:

· ඉක්මන් අවශ්‍යතාවයක් පෙන්වීම
· අසම්පූර්ණ හෝ අර්ථ දැක්විය නොහැකි ලේඛන
· එකිනෙකට නොගැළපෙන තොරතුරු
· කිසිවක් තහවුරු කිරීමට පෙර මුදල් ඉල්ලීම යනාදියයි.

ආරක්ෂිත කුලී ගනුදෙනුවක් සඳහා සැබෑ ලිපිනයක් තිබිය යුතුය, එම ස්ථානයට ඔබට පිවිසිය හැකිය. අත්සන් කිරීමට පෙර කියවිය හැකි පැහැදිලි ගිවිසුමක් තිබිය යුතුය. ගෙවීම් ක්‍රමය සාක්ෂි රැඳවිය හැකි ආකාරයෙන් සකසා තිබිය යුතු අතර, මුල සිට අවසානය දක්වා කතාවත් එකසේ සහ සමානුකුලව තිබිය යුතුය. මෙම ලක්ෂණ හතරෙන් එකක් හෝ නොමැති නම්, එම ගනුදෙනුව තහවුරු කිරීමට සූදානම් නැත.

The post කුලී වංචා සහ අනාරක්ෂිත වාසස්ථාන ගනුදෙනු වලින් වලකින ආකාරය appeared first on LANKACONNECT.

හැඳින්වීම

මිල නිවැරදි බව දැකීමෙන්ම සේවකයෙකු කාමරයක් මිලදී ගැනීමට එකඟ වේ. සති දෙකකට පසුව ගොඩනැගිලි නඩත්තු සඳහා දෙවන බිල්පතක් පැමිණේ. තෙවන පණිවිඩය විදුලිය පිළිබඳව පැමිණේ. හතරවන පණිවිඩය අන්තර්ජාලය පිළිබඳව වන අතර මාස අවසානයේදී කළමනාකරණය කල හැකි ලෙස මිලදී ගත් කාමරයට බලාපොරොත්තු වූවාට වඩා වැඩි මුදලක් වැය සිදු වේ.
මෙම මාර්ගෝපදේශය ඊශ්‍රායලයේ කුලී පදනම මත සිටීමේ සම්පූර්ණ මුදල් තත්ත්වය පැහැදිලි කරයි: යතුර භාරදීමට පෙර ගෙවිය යුතු වියදම්, සෑම මාසයකම ගෙවිය යුතු වියදම්, සහ ඔබ ඉවත්වෙන විට නැවත ලැබිය හැකි දේ යනාදිය පිළිබඳව පැහැදිලි කරයි. මෙය මුදල් හුවමාරුව සිදුවීමට පෙර පැහැදිලි පිළිතුරු අවශ්‍ය ශ්‍රී ලාංකික විදේශීය සේවකයින් සඳහා ලියා ඇත.

සෑම කුලී ගිවිසුමකම ඇති මුදල් අදියර තුන

කුලී වියදම් පැහැදිලි අවස්ථා තුනකට බෙදේ. ඇතුල්වීමට පෙර මෙම අදියර තුනම අවබෝධ කර ගැනීම බිල්පත් මගින් පුදුම වන කුලීකරුවකු සහ එසේ පුදුම නොවන කුලීකරුවකු අතර වෙනස පැහැදිලි කරයි.

· පළමු අවස්ථාව ඇතුල්වීමේ මුදල්ය:
තැන්පතුව, ඕනෑම ඇපකරයක් හෝ ආරක්ෂක විධිවිධානයක්, පළමු මාසයේ කුලිය සහ සමහර විට තැරැව්කාර ගාස්තුවක් යනාදිය මීට ඇතුලත් වේ. මෙය විශාලතම තනි ගෙවීමේ මොහොත වන අතර, වඩාත් මිල අධික වැරදි සිදුවීම වන අවස්ථාව ද වේ.

· දෙවන අවස්ථාව මාසික මුදල්ය:
කුලිය, විදුලිය, ජලය, අන්තර්ජාලය, ගොඩනැගිලි ගාස්තු සහ හවුලේ භාවිතා වන කාමරයක් සඳහා පිරිසිදු කිරීම හෝ නඩත්තු ගාස්තු මීට ඇතුලත් වේ. මෙම මුදල් සියල්ල ස්ථාවර නොවේ. සමහර සෘතු අනුව හෝ අලුත් නිවැසියන් නිවාසයට/කාමරයට එකතු වුවහොත් මෙම වියදම් වෙනස් හැක.

· තුන්වන අවස්ථාව පිටවීමේ මුදල්ය:
අවසානයේ ආපසු ලබා දෙන්නේ කුමක්ද, කුමන කොන්දේසි යටතේද සහ ක්‍රියාවලියට කොපමණ කාලයක් ගතවේද යනාදියයි . බොහෝ කුලීකරුවන් ඇතුල්වීමේ අවස්ථාව හොඳින් අවබෝධ කරගත්තද, ඔවුන් ගැටුමකට පැමිණෙන තුරු පිටවීමේ අවස්ථාව පිළිබඳව කිසිදු අවධානයක් නොදක්වයි.
ස්ථානයකට එකඟ වීමට පෙර අදියර තුනම ලියා තැබීමෙන් සංකීර්ණ තත්වයක් පැහැදිලි සංසන්දනයක් බවට පත් කරයි.

තැන්පතුකින් සැබැවින්ම ආවරණය වන දේ සහ නොවන දේ

තැන්පතුවක් අමතර කුලියක් ලෙස නොව ආරක්ෂාවක් ලෙස තබා ගනී. සාධාරණ කුලී ගිවිසුමකදී, කුලීකරු විසින් තැන්පතු භාවිතා කළ හැක්කේ කුලීකරුවා ගිවිසුම සපුරා නොමැති විට, වගකීම් නොගෙවූ විට, හෝ දේපළට අසාමාන්‍ය හානි සිදු වූ විට පමණි.
සාමාන්‍ය පරිහරණයෙන් පහත පරිදි ඇතිවිය හැකි හානි අසාමාන්‍ය හානියක් නොවේ.

· බිත්ති පැහැය අඩු වීම
· මහල භාවිතයෙන් පෙන්නන ලක්ෂණ
· උපකරණ භාවිතයේදී ඇති විය හැකි ක්ෂය වීම්

මේ සඳහා තැන්පතුවෙන් අඩු කරන කුලීකරු තැන්පතුව අනිසි ලෙස භාවිතා කරයි.

තැන්පතුවක් ගෙවීමට පෙර පහත ලෙස ලිඛිතව කරුණු තුනක් විමසන්න:

· නිශ්චිත මුදල
· එය තබා ගන්නේ කොහේද
· එහි ඕනෑම කොටසක් තබා ගත හැකි නිශ්චිත කොන්දේසි.

පිළිතුරු අපැහැදිලි නම් හෝ එක් සංවාදයකින් තවත් සංවාදයකට වෙනස් වුවහොත්, එය නවතා සිටීමට හේතුවක් මිස වැඩි විශ්වාසයක් තැබීමට හේතුවක් නොවේ.

ඇපකරු, පොරොන්දු ලිපි සහ අනෙකුත් ආරක්ෂණ ඉල්ලීම්

සමහර ඉඩම් හිමියන් තැන්පතුවකට වඩා වැඩි යමක් ඉල්ලා සිටියි. ඔවුන්ට:

· ඇපකරුවෙකු
· පොරොන්දු පත්‍රයක්
· පසු දිනයක් සඳහන් කරගත් චෙක්පත් ඉල්ලා සිටිය හැකිය.

මේවා විවිධ අවදානම් සහිත විවිධ මෙවලම් වන අතර කිසි විටෙකත් එකිනෙකට හුවමාරු කළ හැකි ලෙස නොසැලකිය යුතුය.

ඇපකරුවෙකු : කුලී නිවැසියාට නොහැකි නම් වගකීම් ආවරණය කිරීමට එකඟ වන අයෙකි. එම පුද්ගලයා සැබෑ මූල්‍ය අවදානමක් ගනී.

පොරොන්දු පත්‍රයක් : බලාත්මක කළ හැකි විධිමත් අත්සන් කරන ලද කැපවීමකි.

පසු දින චෙක්පත් : මේවා චෙක්පත්වල බර දරයි.

ඉඩම් හිමියෙකු එකවර ආරක්ෂක අයිතම කිහිපයක් ඉල්ලා සිටින්නේ නම්, සම්පූර්ණ පැකේජය ප්‍රවේශමෙන් සමාලෝචනය කරන්න. සෑම අයිතමයක්ම තනිවම කුඩා ලෙස පෙනෙන්නට පුළුවන. සියල්ලම එකතු වූ පසු කුලී නිවැසියාට සහ ඔවුන්ගේ ඇපකරුට ඉතා බර වගකීමක් ඇති කළ හැකිය.

සේවකයින්ට අමතක වන වියදම්

කුලිය යනු දැන්වීමේ (listing) මත සඳහන් සංඛ්‍යාවයි. සැබෑ මාසික වියදම යනු ඒ සඳහා විදුලිය, ජලය, අන්තර්ජාලය, ගෑස්, ගෘහ නඩත්තු ගාස්තු, සහ සමහර විට පිටවෙන අවස්ථාවේ පිරිසිදු කිරීමට වැයවන ගාස්තුව සමග එකතු කළ මුදලයි. මෙම දෙක අතර ඇති වෙනස නිසා බොහෝ නිවාස ආර්ථික සැලසුම් බිඳෙනු ඇත.

අඩු කුලී ගෙවීමක් ලෙස පෙනෙන කාමරයක් මාසිකව වැඩි වියදමක් (විදුලි, ජල, අන්තර්ජාල සහ නඩත්තු ගාස්තු) ඇති කළ හැකිය. වෙළඳ දැන්වීමක කුලී වියදම පමණක් සංසන්දනය කිරීම කුලී නිවැසියන් කරන වඩාත් සුලභ හා මිල අධික වැරදි වලින් එකකි.

ගණනීය වෙනස්කම් සමහර විට කාලගුණය අනුව ද වෙනස් විය හැක. වියදම් කාලය අනුව වෙනස් වන්නේද යන්න විමසීම ද වැදගත්ය. විදුලි ගාස්තුව ග්‍රීෂ්ම කාලයේදී වැඩි විය හැක. විශේෂයෙන් හවුලේ භාවිත කරන නිවසක/කාමරයක වායු සමීකරණ වැඩි ලෙස භාවිතා කරන විට, බිල්පත් පිළිබඳ පරික්ෂා නොකරන හෝ සාකච්ඡා නොකරන විට වියදම අසාධාරණ ලෙස ඉහළ යා හැක.

නිවාස දෙකක් සාධාරණව සසඳන්නේ කෙසේද

සැලකිය යුතු විකල්ප සඳහා ලිඛිත ලැයිස්තුවක් භාවිතා කරන්න:

· මාසික කුලිය
· තැන්පතු මුදල
· අවශ්‍ය ආරක්ෂණ වර්ගය
· ජලය, විදුලිය, අන්තර්ජාලය, ගොඩනැගිලි ගාස්තු
· රැකියාවට යාමට ඇස්තමේන්තුගත ගමන් පිරිවැය
· එකවර ගෙවිය යුතු පිවිසුම් ගාස්තු

පසුව නොව එම අවස්ථාවේ දීම කළ යුතුය.

කෙටි සංචාරයකින් පසු නිවාස දෙකක් එක හා සමාන බවක් දැනිය හැකි නමුත් වැඩි ආරක්ෂිත එක සාමාන්‍යයෙන්,

· පැහැදිලි ලේඛන ඇති
· පැහැදිලි නොවන අමතර ගාස්තු අඩු
· රැකියාවට යාම සඳහා ගමන් පහසුකම් ඇති නිවසයි.

බහුලව සිදු වන ගෙවීම් වැරදි

1. කාමරයක් අහිමි වෙයි කියා සිතමින් ඉක්මනින් මුදල් ගෙවීම බහුලව සිදු වන වැරැද්දකි. මෙවැනි පීඩනය බොහෝවිට මිනිසුන්ට ලේඛන හොඳින් කියවීම වැළැක්වීමට යොදාගන්නා එකකි.
2. රිසිට්පතක් නොමැතිව මුදල් (cash) ගෙවීම තවත් වැරැද්දකි. මුදල් ලැබුණු බව සඳහන් කෙටි පණිවිඩයක්,

· මුදල
· දිනය
· ලිපිනය
· ගෙවීමේ හේතුව

පැහැදිලිව සඳහන් කරන නිල ලේඛනයකට සමාන නොවේ. නිවැරදි රිසිට්පතක් හෝ බැංකු හුවමාරු වාර්තාවක් පමණක් සැබෑ ආරක්ෂාවක් ලබා දෙයි.

3. තැන්පතු සහ පළමු මාසික කුලිය එකට මිශ්‍ර කර ගැනීම තවත් වැරැද්දකි.
   ගිවිසුම තුළ එය පැහැදිලිව වෙන් කර නොමැති නම්, පසුව එම වෙනස තහවුරු කරගැනීම ඉතා අපහසු වේ.
4. පිටවීමේ අවධිය ගැන සැලකිලිමත් වීම.
   පිවිසීමේ අවධිය සමඟම, පිටවීමේ අවධියටද සමාන අවධානයක් දිය යුතුය.

· තැන්පතු ආපසු ලැබෙන ආකාරය
· එය ලැබෙන කොන්දේසි
· කාලසීමාව

මෙම සියල්ලම මුලිකවම නිවාස තේරීමේ කොටසක් වේ.
පිටවීමට උත්සාහ කරන අවස්ථාවේදී පමණක් මේ ගැන සිතන කුලීකරුවන්ට ඔවුන් බලාපොරොත්තු වූවාට වඩා පැහැදිලි නොවන තත්වයන්ට මුහුණදීමට සිදුවේ.

නිගමනය

ආරක්ෂිත නිවාස තීරණ ගන්නා අය, මුදල් ගෙවීමට පෙර සන්සුන්ව සහ පැහැදිලිව ප්‍රශ්න කරති:

· මෙම ගෙවීම කුමක් සඳහාද
· එය ගෙවිය යුතු වේලාව කවදාද
· එය සනාථ කරන ලේඛන මොනවාද
· ඔබ පිටවෙන විට එම මුදලට සිදුවන්නේ කුමක්ද

කුලිය යනු සම්පූර්ණ මාසික නිවාස වියදමේ එක් කොටසක් පමණක් ලෙස සලකන සේවකයන්
සාමාන්‍යයෙන්

· වැඩි ස්ථාවරතාවයක් පවත්වා ගනී,
· නිතර නිතර නිවාස මාරු නොකරයි,
· මුදල් අහිමි වීමද අඩු වේ.

එයට වෙනස්ව, දැන්වීමේ සඳහන් මිල පමණක් අවධානය යොමු කරන අයට, බොහෝවිට වැඩි ගැටළු සහ අමතර වියදම් මුහුණ දීමට සිදු වේ.

The post තැන්පතු, භාරකාර සහ පොදු වාසස්ථාන වියදම් පැහැදිලි කිරීම appeared first on LANKACONNECT.