හැඳින්වීම
ගෙදරට කරන දුරකථන ඇමතුම් එක් දිනක සැනසිලිදායක විය හැකි අතර, අනෙක් දිනක වෙහෙසකර විය හැක. බොහෝ සේවකයන් සඳහා, පවුල සමඟ සම්බන්ධ වීමම ගැටලුව නොවේ; සැබෑ ගැටලුව වන්නේ කාර්යභාර, මුල්යමය ගැටලු සහ දුරස්ථභාවය තනිවම භාරගෙන සිටියද, සෑම පුද්ගලයෙකුටම සෑම වේලාවකම ළඟා විය හැකි ලෙස සිටීමට උත්සාහ කිරීමයි.
මෙහි අරමුණ පවුලෙන් දුරස්වීම නොවේ. එහි අරමුණ වන්නේ ආදරණීය, අවංක සහ දිගුකාලීනව පවත්වාගත හැකි ආකාරයකින් සම්බන්ධතාවය පවත්වාගෙන යාමයි.
තෙහෙට්ටුව, ආතතිය (Burnout) ඇති වන්නේ ඇයි
පවුල සමඟ සන්නිවේදනයේදී ආතතිය සාමාන්යයෙන් එකට එකතු වී ඇති කරුණු තුනකින් ඇතිවේ. එනම්:
● වැරදි වේලාවල ගන්නා අධික ඇමතුම්
● සීමා නොමැති මානසික පීඩනය
● හදිසි අවස්ථාවලදී පමණක් මුදල් අපේක්ෂා වෙනුවෙන් කතා කිරීම ආදියයි.
සේවකයෙකු ආදරය නිසා සෑම ඇමතුමකටම පිළිතුරු දිය හැක, නමුත් ක්රමයෙන් ඔහු/ඇය වෙහෙසට පත් වී, කෝපයට පත් වී වරදකාරී බවක් දැනේ. කාලයත් සමඟ, මෙම රටාව සේවකයාටත් පවුලේ සබඳතාවයටත් හානි කරයි.
සෑම දෙයකටම පිළිතුරු දීම වෙනුවට, නියමිත රටාවක් තෝරාගන්න
නිවැරදි සම්බන්ධතාවයකට සාමාන්යයෙන් රටාවක් අවශ්ය වේ. ඔබෙන් කවදා දුර ඇමතුමක් ලැබේද කියා පවුල දැන සිටින විට ඔවුන්ට සන්සුන් බවක් දැනේ. ඔබටත් සෑම වෙලාවකම “සූදානම්ව සිටිය යුතුය” කියන පීඩනය අඩු වේ.
● හැකි විට දිගු කතා සඳහා නියමිත වේලාවක් තබාගැනීම
● කාර්යබහුල දිනවල කතා නොකර සිටීම වෙනුවට කෙටි සම්බන්ධතා පණිවිඩ භාවිතා කිරීම.
● වැඩ, ගමන් හෝ විවේක වේලාවන් අතරතුරදී පිළිතුරු දිය නොහැකි බව කලින්ම පවුලට දැනුම් දීම.
● සෑම ඇමතුමක්ම මුදල් සාකච්ඡාවක් බවට පත් නොවීමට වගබලා ගැනීම.
හැඟීම්වලින් දෙන සහාය සහ මුදල් පීඩනය එකින් එක වෙන් කර හඳුනා ගැනීම
ඇමතුම් බරපතල වීමට එක් හේතුවක් වන්නේ ආදරය සහ මුදල් එකට මිශ්ර වීමයි. සෑම පණිවිඩයක්ම ඉල්ලීමක්, ගැටලුවක් හෝ විශ්වාසය පරීක්ෂා කිරීමක් ලෙස හැඟෙන්නට පටන් ගනී.
එබැවින්, වෙන්වූ සංවාද පවත්වා ගැනීම උපකාරී වේ. සමහර ඇමතුම් පවුල් ජීවිතය, දරුවන්, සෞඛ්යය, පුවත් හෝ සාමාන්ය දෛනික සම්බන්ධතා පිළිබඳව පමණක් විය යුතුය. මුදල් සම්බන්ධ සාකච්ඡා වඩාත් පිළිවෙළක් ඇතිව සහ හදිසි නොවන ආකාරයෙන් සිදුවිය යුතුය.
නැවත නැවත කරන ඉල්ලීම්වලට කෝප නොවී පිළිතුරු දෙන ආකාරය
සේවකයන් බොහෝවිට දිගුකාලීනව නිහඬව සිට, පසුව කෝපයෙන් පිළිතුරු දීම සිදු කරයි. වඩා හොඳ ප්රවේශයක් වන්නේ සන්සුන් පුනරාවර්තනයයි. එක් ගෞරවනීය වාක්යයක් භාවිතා කර එය ස්ථාවරව තබා ගන්න.
උදාහරණ:
“මට 5 වෙනිදාට උදව් කරන්න පුළුවන්, ඒකට කලින් බැහැ.”
“මගේ කුලිය සහ ආහාර මුදල් මුලින්ම තබාගන්න ඕන.”
“සෑම මාසයකම අමතර මුදල් දීමට මට පොරොන්දු විය නොහැක.”
මුලදී මෙවැනි පැහැදිලිවීම අසීරු ලෙස දැනුනද, නමුත් බොඳ වූ පොරොන්දු වලට වඩා පැහැදිලි සීමා බොහෝ විට වැඩි ගෞරවයක් ඇති කරයි.
පවුලේ ආදරය අධික මානසික බරක් බවට පත්වන විට
සමහර විට ගැටලුව මුදල් පමණක් නොවේ. සේවකයෙකු දුරින් සිටියත්, සම්පූර්ණ පවුලේ සියලු ප්රශ්න විසඳන “මානසික මධ්යස්ථානය” ලෙසට පත් විය හැක. එය එක් පුද්ගලයෙකුට ඉතා බරකි.
සෑම ඇමතුමක්ම ඔබව කනස්සල්ලට, වරදකාරී හැඟීමකට හෝ නින්ද අහිමිවීමකට පත් කරන්නේ නම්, එය සුළු දෙයක් නොවේ. එයින් අදහස්වන්නේ ඔබට ආදරය අඩු කිරීම නොව, සෞඛ්ය සම්පන්න සීමා අවශ්ය බවයි.
උපකාරී වන ප්රායෝගික පුරුදු
● නින්ද හෝ වැඩ වේලාවන් අතරතුර අත්යවශ්ය නොවන කතා සීමා කිරීම
● ඔබ යැවූ, පොරොන්දු වූ සහ පැහැදිලි කළ දේවල් ගැන මාසික සටහනක් තබා ගැනීම
● ඔබ වෙහෙසට හෝ ආවේගාත්මක තත්ත්වයක සිටින විට විශාල පොරොන්දු නොදීම
● සජීවී දුරකථන ඇමතුම් වෙහෙසකර වන විට හඬ පණිවිඩ භාවිතා කරන්න
● සෑම සතියකම එක් කාලයක් මුදල් ගැන පවුල් සාකච්ඡා නොමැතිව තබාගැනීම
නිගමනය
සම්බන්ධතාවය පවත්වා ගැනීම යනු සෑම මිනිත්තුවකම ඔවුන් හා සම්බන්ධ වී සිටීම නොවේ. ශක්තිමත් පවුල් සබඳතාවක් ගොඩනැගෙන්නේ අවංකකම, රටාවන් සහ දිගුකාලීනව පවත්වාගත හැකි සීමා මතයි.
සේවකයන් තමන්ගේ සෞඛ්යය සහස්ථාවරත්වයද ආරක්ෂා කරගන්නා විට, ඔවුන්ට තම පවුල්වලට වඩා හොඳින් සහාය විය හැක.
Comments