ශ්රී ලංකාවට විදේශ විනිමය ගෙන එන ප්රධානම ශක්තියක් ලෙස විදේශගත ශ්රමිකයන් තවදුරටත් කැපී පෙනෙයි. 2026 අප්රේල් මාසයට අදාළ නවතම දත්ත අනුව, විදේශ රැකියාවල නිරත ශ්රී ලාංකිකයන් විසින් මෙරටට එවා ඇති මුදල් ප්රමාණය ඇමරිකානු ඩොලර් මිලියන 767.9 දක්වා ඉහළ ගොස් තිබේ.
මෙය පසුගිය වසරේ එම කාලය සමඟ සසඳන විට සියයට 19 ක සැලකිය යුතු වර්ධනයකි. 2025 අප්රේල් මාසයේදී ශ්රී ලංකාවට ලැබුණු විදේශ ප්රේෂණ ප්රමාණය ඇමරිකානු ඩොලර් මිලියන 646 ක් විය.
ශ්රී ලංකා මහ බැංකුව නිකුත් කළ දත්තවලට අනුව, 2026 වසරේ මුල් මාස හතර තුළ පමණක් ශ්රී ලංකාවට ලැබී ඇති සමස්ත විදේශ විනිමය ප්රමාණය ඇමරිකානු ඩොලර් බිලියන 3.06 ඉක්මවයි.
විදේශ රැකියා අවස්ථා පුළුල් කිරීම සඳහා ශ්රී ලංකා රජය ගෙන යන වැඩපිළිවෙළද මේ වර්ධනයට බලපා ඇති බව විශේෂඥයන් පෙන්වා දෙයි. විදේශ රටවල් සමඟ ඇති කරගන්නා නව ගිවිසුම්, පුහුණු ශ්රමිකයන්ට ලබාදෙන අවස්ථා සහ විදේශගත ශ්රමිකයන් සඳහා ක්රියාත්මක සුභසාධන වැඩසටහන් හේතුවෙන් තවත් ලාංකිකයන් විදේශ රැකියා වෙත යොමුවෙමින් සිටිති.
2026 වසරේ මුල් මාස හතර තුළ පමණක් ශ්රී ලාංකිකයන් 79,954 දෙනෙකු විදේශ රැකියා සඳහා පිටත්ව ගොස් ඇති අතර, එයින් වැඩිම පිරිසක් ගොස් ඇත්තේ එක්සත් අරාබි එමීර් රාජ්යයටයි. එම සංඛ්යාව 17,012 ක් බව ශ්රී ලංකා විදේශ සේවා නියුක්ති කාර්යාංශය සඳහන් කරයි.
මේ අතර, 2025 වසර ශ්රී ලංකා ඉතිහාසයේ විශේෂ සන්ධිස්ථානයක් බවටද පත්විය. එම වසර තුළ විදේශගත ශ්රමිකයන්ගෙන් ලැබුණු මුදල් ප්රේෂණ ප්රමාණය ඇමරිකානු ඩොලර් බිලියන 8 ඉක්මවා ගිය අතර, එය මෙරට ඉතිහාසයේ වාර්තා වූ ඉහළම විදේශ විනිමය ආදායම ලෙස සැලකේ.
Source – SLBFE
Comments