මෙය මාර්ගෝපදේශයකි. මෙයින් දැනීමක් ලබා, ඉල්ලුම් කිරීමේදී පවතින යාවත්කාලීන තොරතුරු, නීතිමය තත්ත්වයන් පිළිබඳවද දැනුවත් භාවයෙන් ක්රියා කරන්න.
බොහෝ විට විදේශීය කම්කරුවන් ඊශ්රායලයට පැමිණෙන්නේ වීසා යටතේය. එය සේවායෝජකයෙකු හරහා ක්රියාත්මක වන්නකි. එම නිසා ඔබ අදාළ සේවාවේ කොන්දේසි වලට බැඳෙන අතර ඊශ්රායලය පුරා නිදහස් වීසා භාවිතයක් නොමැති බව අවබෝධ කරගන්න.
පහත තොරතුරු පිළිබඳ වඩාත් දැනුවත් වන්න
• ඔබේ ගුවන් ගමන් බලපත්රයේ කල් ඉකුත්වන දිනය.
(අවම වසර තුනක් වලංගු ගුවන් ගමන් බලපත්රයක් වීම වඩා හොඳය)
• ඔබගේ රැකියා ගිවිසුම සම්පූර්ණ තොරතුරු සහිත වීම. අසම්පූර්ණ ගිවිසුම් ගැටලුකාරී වෙයි.
• ඒජන්සිය ඔබට උපදෙස් දුන්නේ වාචිකව නම් උපදෙස් ලිඛිතව ලබා ගන්න.
• ඔබට ඊශ්රායලයේ ඕනෑම තැනක ඕනෑම රැකියාවක් කිරීමේ හැකියාව ඇති බව යන වැරදි අවබෝධය තිබිය හැක.
• වීසා වර්ගය කල් ඉකුත් වන දිනය.
• සේවායෝජකයාගේ තොරතුරු.
• ඔබ කරන සේවය කුමක්ද යන වග.
• සම්බන්ධ වූ ඒජන්සිවරයාගේ විස්තර.
• ඔබ පිළිබඳව වගකියන පුද්ගලයාගේ විස්තර.
• ඔබගේ අපරාධ පොලිස් සහතිකය.
• වෛද්ය සහතිකය.
• රැකියා ගිවිසුම.
• පුහුණු සහතික.
• ඇගිලි සලකුණු අනුමැතිතාවය.
(මූලික ලෙස මෙසේ වුවද මෙම ක්රමවේදයේ වෙනස්කම් ද සිදුවිය හැකි බව සලකන්න.)
ලේඛන සහ දත්ත ආරක්ෂිතව තබා ගැනීම
ඉහත ලේඛන වල ඡායාරූප පිටපතක්ද, අවශ්ය දුරකථන අංක, ඔබ සම්බන්ධ ඒජන්සියේ විස්තර ඇතුළත් ලිපි, දුරකථන ඇමතුම්වල පණිවිඩ ඡායාරූපයක් යන දේ ඇතුළත් ලිපි ගොනුවක් සාදාගන්න.
එම දත්ත දුරකථනයේද, හැකිනම් අන්තර්ජාලයේ ද තබාගන්න.
වීසා සහ රැකියා පොරොන්දු එකම දෙයක් නොවේ
ශ්රමිකයා රැකියාවට බඳවාගන්නා බවට දෙන පොරොන්දුව සහ වීසා බලපත්රය එකිනෙකට සම්බන්ධ නමුත්, වෙනස් බව දැන ගන්න. උදාහරණයක් ලෙස සත්කාරක සේවකයෙකු බවට පත්වීමට කොන්සල් කාර්යාලයෙන් ලබා ගත යුතු අනුමැති බොහොමයක් ඇත. වීසා බලපත්රය එම අනුමැතියන්ට හේතුවක් නොවෙයි.
රැකියා අයිතිවාසිකම් ගැන සොයා බලන්න
• සේවා යෝජකයා විසින් සේවකයාට තේරුම්ගත හැකි භාෂාවකින් ගිවිසුම ලබා දිය යුතුය.
• බොහෝ විට වෛද්ය රක්ෂණයක්, සුදුසු නවාතැන් සැපයීමක් සිදු කරන අතර, එය සේවා රාමුවේම කොටසකි. අමතර උපකාරයක් නොවෙයි.
• රටට ඇතුළුවීමෙන් පසුව ඔබට දන්වන ලද තොරතුරු ප්රායෝගිකව ගැලපේදැයි බලන්න. ගුවන් ගමන් බලපත්රයේ, සේවා යෝජක විස්තර, වැටුප් වාර්තා වල විස්තර, ඔබ වැඩ කරන ක්ෂේත්රය පිළිබඳ විස්තර, සෞඛ්ය රක්ෂණය සහ නිවාස පහසුකම් පිළිබඳව දැනුවත් වන්න.
• ගිවිසුම හා නොගැලපේ නම් හැකි ඉක්මනින් වාර්තා කරන්න. පසුවට කල් දැමීම අතිශයින් ගැටලුකාරී ය.
වීසා බලපත්රය සහ රැකියා ක්ෂේත්රය
ඊශ්රායලය තුළ විදේශීය සේවකයකුට ලැබෙන වීසා බලපත්රය බලපැවැත්වෙන්නේ අදාල ක්ෂේත්රයට පමණි. (විශේෂඥ වීසා වෙනම ආකාරයකට බලපැවැත්වේ.)
එබැවින් ඔබේ ඒජන්සිකරුවා විසින් ඕනෑම තැනක වැඩ කළ හැකි යැයි දෙන පොරොන්දු සහ බලපත්ර පසුවට වෙනස් කරන බවට දෙන පොරොන්දු පිළිබඳ පරිස්සම් වන්න. හානිදායක විය හැක.
සත්කාරක සේවාවේ නම්
ඊශ්රායලයේ ළඟම ඥාතියෙක් නොවන කෙනෙක්ට සත්කාරක සේවා සඳහා පැමිණිය හැක්කේ අවුරුදු 18 පිරුණු පසු පමණි.
ඔබ නිල වශයෙන් ලබාගත යුතු තොරතුරු
• ඔබට ලැබෙන්නේ කුමන වර්ගයේ වීසා ද.
• යන කුමන අංශයක් ඔබට රැකියාව කිරීමට නියමිතද.
• ඔබගේ සේවා යෝජකයා කවුද.
• වීසා බලපත්රය හා සම්බන්ධ ආගමන කාර්යාලය හා ඒජන්සිය කුමක්ද.
• ඔබේ වීසා බලපත්රය කල් ඉකුත් වන්නේ කවදාද.
අදාළ පුද්ගලයන්ගෙන් නිල ලිපියකින් ලබාගන්න.
මුල් ලේඛන තබාගැනීමේ වැදගත්කම
ඔබ ආරම්භ කරන රැකියාව, මුල් සේවා යෝජකයා, සේවය ආරම්භක දිනය, සම්බන්ධ වූ ඒජන්සිකරුවා, එම ආයතන විස්තර, වීසා ලිපි සහ අනෙකුත් ලිපි යන මේ සියල්ල තබාගන්න. පසුවට ප්රශ්නයක් පැන නැගුණු කළ මුල් ලිපි අතිශයින් වැදගත් සාක්ෂි වේ.
සාමාන්ය ජීවිතයේදී ශ්රමිකයන් මුහුණ දෙන ප්රශ්න අතර මුල් විස්තර තබා නොගැනීමෙන් ඇතිවන ගැටලු බහුලව පවතී.
වැරදි ආකල්ප සහ සැබෑ නීතිමය තත්ත්වය
ක්ෂේත්ර දෙකක පුද්ගලයන් හට ලැබෙන නීතිමය අවස්ථා වෙනස් බව අවබෝධ කොට ගත යුතුය.
සංචාරක වීසා හෝ විශේෂ අවස්ථා සඳහා වීසා මගින් රටේ සේවය කිරීමට හැකිය යන වැරදි ආකල්පය මත ඇතැම් පුද්ගලයන් හිඳිනු පෙනේ.
වීසා බලපත්රයෙන් අනුමත රැකියාවන් පමණක් කිරීමට හැකියාවක් ඇති බව මතක තබාගන්න.
සමාජ මාධ්යවලින් තොරතුරු ලබා ගැනීම යහපත් වන අතර නීතිමය තත්ත්වයන්හිදී සමාජ මාධ්ය මත වගකීම නොතබන්න.
යාවත්කාලීන තොරතුරු සහ පරීක්ෂා කිරීම
ලේඛන තබා ගැනීමේ දී සම්පූර්ණ තොරතුරු තබා ගන්න.
ඔබගේ රැකියාව හා වීසා පිළිබඳව යාවත්කාලීන තොරතුරු වලින් දැනුවත් වන්න.
පවතින සැබෑ නීතිය දැනගන්න.
ඊශ්රායලයට ඇතුළු වීමේදිත්, පිටවීමේදිත් නැවතත් ඊශ්රායලට ඇතුළුවීමකදීත් අවශ්ය නීතිමය තත්ත්වයන් පිළිබඳව හොඳින් දැනම ක්රියාත්මක වන්න.
යම් සංචාරයකට හෝ රැකියා වෙනසක් කිරීමට පෙර වත්මන් තත්ත්වයන් පිළිබඳව සසඳා බලන්න අවශ්ය උපදෙස් ගන්න.
මසකට වරක් අවම වශයෙන් විනාඩි දහයක්වත් රැගෙන සියලූම නීතිමය ලියකියවිලි වලංගුභාවය තුළ ඇත්දැයි පරීක්ෂා කිරීම වටී.
නිලධාරීන් සමඟ කතා කරන විට
වගකිවයුත්තන් ඔබෙන් වීසා තත්ත්වය පිළිබඳ විමසූ කළ ඉතාමත් කෙටියෙන් සම්පූර්ණ නම, ගුවන් බලපත් අංකය, පුද්ගලික හැදුනුම්පත අංකය, සේවායෝජකයාගේ විස්තර, වීසා කල් ඉකුත් වීමේ විස්තර පැහැදිලි කර දෙන්න.
ඔබ විමසූයේ දුරකථනය හරහා නම් ඉංග්රීසියෙන් කෙටි වාක්ය මඟින් පිළිතුරු දෙන්න.
සංක්ෂිප්තය
ඔබේ වීසා බලපත්රය ඊශ්රායලය තුළ ජීවත්වීමට ඇති වලංගුතාවයක් පමණක් නොව වැටුප්, නවාතැන්, වෛද්ය රක්ෂණ, බැංකු කටයුතු, ගමන් බිමන් යන බොහෝ දේ සඳහා ඉඩ සැලසෙන නීති ලියවිල්ලකි.
එය පැහැදිලි ලෙස නොතිබුණහොත් ඔබේ වියදම වැඩි සහ ගැටළුවලටද මුහුණ පෑ හැක. එහි නීතිමය තත්ත්වයන් දැන, වලංගුතාවය හා යාවත්කාලීන නීති රෙගුලාසි පිළිබඳ දැනුමෙන් යුතුව ක්රියා කිරීමෙන් ගැටලු අවමව ජීවත් විය හැක.
Comments